القاصرة والثلاثيني

البارت العاشر

بقلمي الكاتبه قمر💁‍♀️❤
لاتنسون التصويت ⭐❤

حبايب الي يسئل عن موعد تنزيل البارتات فا هوه كل اثنين هيج وكت واكيد ما انساكم كل ما افرغ اكتبلكم بارت هديه ويشهد ربي هل فتره كلش مشغوله وجاي احاول قدر الامكان ما اتأخر عليكم ❤

~~~~~~~~~~~~~~~~~~~~~
استاهلك جي ما خفت منك واعرفك لچمه
~~~~~~~~~~~~~~~~~~~~~

رهف عدلت وكفتي وكتلها....اجاوزي بعد وشوفي شلون افرك حلكج

طفرنه ثنينه ع صوت صياح هشام .....بعد علن اصواجن بعد حتى الجوارين سمعوا اني مو كلت ما اريد مشاكل شنو زعاطيط اتن وانتي رنا بعدج اول يوم وسويتيلج مشكله

رنا سوت روحها تجبي اني ضليت صافنه ع تمثيلها ....حبيبي والله مسويتلها شي بس كتلها وين هشام شو هاي ضلت اصيح عليه وتكلي الا اخنكج وكتل ابنج وهاي هسه كدامك تكلي افرك حلكج

رهف بقيت فاكه حلكي يمته هيج كتلها .....لج انتي متستحين اجذبين

هشام....كااااافي

رهف....ليش اصيح عليه صيح ع هاي المتستحي التطل.... قبل ما اكمل كلامي ما حس غير صارت حرارة ع خدي رفعت راسي شفت عيونه صايرات حمر من العصبيه دفع رنا وطلع وراها وسد الباب

ضليت صافنه ممصدكه الي صار شلوووون شلووون يجرئ يضربني ويكلي احبج وهوه حجايتين من هاي السعلوه ضربني انقهرت وصرت ابجي بحركه جانت ليلتنه كلش حلوه الا ان اجتي هاي وخربتها علينه

ضليت صافنه مدري شسوي معقوله هيج يضربني شلون انطاه كلبه شوي وانفتحت الباب دخل هشام و اتقرب عليه وكال....الف مره كتلج اللسانج

رهف بقيت ساكته حتى باوعت بوجهها

اجه عليه كمش ايدي جريتها ورفعت عيني وكتله من بين دموعي.....اني صوجي ثقيت بيك وصدكتك وسلمتك روحي .....وكتله حجايه راح ابقه متندمه عليها بس رته يضوج مثل ما ضوجني ....رجعت كملت .... لو

ادري هيج جان ما خليتك تلمسني ورحت ازوجت واحد يصوني ويقدرني

كملت حجايتي حسيته صار بركان اجه عليه جرني من شعري احسه تملخ بيده وكال ....عيديها وشوفي شلون اكسر سنونج ...نترني حيل من راد يطلع جريت موبايلي حتى اخابر اهلي يجون عليه دار وجهه شافني كامشه الموبايل جره من ايدي ركعه بالكاع صار ميت وصله وطلع قفل الباب

ملاك♤♤

اليوم العصر جنه كاعدين وملتمين شوي او انغام طلعت خذاها فيصل البيت اهلها للمغرب رجعوا ثنيهم فرحانين

ام ملاك....خير انشالله فرحونه وياكم

فيصل ....يمه انغام حامل

ام ملاك.....الف مبروك انشالله تجيكم بنوته حلوه ع امها

انغام....تسلميلي عمه الله يطول بعمرج