خيانة حارس المقبرة

الـبـارت الـثـالـث عـشـر

بعد ربع ساعة من المشي ... صارن البنات وجبار بعيدين هواي عن اقرب مكان بي ناس ... والمنطقة والانارة صارت كلش خفيفة كوه شايفين طريقهم وماجان شي مضوي غير هذيج الغرفة العندها قبر أمهن ،،، مثل ماجان يكولهن جبار..

وفجأة! يلتفت جبار عالبنات ويكلهن :

هاهاا وصلنه قبر الوالدة هذااك هوه واشر بيده لكدام ،، طبعا صارن البنات وجبار يم هاي الغرفة الحجينه عنها..

(هاي الغرفة جبار قال للبنات انه ساكن بيها وينام بيها بالليل من يخلص دوام او اوقات الظهر يستريح بيها)

جبار: يلا مادام وصلنا يم غرفتي ماقبل غير تفوتون اضيفكم شي شغله نشربها وبعدها تزورون قبر امكم ،، يلا لاتستحون هي صح غرفة متواضعة ومو كد المقام بس مو حلوة توصلون وماتفوتون شوي ترتاحون وراكم طريق طويلة...

قمر : تسلم اخوي ماتقصر والله فعلا انك شهم وكريم وتعبناك هواي ويانه لكن مستعجلين والله نريد نزور ونخلص ونرجع بسرعه لان بعدهه ورانه سفرة لبغداد ومنريد نتاخر شوي عندنا مشاغل هم هناك ولازم نستعجل بالرجعة.

جبار : اييي ميخالف هو انه راح اخركم قابل ،، هنه استكانين جاي عالسريع اسويهن وتكعدون ترتاحون شوي لعد مو تريدون يصير بيكم حيل تكملون سفرتكم والله تعبنا ترا اني شاب ومتعود عالمشي وتعبت لعد انتن شلون بيجن هههههه

هاا لو ماعجبتكم الغرفة مو كد مقامكم ومتواضعه اذاا هيج حقكم لعد متفوتون

قمر : لا اخوي العفو منك ماقصدنه هيج بس يعني شرحتلك مستعجلات والله دلينا ع قبر الوالده خلينا نزوره ونرجع وماقصرت

جبار : خلاص طيييب مثل ماتريدون بس والله العظيم زعلت حيييل منكم وانغثيت هيج لان اني فقير وعلى باب الله وحارس مقبرة ومو كد مقامكم انتو يابه جماعة بغداد..
وعرضت عليكم ضيافه بسيطة بس مرايد شي من عدكم بس لان ارتحتلكم مثل اهلي والله واني مقضي اغلب ايام حياتي وحداني ... بس ايي ميخالف اكو الله فوق وشايف ومينسى عباده.

قمر تباوع عالبنات وهمست باذن ريم : ها يمه شتكولين شفتي شلون يحجي والله خطيه كسر بخاطري حيل مبين مسكين وعلى باب الله خلنه نفوت نشربلنا شوي ماي ونكعد خمس دقايق ونطلع ها بنات شتكولن

ريم: والله مدري بس اشو كسر بخاطري اني هم مبين من اهل الله ومسكين يلا ميخالف نفوت نكعدلنا شوي علمود مايزعل ونرجع نفهمه انه مستعجلين ونطلع لان فعلا شكله فقير ويكسر الخاطر مو مثل ما ظنينه بي السوء مساع

(رهف قربت يم امها وريم):

يمه والله وداعتج تكسرت رجلينه من المشي😭😭خلينه نفووت شوي نرتاااح ناخذ نفس لسا بعدهه ورانه سفرة يبوو شطولها ومشية لاول المكبرة هميين هفففف والله لنموت من التعب اهئ
بعديين شسمه باوعت من جام غرفته ومبينه كلش هادية وحلوة وصغيرونه يلا فدوه ماما خلينا نفوت يلا يلا😭

قمر: رهفففف ولج اي فهمت يمه خلاص كافي اشكد تلحين يلا ماشي راح نكوله نفوتلنه شوي ومثل ماتفقنه ومانريد نتاخر

البنات: اووك تمام يمه مثل ماتريدين...

