القاصرة والثلاثيني

البارت الاول

بقلمي الكاتبه قمر 💁❤

لاتنسون التصويت ⭐❤

~~~~~~~~~~~~~~~~~~~~~~~~~~~

عساها تخضر التينه ونمد بفيها السواليف
خبزة واستكين جاي وراحة بال تكفينا

وعلى ركبتك مثل ما جنه واحنه صغار
يأخذنا السعف لله ويرد بينا ....

~~~~~~~~~~~~~~~~~~~~~~~~~~~~

ملاك. ...كاعده فوك السطح ومتمدده وباوع للسما...

الجو حلو نهاية صيف يعني بده يبرد الجو...

نسيم بارد ولطيف يضرب خصلات شعري ويطيرهن....

اما الشمس بدت تغيب والطيور حلقت بأحضان السماء....

صحيت من افكاري ع صوت امي

الام....ملوكه يله نزلي صار الليل

ملاك....جايه جايه

لملمت كتبي وقلامي ونزلت دخلت الغرفتي حطيت كتبي ع الجربايه ورحت يم امي واختي اساعدهن بالعشه

وهسه خلي اعرفكم ع عائلتي

اني ملاك طالبة سادس علمي عمري 17 وحلمي اصير دكتورة اطفال اني ناعمه كولش وقزومه بحيث اليشوفني ميصدك اني بالسادس شعري عابر خصري ولونه سماكي لان هواي احطله حنه عيوني كبار وعسليات وشفايفي منفوخات وبشرتي بيضه كولش يعني حسب كلام الناس شكلي حلو اني بت شيوخ ابويه شيخ عشيرتنه مو مدحا لا والله بس احنى ناس معروفين بالكرم والنخوه بحيث العشيره كلها تحب ابوي وتحترمه ويحلفون براسه لان صاحب فضل ويساعد الغريب قبل القريب وحقاني الى درجه صح

احنى صح شيوخ بس مع ذلك اهلي مو كلش مقيدينه اني واختي يعني حتى من اطلع بجبه عادي لان ابويه يكلي اهم شي لبس عريض مو الا عبايه مو نفس بعض العشاير مع احترماتي الهم البعض طبعا كلش همجين ومعقدين وهمه الي خربوا سمعه العشاير العراقيه

وباقي التفاصيل تتعرفون عليها براويه

اختي التوأم رهف صح احنى توأم بس منشابه هيه شكره وعيونها خضر طالعه ع امي طبعا رهف متحب الدراسه ابد مو مثلي لذلك من تعلمت تقره وتكتب بطلت

عندي 3 اخوان

فيصل اكبر واحد اعزه كولش وحترمه اعتبره مثل ابويه مزوج وعنده ثنين ولد

اما زيد ما مزوج جاي يدرس مرحله اخيره هندسه اني وياه شقه ومعارك عبالك بكبري

وسيف تارك دراسه وعمره 23 هذه شالع كلبنه كل يوم مصيبه شكل بسببه وبعدين راح تتعرفون ع التفاصيل من خلال القصه

ام فيصل....ملاك روحي انتي كملي دروسج

ملاك....جوعاااانه

ام فيصل...لضلين تتنعوصين فوك راسي يكمل الاكل وصيحلج

ملاك باوعتلها بنضره برائه وكتلها....ماشي