•ـــ• بقلم نهيلة الزردة ( سنفورة نهى)^_^
#الحب خدعة ، و مجرد أكاذيب.¿..
هذا ما يظنه الكل(｡•̀ᴗ-)✧ ، لكن هل سألت نفسك يوما :
•ـــ• هل حقا أحببت الشخص المناسب؟
•ـــ• هل حقا أحببت في الوقت المناسب؟
•ـــ• هل حقا تستحق الحب؟
{ هل تعترت في الإجابة؟ •‹...
دخلو البوتيك فاطمة تعجبات من منظر الحوايج و الفخامة و الناس لي شافت. داوها البنات جيهة الحوايج القزبين و بداو كعزلو و يختارو و يعطيوها تلبس (كانو ديجا متافقين مع نزار باش يحيدو منها الحشمة).
كانت ديما كدخل معاها وحدة في البنات للبيت ديال القياس، في الأول رفضات و لكن بززو عليها و لاخرات كانو كعزلو ليها الحوايج ( المخلين بالادب).
فاطمة كانت كتشوف داكشي و مكتبغيش تلبسو ولكن معندها مدير البنات عندهم أساليب الإقناع المهم بقاو كلبسوها و فينما تلبس شي لبسة سيكسي كصورها .
في الأخير، داوها للبس العادي، و شراو ليها منهم (كسوات دجينز، قوامج، و زيوف...).
فاطمة (بذهول) : علاش كنت كنقيس داكشي و كتصوروني و في الأخير شريت دو ليا حوايج اخرين ؟؟.
وحدة من البنات قالت: هاي هاي على البنت ولاو عاجبينها الحوايج القزبين و مرضاتش بهادشي ههههاااااههاااا.
فاطمة: فهمتي غالط ا ختي انا معنيتش هاكاك، غي هو جاتني فشيشكل لبستوني حاجة و شريتو ليا حاجة!!!.
وحدة من البنات: كنا غي بغينا نشوفو كغيجيو معاك وصافي مالك على هاد الأسئلة كاملة ياك شرينا لك متلبسي و زيدي و سكتي.
( الخطة ديالهم نجحت. لي كان مطلوب منهم ياخدو ليها تصاور فاتنة باش يديروهم في الكطالوݣ ديال البار،.هادشي تحت طلب نزار لي ما معجب بيها ما والو, هو الهدف ديالو يطيحها في الفخ ديالو، و كنظن راه رقب ينجح فيها).
صافي خرجو، و وحدة فيهم قالت ليهم : يله ندورو شوية في المول لي لتحت.
نقزات فاطمة و قالت: لا لا، صونيو لنزار يجي يديني للدار،
جاوباتها : هاي هاي على العفريتة، عيطو ليا على نزار يجي يديني هههه،
صوناو لنزار، دازت شي 10 دقايق، و هاهو نزار جاي بالطموبيل، وقف حداهم، حلات فاطمة الباب و طلعات، سلم عليها و سولها كيف داز نهارها من بعد نزل نزار عند البنات.
نزار: قديتو الغراض ولا لا؟؟
حورية: ( شافة ديالهم) علاه اش كتعرف عليا هاهي الكارط ميموار تبرع ليا مع راسك و مخصكش ضيعها من يدك راه سكر محطوط على كريمة هههه.
