القاصرة والثلاثيني

البارت الثاني عشر

بقلمي الكاتبة قمر💁‍♀️❤
لاتنسون التصويت ⭐❤

~~~~~~~~~~~~~~~~~~~~~
شمعه گطرني الصبر فوگ الصوانـي
وخيط بس الخيط يمعـود صفيت
~~~~~~~~~~~~~~~~~~~~~
ملاك ضحكت شبي هذه خبل ....ههههه اي ابوك

مصطفى .... شبيج والله استاذ مهيب ابويه

ملاك ضليت اضحك هذه اكيد شارب شي كتبتله.....اكلك مو وكت شقه تأخر الوقت رايحه انام ورجاء لتراسل بعد

مصطفى.....صبري انتي شبيج ممصدكه

ملاك.....طبعا ما اصدك كلامك ممعقول

مصطفى ....ماشي هسه اجيج ثواني

ضليت صافنه هسه مين طلعتلي هل سالفه هذه كوه يريدني احاجي بله شنو مهيب ابو والله ضحكني شوي ودز صور فتحتها طلعت جنسيته وجوه اسم ابو مكتوب مهيب كامل ..... فتحت عيوني ع وسعهن بسرعه اديه كامن يرجفن كتبلي ....ها صدكتي هسه

بسرعه نزلت دمعه تركض من عيني فعلا اكبر صدمه بحياتي هاي يعني توقعت يحجي ويه بنات بس موووو مزوج وابنه بكبري لالا يا الله لاتختبر صبري راح اموت راسي صدع حرت شسوي شعوري جان فيضع انو شخص التحبه وتموت عليه يطلع جاي يخدعك كل هل الفتره واني الغبيه الجنت مصدكته وطلعله اعذار وكول ميخالف حتلو يحجي ويه بنات من نزوج اني اخلي يعقل وفوكاها متخاره اسم جهالنه وكل يوم قبل ما انام لازم اتخيل سيناريو حياتي وياه

للاسف جان خيالي بعلاقتي وياه اكثر من واقعي

حبه صعدني للسما السابعه وذبني للجوه وجانت وكعتي قويه كلش قويه

كتبلته.....انته عندك اخ او خوات

مصطفى....بس اني او عندي اخت صغيره عمرها سنتين

ملاك....ها الله يحفضكم زين ابوك شو مبين صغير شوكت لحك يزوج ويصير عنده اطفال

مصطفى....اي الوالد ازوج من هوه عمره 16 سنه هسه عوفينه منه ما ناويه تغيري قرارج ترى فعلا حبيتج واني ناوي احاجي ابويه اليوم وبس نخلص امتحانات نخطبج

ملاك.....ههههه اي حاجي ابوك ....وحضرته

والله مدري هاي حياتي لو مسلسل هندي ابن الشخص الاحبه يحبني او ابو يضحك عليه احس روحي فرت اريد اكمشه املخه وطلع حركت كلبي لان نار وجاي تسعر بيه ردت احاجي بس كلت هسه اني معصبه خاف اللوصها خلي افكر زين

كعدت صافنه اراجع كل ذكرياتنه سوه ذكرت بروده او اهماله او خيانته وووو ولسه كلبي يريده ضربت كلبي حيل وكمت احجي بهستريه....كافي كااااافي طلعه منك شكوووو ادك من اشوفه شكوووو تتخبل عليه من ينجاب طاريه كافي هل انسان ما جابلك غير الاذيه طلعه منك وريحني عاااااد

طبعا اني كل ما اختنك ومااكو احد اشكيله او احد يفهمني اروح اتوضه وتوجهه الربي اصلي ركعتين وقره قران وهيج سويت ذيج الليله من كملت صلاتي رفعت ايدي ودموعي تجري وكلت....ربي اشكرك لان كشفته ع حقيقته اني ما ضايجه بكثر ما مقهوره لان انخدعت بس ميخالف انت تمهل ولا تهمل راح انتضرك تاخذ حقي منه اللهي لتأذي بس راوي مرارة الحب شوفه من شخص يحب من كل كلبه تالي ينخدع شوفه لوعه الحب اللهي شيل حبه من كلبي وخلي بكلبه اللهي طلعه من راسي وساعدني ارجعه غريب