حب ماكر

*براءة* ◀️الجزء الاول: الحلقة الرابعة 🥀

💜الجزء الاول:

🦋🦋حب الماكرين🦋🦋

⁦❤️⁩الحلقة الرابعة⁦:

...زادو خافو كتر و كتر.
-فاطمة: شفتي ا ماما راه قلت لك راني ممرتحاش لهاد الدري.
-الأم : ششش سكتي سكتي بيتيه يجري علينا في هاد الليل خلي حتى يصبح يصبح و نشوفو فين غادي نمشيو. (بقاو كوشوشو)
شاف فيهم نزار
-قالهم: متخافوش متخافوش راه غي صحابي هادو و كانوا كراجعوا و داهم النعاس لمهم نساو علينا هادشي اجيو تبعوني غادي نوريكم فين غادي تباتو ليوم .

تم غادي طالع من الدروج تلفت وراه لقاهم باقين واقفين😓 ،

-رجع قاليهم : و زيدو طلعو راه معندكم مناش تخافو كاين غي أنا و هادو راه غادي يمشيو دابا غي زيدو متخافوش .
-قالت ليه الأم: لا لا لا اوليدي مخايفينش غي قلت زعما غادي نتقلو عليك و يقدرو يجيو وليديك و يعيروك حيت دخلتينا لداركم.
-قال ليها نزار :لا لا ا خالتي متخافيش هادي داري بوحدي ساكن غي انا و صاحبي سعد .
بقا حتا قنعهم تمو غادين طالعين . (فاطمة حاضيا الدار و كتشوف لفوق و لتحت و في جنابها و كتعجب من جمال الدار بقات كتقول مع راسها واااو شحال زوينة هاد الدار و كبيرة و فيها الجردة هادشي كتر من الأحلام ديولي) .

صافي وصلو للغرفة لي غادي يبقاو فيها هاد الليلة دخلو لقاوها مرونة شوية ، بدا نزار كجمع فيها.
-قالت ليه الأم: صافي غي خليك حنا غادي نجمعوها .
-قال ليها : اوكي
-الام: (مفهماتش هاديك اوكي ) نعام ا وليدي اشنو قلتي 🤔.
-نزار : صافي أنا غادي نمشي و ديري لي لبغيتي.
الأم: ههههه هادشي كامل هو (اوكي ) ا وليدي تمن الهدرة قزبتوها صافي ا وليدي غي سير.
-نزار : شوية غادي نجيب ليكم متاكلو🖒 .

وهاداك نزار مرة مرة كشوف في أميرة كلقاها مزال منزلة راسها للأرض.

سعد حاضيهم غي من بعيد و كيتعدب من الداخل ديالو حيت بقات فيه البنت من داكشي لي غادي يدير ليها نزار قلبو كدرب على الجهد و مقابلش بالوضع .

هبط هو نزار للكوزينة و بقاو كهدرو. نزار فرحان و كدوي غي على الفلوس و الكليان لي غادي يبقاو داخلين خاجين مني غادي يخدم البنت معاه
و سعد معاجبوش الحال و مرة مرة
- كقول : صافي خليهم يمشيو بلا مدخلهم معاك في هادشي... ( كقاطعو نزار) .
سعد مد ليه طبسيل فيه الدجاج محمر و الفريت (بقا من هاديك القصارة لكانت) .
-نزار : طلع هادشي لهادوك و متنطق بتا كلمة .

طلع سعد لعاندهوم دخل على غفلة لقا البنت محيدا زيف.
قفزت من بلاستها و حطت الزيف فوق راسها.