خاننا القدر !

البارت الرابع و العشرون

بقلمي / ضوء القمر 💫

وردت افتهم ليش اختلف مو هو كايلي وحلف ميعيش لحضه بدوني .

محمد عافني و راح بدل و اخذ اغراضه و طلع ضليت أنتظره تأخر حيل اتصل يرفضني ادز رسائل يشوف و ميرد اعرف يسوي هيج حتى يضوجني كلش انقهرت ضليت انتظر لل 2 يالله اجه بس مبين بعد ضايج رحت عليه

ياسمين : تاخرت مو عوايدك
محمد : يهمج ب شي
ياسمين : ي يهمني مو انته زوجي و حبيبي
محمد : ياسمين تعبان و اريد انطمر باجر عندي شغل

عافني و راح تمدد على القنفه اوف يربي هم زعل طول الفتره الفاتت جان يحاول يراضيني و اني اصده استاهل اني استاهل ضليت اسبوع احاول احجي ويا و الينه بس ماكو قافل بيوم جنا كاعدين بالغرفه هو متمدد على القنفه و يكلب بالفون أخذت فوني و دزيتله اغنيه مال حماقي يلي زعلان مني شافها و ما حجى شي عاف الفون و كام ديبدل رحت حضنته و كمت ابجي 

ياسمين بدموع : محمد كافي ما تصورتك هيج قاسي وياي لهاي الدرجه اهون عليك متحاجيني
محمد ب عتاب : لعد شلون اني هنت عليج 4 اشهر متحاجيني و تالي تتهميني بالخيانه
ياسمين : يعني انته كاتب نور الحب شمدريني هذا ولد

التاف عليه و باوعلي بنظره عتب جر نفس

محمد : و اني لهل درجه عيني فارغه و لهل درجه ما احبج خوب اذا اني هيج ابو بنات ما جان تزوجت و هم اكضيها بنات و ونسه بس اني حبيتج و رغم اسلوبج الجاف و طريقتج بس تحملت لان اني جنت غلطان بحقج ثانيا شنو ويا كل مشكله كلتي طلكني برايج الطلاك هيج سهل لو مثلا اني راح انظرب ب عقلي و اعوفج عندي استعداد اخليج معلكه طول العمر ولا احد يتقربلج غيري فهمتي يا دماغ البطه
ياسمين بضحكه : فهمت التوبه بعد ما اعيدها بس كافي زعل

حضني و باسني وووو💏وووو

‏١١:١١
انت من جعلتني اشعر بأنني امتلك حظاً لأول مرة ♥️
" 𝘺𝘰𝘶 𝘮𝘢𝘥𝘦 𝘮𝘦 𝘧𝘦𝘦𝘭 𝘭𝘶𝘤𝘬𝘺 𝘧𝘰𝘳 𝘵𝘩𝘦 𝘧𝘪𝘳𝘴𝘵 𝘵𝘪𝘮𝘦 ✹
***
صـح نتـزاعــل انــه ويـــاك مـــــرات
بـس حـلويـن مــن نـتـزاعــل بسـكتـة

خل نشوف حمودي 😁❤

محمد مرت 4 أشهر و اني احاول اصالح ياسمين لان حسيت روحي فعلا غلطان بحقها و من حقها تزعل و تدلل عليه بيوم جنت متفق ويا صديقي امرله نسهر و هم اخذ باقي فلوس السياره الي اشتراها من المعرض طلعت من الحمام و انصدمت ب كلام ياسمين تمشكلت وياها و طلعت رحت على صاحبي خطيه حاول يعزمني يمه تعذرت منه و طلعت للشط ضليت ادخن كلش ضجت من تصرفها و كل كلمه و الثانيه طلكني  ضلت تتصل و ارفضها و من ادز رساله اتعمد اشوف و ما ارد حتى اضوجها رجعت للبيت ساعه 2 لكيتها كاعده تنتظرني عفتها و كمت على القنفه رغم جانت زعلانه مني بس جنت انام بصفها بس هسه اني زعلان خل تحير بروحها ضلت اسبوع احاول تراضيني و اني منشف دماغي حتى تتعلم مو كل حجايه و الثانيه تكول طلكني بيوم جنت كاعد اكلب بالفون دزتلي اغنيه ابتسمت بس ما رديت كمت دا ابدل و اطلع جتي حضنتني و تحجي و تبجي مردت قلبي مو متعود ابجيها اني هم حضنتها و عاتبتها على تصرفها وووو💏وووو
ورجعت علاقتنا طبيعيه مثل قبل و احلى بيوم جنت كاعد و اتصل رقم غريب