قمر : احمم جبار خويه خلاص لاتضوج ولاتنزعج هسه يلا ميخالف راح نفوت نشرب كلاص مي ونكعدلنا شوي ونكمل طريقنه بس مانكدر نتاخر بعد تدري الوضع شلونه

جبار : ايي تمااام كلش زين الله يجبر بخاطركم مثل ماجبرتو بخاطري خلاص فوتو تفضلوووا البيت بيتكم حيااكم الله ي هلا ي هلاا

(فاتن البنات وجبار عالغرفة اللي هي جانت عبارة عن سجادة خفيفة ممدوده كلها وفرشات ووسايد كليتهه بس مبينات قديمات ومهتريات وجان بي نفاضة جكاير وباكيت وجداحه لجبار لان يدخن وباب ليجوه ياخذه عالمطبخ والمنافع ع قولت جبار)

المهم فاتن البنات وجبار عالغرفة فات وراهن وسكر الباب وضل يرحب بيهن

جبار : ياهلاا بضيوفنا نورتوا والله شتحبون تشربون اجيبلكم

قمر : تسلم اخويه منريد نعذبك ويانه بس اذا اكو مي بارد جيبلنه لان عطشنا صراحه ههههه وتعبنا شوي من المشي

جبار: اييي وياكم حق والله حت اني ميت عطش هسه فووورا تدللون احلا مي بارد لعيونكم تدللون عيوني انتو

(دخل جبار المطبخ دقيقة ورجع بيده بطل ماي بارد وكلاصين انطاهن للبنات اللي بدن يشربن ماي ويرون عطشهن)

هناا!!جبار فز لباب غرفته وهنه منشغلات ديشربن ماي وجان فجأة! يطلع صوت المفتاح والقفل طكه طكتين قفله وحط المفتاح بجيبه....

وجان يلتفت بعدهاا بهدوء للبنات وارتسمت على وجهه ضحكه صفره مترووسه خباثه وسمم تنكط وصار يكهكه بيها بصوت عالي وعينه تباوع عالبنات من فووك لتحت

راحت من وجهه ملامح الفقاره والبراءه الجان يحجي بيهاا مسااع الجان عود فقير ويكسر الخاطر...

طلع وجه جبااار الثاني الحقيقي ورجعن نظراته الحقوده الخبيثه .....

جبار: هههههه هسسسسه اكدررر اكوول نوورتوا الغرفة ياحلوات نورتوا مملكة الملك جباار

واحب اكوللكم انووو ليلتكم رااح تكون الليلة غير عن كل ليالي حياتكم ولجن الليلة راح نستمتع ونكيف واشبعجن من حبي وحناني (ويضحك بصوت عالي)

ولجن شيفكجن الليلة من ايديه اوووف صدك تحيرن الواحد بيمن يبده فلك طررجن وحده احلا من الثانية🤤🤤😈

قمر والبنات فااتن بصدمة شديدة صارت اجسامهن تتراجف ويباوعن لبعض بخوف وانعقد لسانهن ولاحرف طلع من يمهن  ووجوهن تقلب الوان من الخوف والرعبة

البنات .. اللي بحياتهن ماشافن غير الدلال والاهتمام والحياة الهنية الحلوة بحضن امهن وابوهن ... هسه صارن بموقف صعب وي شاب غريب ومحبوسات وي امهن بغرفة ومصيرهن ومصير عذريتهن عالمحك وبيد جبار وحسب اليريد يسوي بيهن ....

وطبعا جبار نيته وياهن مو صافيه ابددد من اول ماشافهن والتقى وياهن وكدر يستدرجهن للفخ الجان مخططله وهسه يريد يشبع شهواته القذره منهن بعد مانفرد بيهن بنص الليل وبعييد عن الناس كلهه مثل ماجان مخطط.....

   - - - - - - نهاية البارت الثالث عشر - - - - - -