خيانة حارس المقبرة

الـبـارت الـتاسـع

         

قمر :  رهوف هسه تروحين تفكين رباط ريم وتشيلين اللزيك عن حلكها واني راح افك راما وروحي جيبي مي من المطبخ مشان نصبه ع وجوهن لازم يكعدن بسرعة من هذا المخدر الزفت التأخير هنا مو لمصلحتنه .....

رهف : يلا يمه صار

///رهف وامها يفكن البنات ويكعدنهن من تأثير المخدر بس لسا مو مستوعبات شنو الصاير من شدة المخدر الجان مأثر عليهن///

قمر : راما حبيبتي صحصحي كعدي بنيتي يلا لازم نطلع من هنا ونهرب من البيت هذول المجرمين مااراح يعوفونه ......

راما (تبجي) : ماما هذا شسوه بينه الحقير😭😭ماما والله خايفه حييل خاف سوه بيه شي واني مادري😭😰يمه عفيه كوليلي شصاار

قمر : طمني بالج حبيبتي لحقناكم اني واختج باخر لحضة ماكدر يأذيكم ولا شي وهسه شوفي شسوينالكم بي هالنذل ولج اموت وماحدا اسمحله يأذي وحدة منكم

ريم : يمه هسه شنو وين نروح شنسوي امشي نروح نفضحهم بالمنطقة هذول الوصخين خلي الناس تعرفهم على حقيقتهم

قمر : لاااا سمعوني انتو الثلاثة الصار هسه ماريد احد يدري بي هاي منطقة مانعرف احد منهم خاف نكول لحدا ويطلع من جماعته ويرجع يأذينه او ينتقم

هسه خلينه نسد الباب ونطلع بدون صوت نروح للباص ماضل نص ساعه على موعدنا ويمشي الباص خلاص نعوفهم ورانه ونكمل طريقنا وهيج نضمن محد يدري بينا ولا يكدر يلحقونا ولا يعرفون وين رايحين

ريم : اممممم طيب يمه مثل ماتريدين يلا امشوا نطلع

///يطلعن الام والبنات ويروحن للباص اللي لكن سائق الباص ووياه اصحابه ديصلحون بي وخلال دقائق تصلح واشتغل///

سائق الباص : ها اشو جايين بكير بعده ترا نص ساعة لموعد مشيتنه خير انشالله ماكو شر

قمر (بأحرف متلعثمة) : هاا،، لا ،،ماكو شي بس اني والبنات مارتحنه بالنومة هنا وكاعدين بكير كلنه نجي تدري الواحد مايرتاح غير ابيته كلنه نمشي احسن😅

سائق الباص (شغل جكارة وديشغل المسجلة) : هههههههه اي بهاي صدكتي والله يلا اطلعو كعدوا بهالباص هسه فد شوي يجون هالركاب ونكمل طريقنه ولاتواخذونه اخرناكم

- بعد نص ساعة اكتمل عدد الركاب وكمل الباص طريقه للنجف -

• من مشى الباص قمر وبناتها حطن راسهن وفاتن بنوومة عمييقه عن تعب ماكعدن غير ع صووت السائق

وهو يكول :

الحمدلله عالسلااامة جميعااا لاتواخذونا حقكم علينه بس اعطال مو بالايد واللي يريد يرجع ويانه على بغداد بس يخلص ترا شغالين عالخط يتواصل وياي هذا رقمي 😊😊 ....

رهف : ههههههه صدك جذب مخبله نحن ونرجع وياك انوب افشل رحله وافشل سائق وافشل شركة اشوفها بحياتي كبر لفهم ع هيج باصات وناس موظفينها .....

ريم : انجبي رهف هسه مو وكتج ،،، يمه اتصلي على خالتي كوليلها وصلنه النجف خاف نايمين او شي مو حلوه انطب عليهم هالوكت بدون مانتصل .....

--- بالطرف الثاني ----

سمر نزلت بعد ساعتين تشرب مي وجان تلكه جابر غركان بدمه وبيين الحياة والموت ...

سمر : سوده عليه هاي شصااير شنو هذا الدتشوفه عيني اففف هذن الحقيرات شمسويااات ول شلون كدرن هيج يسون

جابر ( اشر بايده لسمر يريدها تنقذه بس وضعه جان كلش صعب والنزيف والدم النزفه مو مال واحد يضل عايش لهالوكت)

سمر حطت على راسها وطلعت ركض عالشارع راحت ابيت جيرانهم نادت خالد صديقه وجيرانهم هم اجو وياه فاتو البيت انصدموا من منظر جابر بس سمر كالتلهم بعدين تفهمهم الصار

اسعفوا جابر للمشفى ودخل غرفة العناية المشددة وظل صديقة خالد وسمر بالباب ينتظرون شنو الراح يصير واذا راح ينفذ جابر من الموت

كعدت سمر حجت لخالد تفاصيل الصار لان تعرفه هو اعز اصدقاء جابر ،، ماصدك السمعه خالد وضاج حيل وراد يكوم يدور عليهن ويذبحهن

بس سمر فهمته انهن راحن وسافرن وراح يدور عالفاضي وانو يضل هنا جابر بحاجته هسه اكثر من غير وقت....واقتنع خالد.

--نرجع لقمر وبناتها--

/// قمر اتصلت على اختها وكالتلها مسافة الطريق ونكون عندكم واتفقت هي وبناتنا انهن مايجيبن سيرة لأي احد لا لخالتها ولا لابوهن ولا لأي احد ويضل سر بينهن ///

الساعة 10:15 وصلن البنات لبيت الخالة ام حسين ....

ام حسين (تبوس وتحضن بأم ريم والبنات) :  كل الهلا بالجانه ياهلا باختي الغاليه وياهلا بالوردات حبيباتي 😍 ماشالله شكبرانات وحليانات ويين زمان عنجن اشتقنالكم تركتجن زعطوطات هههههه هسه الله يحميجن من العين عروسات صايرات والله😁

ريم :  تسلميلي خالة والله ونحن بالاكثر مشتاقيلكم ومشتاقين لنواره وسوسن (بنات ام حسين) صحي وينهن ماشفتهن لاتكوليلي نايمات بعدهن

ام حسين : يبووو راح يموتني هالبنات شكد جسلات مايكعدن شلعن كلبي من كد مايحبن النوم يظل نايمات للعصر وشغل البيت كله فوق راسي

رهف : ههههههه والله ماينلامن ليش اكو احلا من النوم

راما : امممم خلاص هسه نروح نفوت ع غرفتهن نكعدهن ونتسلا وياهن مشتاقيلهن هواااي😍😍

ام حسين : يي خذن راحتجن حبيباتي حتى ابو حسين وحسين هالفترة مو بالبيت تدرون موسم شغلهم هذا ومسافرين مايجون لوره اسبوع انوب

ها ام ريم اشو حليانه انوب تعااي اكو هواي تطورات وسوالف اريد اكلج اياها خلي البنات يكعدن مع بعضهن وتعاي اني وياج بالاستقبال نسولف...

قمر : يبعد قلبي وانتي هم حلاج يزيد ماينقص هههههه يلا تعاي واني هم اريد اسولفلج هواااي شغلات وسوالف واريد اكلج شنو سر زيارتنا المفاجأة الكم .....

          - - - - - - - - نهاية البارت التاسع - - - - - - - -

متابعينه قصة ومشاكل قمر وبناتها نكدر نكول هسه راح تبدأ بوصولهم للنجف وكل الصار قبل مجرد بداية ،، تفاصيل واحداث مشوقه راح تتعرفولها بالبارتات الجاية انشالله انتظرونا😍❤️