استيقظت الحان الساعة العاشرة و بدلت ثيابها و نزلت للأسفل
فرح : انتي شكلك في الأبيض تحفة .
ضحكت الحان و قالت : شكرا ، مال شكلكم عامل كده ليه !؟
فرح : ماما مصدعة و رحمة مش هنا و هي مش عايزة تفطر و انا مبعرفش اطبخ و احنا عزمنا ناس .
الحان : طب هي كانت هتعمل ايه اكل؟
فرح : بط و ملخية و محشي و رز حاجات كتير .
الحان : الحمد لله مش فاهمة ايه ده اصلا هو المفروض ده اكل !!؟
فرح : أيوه.
الحان : انا عندي فكرة
فرح : ايه ؟
الحان : مطبخ انا بس اكل امريكي .
منى : لأ العيال يروحوا المستشفى لأ لأ هقوم انا اطبخ .
ضحكت الحان و قالت : لأ مش هيروحوا المستشفى ، انا بعرف اطبخ كويس .
فرح : مفيش حل تاني يا ماما انتي تعبانة و انا مبعرفش اطبخ و رحمة في المستشفى
منى : مستشفى بمستشفى بقه ، اعملي الي هتعمليه .
الحان : الاكل اجنبي كله .
منى : الله اكبر .
فرح : ماشي يا الحان .
الحان : و هحتاج حاجات متأكدة انها مش هنا .
فرح : خلاص ممكن نروح السوبر ماركت يا ماما ؟
منى : اسألي ابوكي لو وافق روحي .
اومأت لها فرح و أخذت هاتفها و اتصلت على والدها
مصطفى : السلام عليكم .
فرح : و عليكم السلام يا بابا .
مصطفى : خير يا حبيبتي في حاجة ؟
فرح : احنا كنا محتاجين شوية حاجات ، و الحان كمان عايزة تشتري شوية حاجات .
مصطفى : ماشي بس المفروض تسألي اخوكي و لو لا يبقى لا
فرح : حاضر .
أغلقت فرح مع والدها ثم اتصلت على ليث....
ليث : قولي يا مصيبة ، عايزة ايه ؟
أنت تقرأ
30 يوم في منزل عائلة مصرية
Romantizmظلت تبحث عن سبب تركهم لها و لكي تعرف كان يجب ان تتختار اما ان تتخلى عن حياتها اما ان تكمل حياتها و تنسى كل شئ ماذا سوف تختار يا ترى هل الماضي ام الحاضر ؟