القاصرة والثلاثيني

البارت الثالث عشر

بقلمي الكاتبه قمر💁‍♀️❤

لاتنسون التصويت🌟❤
~~~~~~~~~~~~~~~~~~~~~~~~~~~~~~~~~~~~~~
يا ريل شيفرك بعد ؟
طلعت چذب سچتهم ،
والعشره ذيج الي تهز تمثال ماهزتهم.
~~~~~~~~~~~~~~~~~~~~~~~~~~~~~~~~~~~~~~

دزيتله محادثات ابنه وكتله .... ابتعدوا عني انته وابنك احسللكم ماشي

مهيب.... شنو شتحجين انتي

ملاك....كافي جذب ما مليت من جذبك الي اسطره عليه ادري مصطفى ابنك وادري بيك مزوج وادري عندك بنيه هم

مهيب....كلامج صح

ملاك....مع الاسف عليك شلون انطاك كلبك تضحك عليه واني الي حبيتك ع فطاريتي وبرائتي ولك حتى من اطلع بشارع ما خلي عيني بعين ولد اكول خاف تعتبر خيانه وانته تطلع مزوج وجهالك بكبري ادري ما خفت ع بنتك تكبر ويجي واحد رخيص مثلك يضحك عليها

مهيب....راح اعتبر ما سمعت هذه الكلام بس لو وحده غيرج وتحجي هيج نعل اوكلها

ملاك....والله وتستاهل اكثر بس اني محترمك العمرك مو اكثر

مهيب....شوفي كل الصار السبب وكل السويته السبب فا خلي نلتقي وافهمج ع كلشي وجها لوجه لتحكمين عليه وانتي ما سامعتني

ملاك....اي حتى تاخذني البيتك والغرفتك الي تنام عليها انته ومرتك وتحاول تعتدي عليه لعد شكد مقرف انته

مهيب....بابا نلتقي بمكان عام وكبري عقلج وعوفي سوالف المزعطه اني لو اريد اغتصبج مثل ما تكولين جنت سويتها من صرتي بين اديه بس اني ما رتج مره وحده رتج عمر

ملاك....متكدر تضحك عليه بهذه كلامك بعد

مهيب....ادري بيج تحبيني واني هم حبيتج فا لتخلين الي انبنه ينهدم فكري زين ورديلي الخبر الصبح حتى اجي عليج الضهر ونطلع

ما جاوبته غلقت الموبايل وحس العبره خانكتني شسوي ياربي معقوله صدك يحبني واني جاي اضلمه بس ليش ضم عليه هيج شي ليش ما جان واضح وياي من البدايه الف سؤال او سؤال اجه ابراسي تمنيته يجاوبني عليهن ويخلصني من هاي النار الجاي تسعر بيه قررت باجر التقي بي والي يصير خلي يصير

لفلفت روحي بالبطانيه وحاولت انام اتخيلته هسه هوه نايم بصفها وياكل ويشرب ويضحك وياها اجت تنزل دمعتي بسرعه مسحتها وكلت كافي اصير ضعيفه وغبيه كافي امشي وره كلبي ومشاعري لازم اكبر عقلي

بعد الافكار التاخذني وتوديني كدرت انام كعدت الصبح دخلت ع التلي لكيته فاتح

كتله.... اني موافقه نطلع مو الخاطرك بس لان عدي هواي اسئله وجوابهن عندك

رد عليه ....صارت عدي شغله مهمه دبريها ع باجر نلتقي

مو صوجك والله صوجي اني الاخاطر وطلع وياك وانته اطلع حجج  كتبتله ....براحتك طبعا ما شاف الرسالة احس نار شبت بداخلي