بقلمي الكاتبه قمر💁❤
لاتنسون التصويت ⭐❤
~~~~~~~~~~~~~~~~~~~~~~~~
فَتراكَ تَدري أَنّ حُبك مُتلِفي
لَكنَّني أُخفي هواكَ وأكتِمُ
إن كُنت ما تدري فتِلك مُصيبَةُ
أُو كُنتَ تدري فالمُصيبةَ أَعظمُ
~~~~~~~~~~~~~~~~~~~~~~~~
ابو ملاك....بلوه سوده او وكعت ع روسنه صار يدك ع صدره ويكول ولكم ابني مجرم ولكم اني الشيخ الكلها تحلف بيه ابني هيج يطلع يروح يكتله واحد ولكم شسوي هسه شلون اخلصه من هل بلوه
تفاجئنه كلنه من كلامه وامي انهارت ملخت روحها هدور حرنه بيها نريد نسكتها متسكت واني انرعبت خفت يصير عليها شي لحضات رعب مرت علينه ثواني وامي فقدت الوعي صرنه نصارخ يمها كام ابويه صاح بيه ركضت جبت عبايتها حطها ع راسها وخذوها للمستشفى ضلينه بس احنى البنات بالبيت و دموعنه ما وكفن حرنه بيا مصيبه
لليل وجابوا امي والكانونه بيدها ويكود بيها فيصل اما ابويه فا وجهه اصفر ع ساعه ويطيح ركضت رهف ع ابويه وكالت ....بويه جا وينه سيف
نتر بيها ابويه....لجهنم السوده التطمه
رهف... لا بويه اسم الله لتكول هيج
شيخ رافد....بالسجن باجر نتفاهم ويه اهل الولد لنكتل ونشوف وين توصل وياهم
بعد ما اطمنه ع امي كلمن راح الغرفته وهوه شايله جبل من الهموم ع ضهره
رحنه اني ورهف الغرفتنه طفت رهف الضوه واني تلفلت بالحاف لفتني صوت رهف تكول....شنو راح يصير احس بشعور غريب وسيء
ملاك....سكتي حبابه ما عايزه تشائم البيه مكفيني
رهف....لج سمعت من فيصل انو سيف متعارك بالكهوه ويه واحد وذاك ضاربه فا كايم سيف داجه بسجينه والولد ميت بمكانه معقوله اخوي هيج يسوي ما اصدك
ملاك صحت بيها....هسه منو كلج اسولفين خليني انطمر الخاطر الله
سكتت ما حجت شي بس سمعت صوت بجيها اني هم
ضليت ابجي بدون صوت وهذه اسوء شي
غفيت بس بعدها فزيت بال4 الفجر من وره حلم كعدت صافنه احاول استرجع الحلم اذكرت بالحلم جان استاذ مهيب اهووو هسه اني شذكرني بي رغم ما شفته غير بس مرتين من سجلت ومن اريد اطلع حاولت ارجع انام
كعدنه الصبح او اجواء البيت متكهربه الي فهمنا من ابويه انو ادخل كبارية عشيرتهم وكالوا بما انو احنى ولد شيوخ فا حلها يكون عشائريا والكعده يوم الاحد واليوم جمعه
وفعلا صار يوم الاحد وبويه خابر كبارية عشيرتنه وراح هوه او اخواني البيت الولد المات للعصر ورجع ابويه وجهها ميبشر بخير ركضنه عليه كلنه
ام ملاك....ها بشر وليدي سالم
شيخ رافد....ليش سمعتيلج بيوم العار يصير عليه شي هذه يكتلنه يله يموت
أنت تقرأ
القاصرة والثلاثيني
Romanceأما كنت تخشى في ظِل قسوتك ان يأتي اليوم الذي أنفرُ فيه ودك ؟ ان اختار الوقوع بالموت على ان لا اقع بحبك مره أخرى! ان يشمئز قلبي من وصالك، أما كنت تخشى؟. روايه تتحدث عن اختان تمران بضروف قاسيه احداهن تعشق استاذها والاخرى تذهب فصلية ولكن للقدر رأيي اخر...
