القاصرة والثلاثيني

البارت الثاني

بقلمي الكاتبه قمر🙋‍♀️♥️

لاتنسون التصويت👈🌟

القاصرة والثلاثيني.....

~~~~~~~~~~~~~~~~~~~~
أتّيه روحي بريحتك
وأحتار من ياصفحة أشمك
~~~~~~~~~~~~~~~~~~~~

ملاك رحت يمها واني عيني بالكاع ما احس غير اجاني راشدي فر راسي فر رفعت راسي وفتحت عيوني ع
وسعهن بقيت مصدومه ما ادري شسوي متوقعت تضربني

اني بت الشيخ رافد الي كلها تحلف براسه عمري كله محد ضربني لان يدورن بيه انقهر بس واحد يصيح عليه

عاطت بيه وكالت...نزلي عينج لا افكسها

درت وجهي ما اريد دموعي تنزل كدامهن طلعت صارن بوجهي ثنين بنات من صفنه ضلن يباوعلي ويضحكن بيناتهن

رحت كبل الحمامات المدرسة وضليت ابجي ع ما دك الجرس رجعت للشعبه والبنات كلهن يتبسبسن ويباوعلي اكيد الخبر طش وهنه من غير شي يكرهني لان اشطر منهن

حسيت روحي انهانيت ونذليت وما دافعت عن روحي ومنا مريم غايبه ما ادري شلون خلص اليوم

طلعت للبيت امشي من دخلت للفرع فاتت من يمي سياره سوده عاليه مضلله حسيته بطئ ركزت اريد اشوف منو داخل السيارة بس مواضح شي خفت حيل ودنكت وركضت حسيته ضل متبعني لحد ما دخلت للبيت ما صدكت رجعت سالمه

دخلت واني كارها روحي كل ما اذكر شلون ضربتني وشلون البنات ضلن يضحكن عليه انقهر بزايد واغم بروحي لان سكتلها

دخلت للبيت ما لكيت امي صعدت الغرفتي رهف هم ما لكيتها كلت خاف صدك خذتها لسيد

رحت فتحت موبايلي دخلت للواتساب رسالتي ع حطيتها حتى ما شايفتها مريم زاد قلقي اتصلت ع رقم امها محد جاوب كلت العصر اروحلها للبيت اطمن عليها
تمددت ع الجربايه بملابس المدرسة وغفيت

للعصر يلا كعدت نزلت جوه لكيت رهف نايمه بصاله رحت للمطبح امي شافتني خترعت

ام ملاك....شبيهن عيونج

ملاك ما اتحملت كبل بجيت اجتي عليه حضنتني وكالت...يا شبيج انتي الخ هم حضي هذه

ملاك....هاي المديره ضربتني راشدي لان تأخرت

ام ملاك....ياااااا كسر بيدها شلون اضربج وين اكو ضرب بعد اني الها خلي يجون اخوانج او الها اخليهم يهدون ع بيتها شلون تضرب بت الشيخ

ملاك من بين دموعي....لا يمه عوفيها ختولي ما اريد مشاكل

ام ملاك...اذا منحطلها حط اسويج مكفخه

ملاك....او رهف شلون صارت

ام ملاك....خذتها للسيد هذه كلها تمدح بي وكال صايبتها عين قويه ما مصليه ع النبي انطاها حروزات وادعيه وماي تسبح بي وكال دائما سمعوها سورة البقره تطرد الحسد او السحر