خيانة حارس المقبرة

الـبـارت الـرابـع

             

/بعد ثلاث ايام/
بغداد" الساعة 3 عصرا:

راما : يمه بيش ساعة لازم نطلع من البيت مشان نوصل على موعد الباص الحجزنا بي

قمر : بعد ساعة لازم نكون ماشين من هنا يلا ماضل وكت خلصونا انتي وخواتج ترا اذا راح موعد الباص ماكو طلعه اتضلون بالبيت كاعدين فهمانه يلا دروحي استعجلي خواتج لبين ما ضبط الايلاينر مالي والف حجابي واكون خلصت

راما : اي تمام ماما اني وريم تقريبا خلصنا اني بس ضلي احط شوية مكياج واريد اغير لون الحمره احس مو راهم وي لون ثيابي 🤔 بس ترا رهف بعدهه ممغيره ثيابها ودتتمايع بالغرفة الثانية على مهلها لسا ماقررت شتلبس فاتحه عرض ازياء كل شوي تبدل😑

قمر : اوووف حتجلطني هالبنيه شكد بارده ومايعه مدري على منو طالعه بس صوجي اني مدللتها زيادة ماتنعطه وجه هسه اروح الفها بعباية المرحومة امي السوده واخذها علمود تعرف تحتار شتلبس انوب الخبله

راما: ههههههههه لا يمه عيبب شبدهم يحجون علينا الناس طولي بالج عاد عباية امج لازم تنحط بالمتحف احسها اثرية لا حركة لا درزه لاموديل ماينعرف راسهه من رجليهه الله يرحمج يا بيبي شكد جان ذوقج زفتيشن 😂😂🤐

قمر : ولاج رامااا😠😠حموتج والله دولي من وجهي انتي الثانية خلال نص ساعة اذا ماتكونين انتي وهذيج الخبله هنا ترا والله مو بس الغي الروحه ترا الفجن ثنينجن سوه بعباية امي واخذجن ادور بيجن بالشوارع اخليجن عبرة لمن يعتبر😂😎علمود تعرفن تعيبن على عبايتها انوب

راما : لا يويييلي كلشي الا هالعقوبة ههههههههه خلاص والله والله هسه نص ساعة ونكون مزروعين عندج هنااا مثل الشاطرات اصلا نحن بنات عاقلات ونسمع الكلام شبييج ويانه☺️

قمر : هههههه يي عفيه هيج بدي اياجن يلا ولي خليني اعرف اضبط هالايلاينر فات بعيني من وراج واريد الف هالحجاب بهاي الطريقة الجديدة الكالتلي عليها ام خالد جارتنه

ريم (تباوع على امها وهي واقفة كدام المرايه وتعدل بحالها) :

يمه شدعوه هلكد تظلين مهمتة بجمالج والله اليشوفج عباله وحدة من خواتي لو اختنه الجبيرة ههههه ابد ممبين انج أمنه ترا عيون الناس ماترحم يا يمممه...

قمر : هههههه عادي بنيتي بعدني شباب اصلا وابوج قبلان ويحب يضل يشوفني هيج فاا ليش لا ،، اممم خلصتي انتي جاهزة هسه ....

ريم : ايي يمه من زمان خلصت يلا حروح اشوف البنات مشان نطلع مانريد نتاخر انوب هذن اذا عفناهن ع راحتهن لباجر مايخلصن هههههه

         - - - - - - - - نهاية البارت الرابع - - - - - - -

اذا عجبكم البارت تصويت ورأيكم بتعليق ❤️
وانتظروني بالبارت الخامس قريبا جداااا 💖