القاصرة والثلاثيني

البارت الخامس عشر

بقلمي الكاتبه قمر💁‍♀️❤

لاتنسون التصويت ⭐❤

~~~~~~~~~~~~~~~~~~~~
‏وَقَائِلَةٌ مَا بَالُ دَمْعِكَ أَسْوَداً؟!
وَجِسْمُكَ مُصْفَرٌّ وَأَنْتَ نَحِيلُ!
فَقُلْتُ لَهَا: أَفْنَى جَفَاكِ مَدَامِعِي
وَهَذَا سَوَادُ المُقْلَتَيْنِ يَسِيلُ.
~~~~~~~~~~~~~~~~~~~~
بعد ما تحملت سحبت سلاحي وتوجهت البيت رنا وحالف اليوم مو بس اطلكها احط طلقه براسها وبراس اليطلع وراها

فتحت الباب جرني خالد كتله بصياح....شكوووو

خالد....هشام كبر عقلك هاي التصرفات ما راح تفيدك بشي

هشام.....وخر خالد عن طريقي انته ما حاس بيه لان ما صار وياك نفس ما جاي يصير بيه

خالد...افااا هشام هيج يطلع منك حجي موش احنى أخوان والي يصيبك يصيني

هشام....امنت بالله بس لازم اغسل عاري

خالد....بويه شتغسل عارك طلكها وفضها والعار يبقه ع اهلها همه خلي يغسلوا لسوي هجي وتخسر دنتيك او اخرتك علمود وحده متسوه اهدئ وصرف بعقلانيه هاي العصبيه متفيدك

هشام.....اي يله افتهمت وخر خلي اروح ما اكتلها والله

خالد....عفيه عليك خويه واني موجود اي شي بس اتصل عليه ثواني تلكاني يمك وهذه النذل خلي عليه الا اخلي يعفن بسجن

طبطبت ع كتفه بحركه سريعه وطلعت شغلت سيارتي واني احس جبل شايله ع ضهري شغلت السيارة ونطلقت البيت اهل رنا

اول ما وصلت لعبت روحي واحس الدم صعد الراسي كل همي اموتها بس راح اصبر نزلت دكيت الباب شوي وفتحها ابوها طبعا ابوها كلش حباب بس اخوانها خبثاء

استقبلني ذاك الاستقبال الحلو واني كوه جاي احاول ابين طبيعي كتله جاي اخذ رنا للبيت كال كبع او اخذ كتله بكلبي اي تدري ابتكم كح*** مال اكبعها وذبها بشط

شوي وطلع ابوها اني ضليت كاعد بالاستقبال ع اعصابي ثواني ودخلت رنا اجتي عليه حضنتني وكالت.....حبيبي اشتاقيتلك اشتاقيت الحضنك الدافي ليش هيج طولت عني تدري اني الليل ما انامه بس افكر بيك اكول خاف جوعان تعبان

بعدتها عني وكتلها حضري روحج خلي نرجع هيه استغربت وردات تطلع كتلها....لجيبين وياج ملابس هواي

رنا....ليش غير راح ارجع البيتي

هشام.....بعدين تعرفين ليش

راحت وهيه مستغربه شوي واجتي سلمت ع اهلها وطلعنه ركبنه بسياره كالت .....طلكتها مو

ابتسمت بستهزاء جريت باكيت الجكاير طلعت جكاره حطيتها بحلكي وكلت.....نطلك الرخيطه وتبقه الغاليه

رنا طكتها بضحكه وكالت....والله عرفت مرجعك بالاصل الي

وضلت تتنعوص واني كل شوي واريد اهفها ع حلكها بس كامش روحي كتلها بعصبيه....كافي الصمي دخت