داز شهر على إقامة فاطمة و الأم ديالها مع نزار و سعد في هاد الشهر تبدلو بزاااف دالحوايج و منهم الحب ديال فاطمة لنزار زاد كبر و كبر و الحب ديال سعد لفاطمة زاد كبر و كبر أما نزار ممسوقهاش الحاجة الوحيدة لي باغي هي الفلوس ، و حتى واحد فيهم معارف أش كاين في قلب لاخر من جهتو، سعد لحد الأن مقادرش يقول لفاطمة شي حاجة، و نزار ربح في أول معركة ليه ضد فاطمة، قدر أنه يخرج كطالوݣ جديد للكازينو و البار ديالو و كانت النجمة ديال هاد الكطالوݣ هي فاطمة من خلال تصاور لي كانو خداو ليها البنات، و في هاد الشهر حاول نزار يدير واحد الخطة باش يزيد يكسب فاطمة، كان مرة مرة كجيب حورية و لبنى و ريحانة للڤيلا باش يتقربو من فاطمة و يوليو صحابات مع العلم أنهم مخبروهاش بطبيعة الخدمة ديالهم(الدعارة)، نزار دار هادشي كامل بلا خبار سعد (مسألة الكطالوݣ)، دازت 15 يوم على نشر الكطالوݣ ولاو كجيو الطلبات على فاطمة من مغاربة و خلجيين و هادشي لي كان باغي نزار، مني كانو البنات كتقربو من فاطمة عتارفات ليهم بالحب ديالها لنزار، و كانت هادي هي الكورة باش غيدربوها، نزار ساق الخبار بلي هي كتبغيه، مني عرف حاول يبدل المسار ديال الخطة ديالو، وبدا حتى هو كتقرب منها و يجمع معاها.(واحد النهار).
نزار: فاطمة اش بان لك نخرجو ليوم نتغداو على برا و نديك لشي بلايص زونين.
فاطمة: (فرحانة بزاااف) أه واخا علاش لا ولكن ماما...
نزار : خليها على حسابي، طلعي بدلي لبسي شي حاجة زوينة و خرجي تسنايني برا.
نزار و كالعادة عندو أساليب الإقناع الخاصة بيه.
نزار: خالتي راه لقيت لفاطمة خدمة معايا في البيرو.
الأم: و اش كتعرف دير و باقا صغيرة و مقرياش أش غادي دير لك.
نزار: اللهم في لي قريب لينا و لا في البراني راه تبارك الله دغية دغيا تعلم للخدمة و زيدون ممطلوبش منها شي حاجة.
الأم: واش غنݣول لك أوليدي تا تعرف ديها جربها و لكانت مزيانة مرحبا مكانتش مزيانة بلاش، و أش غنقولك اوليدي معمري نساك لك خيرك راك داير معانا كتر من جهدك ربي لي غيجازيك.
نزار: متقوليش هاكا راكم عزاز، المهم راه ليوم غادي تبدأ راني قلت ليها توجد راسها.
الأم: واخا صافي الله يسر لكم الأمور رد ليها البال راه صغيرة و مكتعرف والو.
نزار: كوني هانية راها في عينيا.
خرج لقا فاطمة كتسناه و كانت اول مرة غتلبس الجينز جات كتحمق ولكن هو كان دافن قلبو، دكشي باش هو مبغاهاش.
ركبو في الطموبيل و مشاو لواحد الكافي طلبو الغدا و بقا كدوي معاها.
نزار: راني دويت معا مماك على قبال الخدمة الجديدة ديالك.
فاطمة: أشمن خدمة؟
نزار: دابا نتي واش كيعجبك تخرجي؟.
فاطمة: اه كعجبني نخرج و خصوصا معاك(بهاد الطريقة كتكون الخطة لي داروها البنات باش يحيدو منها الحشمة بدات كتعطي مفعول).
نزار: هههه ت أنا كعجبني نخرج معاك، ودكشي لاش أنا قلت لماماك بلي لقيت لك خدمة معايا باش تبقاي ديما تخرجي معايا.
فاطمة: ولكن راه انا مكنكدبش على ماما!!!.
نزار: راه مقلتش لك غتكدبي راه بصح نيت بغيتك تخدمي معايا.
فاطمة: وفاش؟
نزار: نكملو الغدا و هاديك الساعة غتعرفي.
صافي كملو الغدا و خرجو ركبو في الطموبيل، و مشاو للكازينو. كان باقي النهار و الكازينو خاوي فيه غي عمال النظافة و البنات لي كصوبو في الطوابل، دخلو البنت شافت الديكور و طوابل ديال النرد و الشطرنج و الألعاب ديال القمر، (فاطمة كيف شافت داكشي عرفت بلي هي في بلاصة ديال القمر).
فاطمة: نزار أش هاد البلاصة؟.
نزار: هاد الكازينو ديال الواليد و عاطيني وكالة باش نسيرو، و بغيتك تعونيني.
فاطمة: و أنا اش غندير؟
نزار: مع الوقت غتعرفي.
أنت تقرأ
حب ماكر
Humor•ـــ• بقلم نهيلة الزردة ( سنفورة نهى)^_^ #الحب خدعة ، و مجرد أكاذيب.¿.. هذا ما يظنه الكل(｡•̀ᴗ-)✧ ، لكن هل سألت نفسك يوما : •ـــ• هل حقا أحببت الشخص المناسب؟ •ـــ• هل حقا أحببت في الوقت المناسب؟ •ـــ• هل حقا تستحق الحب؟ { هل تعترت في الإجابة؟ •‹...
