بعد ما يقرب نصف ساعة وصل محمود أمام منزل ما و اوقف السيارة ، لتوقف مريم سيارتها و تقول : شكلنا وصلنا
نظرت الحان للمنزل بتردد ، و قالت : انا غيرت رأيي مش عايزة
مريم : الحان Don't worry انا معاكي يلا .
الكس : كلنا معاكي يا الحان ، و بعدين مش انتي كنتي بتقولي اني your brother (اخوكي) خايفة ليه ؟
الحان : I don't know (معرفش)
روز : الحان يلا احنا معاكي ، it will be okay (كله هيبقى تمام )
نفخت الحان و نزلت من السيارة معهم و قالت لمحمود : ?and now (و دلوقت)
محمود : تعالي
ليتجهوا نحو الباب و يطرقه محمود
فتحت رحمة الباب و قالت بفرح : عمو محمود وحشني اوي
ضحك محمود و عانقها و قال : انتي اكتر يا عروسة .
منى : مين يا رحمة ؟
رحمة : ده عمو محمود يا ماما
منى : طب داخليه يا بنتي .
رحمة : اتفضل يا عمو .
محمود : استني انا معايا ضيوف
رحمة : اتفضلوا كلكم
ابتسم محمود و دخل ثم دخلوا كلهم واحد واحد ، فور دخول الحان حتى صرخت فرح بفرحة و قالت : انا مش مصدقة نفسي النجمة الحان واقفة قدامي دلوقتي ، انتي صح هي انتي ؟
انتبهت رحمة لتقول : و الله هي .
ابتسمت لهم الحان : ايوة انا
لتصرخ فرح بسعادة لتخرج منى على صوتها و تقول : بتصرخي ليه يا مقسوفة الركبة .
رحمة : أصلها قابلت نجمتها المفضلة
نظرت منى لالحان لتهمس لرحمة: هي دي البنت الي بتغني ؟
رحمة : ايوة
منى : واضح من لبسها .
نظرت رحمة و فرح لوالدتهم بصدمة من ما قالته
الحان : sorry ماله لبسي ؟
منى : هو فين اللبس ده اصلا ؟
الكس : لو سمحتي متتكلميش معاها بالأسلوب ده احنا حرين.
منى بسخرية : و انت بقى مين ال boy friend بتعها.
الحان لمحمود : فين دكتور مصطفى علشان انا عايزة امشي .
منى : و انتي عايزة مصطفى في ايه متكنيش حامل و عايزة تجهضي ؟
نظرت لها الحان بصدمة ، بينما قال مصطفى : في ايه يا منى ؟ احنا جايين علشان في مسألة متعلقة بعبد الرحمن .
فرح محاولة تغير الموقف : عمو عبد الرحمن ، و الله كنت بحبه اوي كان انسان طيب و جميل ، كان دايما بيجبلي شكولا و يقولي أنه كان نفسه يكون عنده بنت زيي علشان يدلعها ، ربنا يرحمه .
أنت تقرأ
30 يوم في منزل عائلة مصرية
Roman d'amourظلت تبحث عن سبب تركهم لها و لكي تعرف كان يجب ان تتختار اما ان تتخلى عن حياتها اما ان تكمل حياتها و تنسى كل شئ ماذا سوف تختار يا ترى هل الماضي ام الحاضر ؟