خيانة حارس المقبرة

الـبـارت الـحـادي عـشـر

قمر : اي وياج مركزه كولي شكووو

ام حيدر : هاي اليوم العصر اجت سيارات البلدية وضلو يدكون على بابكم ومحد رد منكم فا اجو دكو علينه الباب سألونا عنكم كلنالهم اذا محد رد معناها مانهم بالبيت

فا كالو انو وياهم امر بهدم البيت لان عليه مخالفات وغير قانوني

قمر : شنووو شدتحجيين انتي يهدمون بيتنه بعدين شلون كانه قانوني صارلها 5 سنين كاعدين بي ومحد حجه ويانه وزوجي مشتريه بأوراق نظامية شديخبصون هذول

ام حيدر : دسمعي خل اكملج الصار ....

قمر : يي كملي شنو صار انووب

ام حيدر : المهم طلعلهم ابو حيدر حجه وياهم وضل يتعارك وياهم ساعتين علمود يغيرون رايهم وما يهدون البيت وشرحلهم وضعكم

بس حسب مافهم منهم كال زوجج متورط باوراق مزورة ومعاملات وهمية واجه امر بهدم جميع ممتلكاته ومن ضمنها هذا البيت المعروف انو اله

قمر : لج شدتحجين انتي عقلي مديستوعب الدتكولينه شلووون ابو ريم يسوي هييج مستحيييل اكيد اكو شي غلط لج زوجي واعرفه زين ماعنده هيج سوالف

ام حيدر : الله يسامحج يا ام ريم شبيه لعد ماعرفكم زين اني اكيدد اكو غلط او شي مو صح لازم تتصرفون والمشكلة ابو حيدر طول اليوم يحاول يتصل بزوجج وموبايله مغلق

قمر : يبووو اني هم مساع دكيت عليه اريد اسلم عليه وهيج لكيته مغلق همين عاد عبالي نايم او شي هسه اضل احاول اتصل عليه وافهم منه بس هسه فهميني شصار ويه هذول جماعة البلدية بعدين

ام حيدر : يي اسمعي المهم حاول وياهم ابو حيدر انو يفهمهم قصتكم ويوضحلهم بس ماكو فايدة معندين راسهم الا يهدون البيت😧عاد كوه قنعهم يأجلونها لباجر الصبح بلكي تجين انتي او ابو ريم يحل الموضوع قبل مايهدون بيتكم

قمر : يالله شهالمصيبة هاي منين طلعتلنه ،،،، بس صحييي ام حيدر تدرين شنوو

البيت هذا مالنه مو بإسم ابو ريم هذا مسجل بإسمي اني وكتهه بعت جم قطعة من ذهبي وساعدته بحقه وسجلي اياه بإسمي

ام حيدر : حلووو معناها هيج ميكدرون يهدونه همه جاي يدورون عل ممتكات اللي باسمه بس شنو راح يثبتلهم انو البيت الج مو باسمه لازم تجين باسرع وكت وتفهمينهم وتشوفينهم اوراق الملكية

قمر : يالله هسه وين اجي باعي الساعه شكددد واني بعيده ودنيا ليل وماكو ويانه رجال والله مصيبة شنسوي

ام حيدر : يي واذا دنيا ليل عادي اكو رحلات سفر ليلية روحي اسالي وشوفي باول سيارة تعاي ارجعي وطالعيلهم عقد البيت علمود محد يكرب منهم واني وابوحيدر راح نحاول نأجل بيهم كد مانكدر لبين ماتصلين

قمر : يي تمام مشكورة خيتي بدونج ماعرف شجان شصار بينه يلا خلاص اني اتصرف وانشالله اجي باقرب وكت

--------------------------------------------------------------

قمر : ام حسين بنات وييينكم تعالو اسولفلكم الصار اوووف مصيبة يالله......... (تسولفلهم الحجته الها ام حيدر)

ام حسين : يويلي شنو تسافرون بهالوكت والله مستحيل اخليكم تروحون اذا حيل لزم الامر اني اجي وياج همم

قمر : لج ماعدنه حل ثاني الا بيتنا تعب عمرنا راح يروح بشربة مي اذا ماتصرفنا باسرع وكت بعدين شنو تروحين ويانه خليج وي بناتج وبيتج اني اعرف اتصرف لاتاكلين هم

ام حسين : زين وهسه شتريدين تسوين بالضبط ماافهمت

قمر : هسه الساعة 12 ونص ويانه وكت زين نلحك نوصل لبغداد الصبح قبل مايسوون شي هذولاك الجلاب بس دافكر نطلع من هسه

ام حسين : تطلعون من هسه وين تروحون بكير حيل انتضروا للفجر اقلها

قمر : لا نطلع هسه ماراح نروح للكراج راح نروح نزور اول شي بعدهه رايحين للمكبرة نزور كبر امي هيج عالسريع وبعدهه نطلع

ام حسين : شنووو تريدين تروحين للمكبرة بهيج وكت ووياج بناتج لا والله ماخليكم مو زييين

قمر : يي عادي اصلا المكبره ماتفضى من الناس بأي وكت واولي ابو ريم يكلي جانو يضلون يروحولهه بالليل بس يخلصون شغلهم فا عادي لتخافين

بعدين داحس كل البلاوي الدتصير ويانه لان امي غضبانه عليه😐 ماراااح ارجع لبغداد قبل مازووور كبرهه وشنو يصير خيصير

ام حسين : داكلكم ترا مو زين مو امان ياما سمعانين قصص صايرة بيها قليلين اليروحون بهيج وكت شبيكم انتم تخبلتوا ، هيو انتي الراس الجبير انتي المسؤولة واحملج كل المسؤولية اذا يصير لأحد شي بهالليل المظلم....

قمر : ههههههه تطمني خيتي وشيلي هاي الهلوسات من بالج ميصير شي انشالله قابل اول مرة اروحلها

يلا بنات ضبو الغراض هسه دقايق ولازم نكون طالعين ورانا مشوار طويل الليلة.......

البنات : تمام يمه التشوفينه مناسب

قمر :مشكورة ام حسين ع حسن الضيافة والله جنه نريد انضل يمكم اكثر بس يلا نعوضهه بالجايات شايفه الظروف شلون صارت مو بيدنه

ام حسين : بعد قلبي خيتي يي والله ماشبعنه منكم بس ترا ممحسوبة هاي الجيه لازم تسوون غيرهه وصحي عود طمنيني عنكم من تصلون وشنو يصبر وياكم بالي حيضل مشغول يمكم

قمر :تمام ان شاء الله ،،، يلا نشوفكم على خير ادعولنا

ام حسين : بامان الله وحفظه الله وياكم وديروا بالكم على نفسكم زيين ....

- - - - - - نهاية البارت الحادي عشر - - - - - -

متابعينه هالبارت قصير شوي ومابي احداث هواي بس البارتات الجايه كلها راح تكون مليانه احداث ومفاجات وتطور سريع للاحداث الراح تصير وي قمر وبناتها بطريقهم وبهاي المقبرة .....
لاتنسونا من التصويت ☺️❤️