القاصرة والثلاثيني

البارت الثاني والعشرين

بقلمي الكاتبة قمر ❤
لاتنسون التصويت ⭐

🍂🍂🍂🍂🍂🍂🍂🍂🍂🍂🍂🍂

وما سديت بابي بوجهك اهلي شيوخ
بيبان العتب مانعرف نسدهن

🍂🍂🍂🍂🍂🍂🍂🍂🍂🍂🍂🍂

اشرتله براسي بسرعه لان بس اريد انزل ودخل للمدرسه

انتبهت ع مهيب ضل يباوع للسياره ويباوعلي صفح ونضراته متبشر بخير

اطمنت لان سيارة خالد مضلله يعني ما شاف خالد
دخلت بسرعه للمدرسه واني ميته رعب يمكن بس واحد يكلي هلاو اموت

خفت لا مهيب يحاجيني كدام خالد درت وجهي شفت خالد بعده واكف مشيت بسرعه واسمع مهيب يصيح بأسمي ضليت امشي سويت روحي ما اسمعه صاح بصوت اعله ....ملااااك

استمريت امشي بسرعه احس الباب كل ما اوصللها تبتعد لحد ما وصلت

دخلت جوه باوعت الخالد من الشباك حرك السياره ومشه انتبهت ولا وحده من البنات اكيد باديه المحاضره ردت امشي ما احس غير واحد جرني من ايدي حيل رفعت راسي شفته مهيب منضره بوقتها ميروح من بالي ابد عيونه حمر دم وشراين كصته بارزات عصر ايدي حيل وكال .....منوووو هذه النزلتي منه

ردت اجر ايدي منه ضغط عليها كتله....شعليك ما اقبل تتدخل بحياتي شنو هستوه صحه ضميرك وصرت تهتم من كرهتك هااا اشو قبل لو اشوفني بحضن واحد متهتم.... كملت جملتي ما احس غير اجاني راشدي حيل وكال......ترى لا خايف منج ولا من الي يطلع وراج اكبر راس ادوسه احترمي نفسج واحجي عدل لا ترى والله ادفنج هنا

ما كدرت اسيطر ع دموعي بسرعه بجيت .....هاي ثاني مره تمد ايدك عليه صدكني راح تدفع الثمن غالي

مهيب....احجي منو هذه وليش ما اجيتي ويه الخط مالتج

ملاك......مالك غررررض لتتتتدخل

مهيب....ماشي راح اخابر اهلج وافتهم منهم اكلهم بتكم عايفه خطها وصاعده ويه ابو المضلله

ضحكت من بين دموعي وكتله...هههههه خابرهم ما راح تفشل غير روحك لان الولد ابن عمي وهمه دزوني وياه

راد يحجي تعدت طالبه سكت اني استغليت الفرصه وشردت منه

رحت كبل ع الحمامات باوعت الخدي صاير احمر ياربي شسوي هسه شسووووي ما جاي اتحمل شنوووو يضربني تايهتله والله حرت اخاف اكول الابويه ويروح مهيب يكله بتك طالعه وياي يمه يذبحني

زين اكول الخالد هسه يحرك الاخضر واليابس مبين خبل اوووف شسوي لعد .....وضليت هيج ساعه كامله فكره اجيبني فكره توديني حتى ما حضرت الدرس لحد ما دك الجرس رحت دخلت ع الشعبه والبنات قسم اجن سلمن عليه وقسم ضلن يباوعلي صفح انتبهت ع هدى رحت مبتسمه عليها كتلها......هلووو هدوووش