حب ماكر

🥀الحلقة العاشرة و الأخيرة من الجزء الاول 🥀

نزار خرج، شوية جا سعد لقاهم كقلبو في الحوايج لي شرات،
سعد: منين جاوكم هاد الحوايج؟.

فاطمة: خرجت أنا و نزار و خداهم ليا

سعد: (حس بشوية الغيرة) غير نتي وياه؟ أ بغيت نقول بصحتك زونين.

فاطمة: الله يعطيك الصحة و لكن ماشي غي أنا وياه بحدنا، كانو معانا تلاتة البنات هوما لي ختارو ليا هاد اللبس

سعد:(كيف سمع تلاتة البنات عرفهم شكون و عرف نزار ناوي على شي حاجة)، أ مزيان هاني طالع لبيتي من هنا نص ساعة بغيت القهوة تكون قاصحة عندي الخدمة هاد الليلة غادي نسهر.

الأم: ياكما تنتا مغتباتش هنا؟

سعد: لا أنا بايت علاه نزار مغاديش يبات؟

الأم: ٱوا قال مغيباتش .

سعد قال في راسو هادي هي الفرصة باش نقوليهم نزار أش ناوي فيهم.

دازت العشية و طاح الليل خلاهم حتى نعسو بدا كقرقب في الكوزينة.(فاطمة كسحاب ليها نزار لي جا فاقت و كتقلب على شي سبة باش تخرج من البيت و تشوفو حيت توحشتو).

ناضت خرجت مشات للكوزينة لقاتو غي سعد هو مني شافها كانت جاية فرحانة و لكن غي شافتو تبدلت .

سعد: مالك يكما كنتي كتسناي شي واحد؟.

فاطمة: لا غي سمعت التقرقيب قلت يكما تكون خصاك شي حاجة، حيت ماما بدلات البلايص ديال المعان.

سعد: لا مخاصني والو شكرا أجي ݣلسي نهدرو.

ݣلسو على الطابلة.

سعد: قولي ليا واش مرتاحين هنا معانا؟.

فاطمة: (و هي فرحانة حيت الحاجة الوحيدة لي عجباها في هاد الدار هو نزار) أه مرتاحين الحمد لله .

سعد: شنو المستوى الدراسي ديالك؟.

فاطمة: نجحت في التاسعة و كان هاد العام نقرا في السينكيام ولكن مكتابش ليا .

سعد: معمرك تغرمتي بشي واحد ولا واش كعجبك شي واحد.

فاطمة: (حشمت من السؤال ديالو) لا لا أنا مكنفكرش في هادشي، ونتا؟

سعد: أنا ههههه اش غنقولك لا قلبي و لا عقلي ممعايا في هاد اللحظة(دار بحال الشوفات لي دار فيها نزار) .
.
فاطمة: نخليك دابا ماما خليتها بحدها تقدر تبغي شي حاجة ، تصبح على خير.

طلعت فاطمة لبيت و هو بقا في الكوزينا و بدا كهدر مع راسو (أه لو كان تعرفي شكون لي خدات لي العقل و القلب ݣعما تهربي هاك).
بقا الليل كامل و هو كفكر فيها و في داكشي لي باغي نزار يديرو و كقلب على شي طريقة باش ينقذها منو ولكن هو مبيدو حيلة هو عايش غي بفلوس نزار و إلى بقا تغلط معاه غادي يشوف لي معمرو شافو.