•ـــ• بقلم نهيلة الزردة ( سنفورة نهى)^_^
#الحب خدعة ، و مجرد أكاذيب.¿..
هذا ما يظنه الكل(｡•̀ᴗ-)✧ ، لكن هل سألت نفسك يوما :
•ـــ• هل حقا أحببت الشخص المناسب؟
•ـــ• هل حقا أحببت في الوقت المناسب؟
•ـــ• هل حقا تستحق الحب؟
{ هل تعترت في الإجابة؟ •‹...
من خلال الشوفات لي دار و الطريقة كيفاش جاوبها كيبان بلي بصح نيت معجب بيها. و فاطمة حسات بلي بصح نيت الهدرة ديال البنت صحيحة.
مشاو واحد القهوة و طلب ليها عصيرة و هو خدا قهوة،
(بقاو ساكتين مقالو والو أصلا مݣلسوش بزاف، و لكن نزار كدير شي شوفات في فاطمة خلاها دايخا) خرجو و شدو الطريق وصلو للدار دخلو.
الأم : تعطلتو !!!
نزار: متخافيش راه بقات معطلة مع البنات بقاو كختارو معاها ، هاني غنطلع دابا نبدل و غنخرج، ومغنباتش في الدار هاد الليلة ولكن سعد راه غادي يبات.(طلع نزار لبيتو).
الأم: كجاتك الخرجة و أشنو شرا ليك؟؟
فاطمة: (باقي دايخة بالشوفات لي كان كدير فيها نزار في القهوة).
الأم: وا البنت تي فين مشيتي راني سولتك
فاطمة: أه أه خرجنا اه دازت الخرجة زوينة مشينا عند واحد البنات هوما لي عونوني باش نختار اللبس مشينا واحد البوتيك زويييينة و كبيييرة فيها شي حوايج معمري شفتهم و نزار بقا على برا كتسانا و من بعد داني واحد القهوة مخلطة خدا ليا عصير زوييين و بنين.
الأم: داك الولد ضريف و الله يعمرها دار حل لينا باب دارو و رحب بينا و ليوم خرجك كساك.
فاطمة: ويااااه (بهاديك تنهيدة ديال الحب) ضرااايف
الأم: اتجمعي تي شتك غحالة فمك مني جيتي و نتي ماشي هي هاديك مالك اش كاين؟؟
فاطمة: لا ماشي هكاك راه غي عجباتني المدينة خاصنا شي نهار نخرجو و ندورو فيها.
هبط نزار و بحال ديما الأناقة و الوسامة( فاطمة بقات غي كتشوف فيه).
