هلاووو حبايب طبعا اعرف كولش زين هواي تأخرت عليكم بالبارت الاخير القصة رهف او اغلبكم نسه الاحداث وحقكم بس اني وقفت الراويه السببين الاول جنت حيل مشغوله والثاني ملاك صار وياها ضروف قويه ذيج الفتره ومكدرت تنطيني الاحداث الاخيره من روايه رهف لان اني اخذ الاحداث منها وبعدين تعرفون شنو الضروف ما اريد احرك عليكم الاحداث المهم حبايب انصحكم تقرون البارت (السابع والعشرين) وبعدين ترجعون تقرون هذه البارت حتى تذكرون الاحداث وشكرا الصبركم ❤
لا عاد الصبر يلچم مصب العين
ولا مثل الخلگ بدموعنه نمثل !
بقلمي الكاتبة قمر❤
لاتنسون التصويت⭐
رهف♧♧
مرت الايام وماكو شي جديد بس اني اغلب الوقت ضايجه وهشام كل ما يسئلني اكله مابيه شي حتى هوه ضاج مني لان بس كالبه خلقتي
الضهر كاعده اسوي غده نضفت التمن وغسلته وحطيت ماي بالكدر وحطيته ع النار جاي اغسل بديه دخل هشام ركع باب المطبخ حيل وطب حتى ما سلم كلت عادي متعوده ع خبالاته يضوجوا بدوام ويجي صاير نار اني وبالمطبخ سمعت صوت عمتي تكله.... وليدي ما عهتك هيج طول خلك وياها البت حامل وعليها ضغط شنو تريدها اربعه عشرين ساعه تضحك
هشام.....هوه اني يايوم ارتاحيت بحياتي حتى هسه ترديني ارتاح كلها اجر اعوج وياي غير الله ياخذني ورتاح
الحجيه.....استهدي برحمانك متكلي شبيك تخبلت
سمعت صوت خطوات بسرعه رجعت ع السنك سويت روحي اغسل بالماعين اجه يمي وكال بنبرة امر....حضري ملابسج بليل اجي اوديج البيت اهلج
ما رديت عليه بقيت دايره وجهي ما احس غير اجه جرني من زندي حيل وباوعلي بعصبيه وكال.....من اكلج شي كولي حاضر مو تنطيني ضهرج افتهمتي لو لا
رهف.....هاي شبيك هشام ع كلشي ورزلتي شنو اشتغل عدك اني
هشام....اي تشتغلين عدي وغصبا ما عليج وصوتج اذا عله بعد وربج اكصه للسانج
و طلع وركع الباب اجتي عمتي باوعتلي بنضره عدم رضا وكالت.... شنهي صابتج عين شبيج ويه الزلمه صاله سبوع مشلوع كلبه عليج وانتي ولا يمج عود عبالج ما منتبها عليج شلون صادته يمه اني مثل امج احجيلي شنو المضوجج
كبل طكيتها بجيه وكتلها من بين شهكاتي....عمه اني مليت وين ما اروح اسمع كلمة فصلية قابل هل شي بيدي لو اني جنت متمنيته لو اني الي اختاريته ليش اني مو مثل البنات لاحضيت بعرس لا بدله بيضه كبعوني من بيت اهلي بالخوف ولطم وذبوني هنا
♧♧♧♧♧♧♧♧♧♧♧♧♧♧♧
جابوها دفع للدار لا ديرم ولا حنة ولا صفكة
ولا دف النعر بالسلف لا هلهولة لا ملگة
نشدت الناس عن قصة هالبنية
عجب جاروا عليها بغير حنية
ورديت بكلب حزنان من كالولي فصلية
♧♧♧♧♧♧♧♧♧♧♧♧♧♧♧
أنت تقرأ
القاصرة والثلاثيني
Lãng mạnأما كنت تخشى في ظِل قسوتك ان يأتي اليوم الذي أنفرُ فيه ودك ؟ ان اختار الوقوع بالموت على ان لا اقع بحبك مره أخرى! ان يشمئز قلبي من وصالك، أما كنت تخشى؟. روايه تتحدث عن اختان تمران بضروف قاسيه احداهن تعشق استاذها والاخرى تذهب فصلية ولكن للقدر رأيي اخر...
