𝑺𝒑𝒐𝒌𝒆𝒏 𝑾𝒐𝒓𝒅 𝑷𝒐𝒆𝒕𝒓𝒚

"𝐊𝐀𝐋𝐀𝐒𝐀𝐆"

𝑻𝒖𝒍𝒂 𝒑𝒂𝒓𝒂 𝒌𝒂𝒚 𝒂𝒎𝒂ꨄ︎

Mula pagkasilang iyong nasilayan
Paglabas ko ka’y inang sinapupunan
Unang palahaw na iyak iyong nasaksihan
Sa iyong mukha makikita ang kasiyahan

Sa aking paglaki iyong sinubaybayan
Pati mga bagy na aking natuklasan
Mga bagong bagay na aking natutunan
At sa mga bagay na ako’y iyong tinuruan

Kahit minsan ay may di pagkakaintindihan
Kaya’t di maiwasang ako’y mapagalitan
Maging ang damdamin ko ay nasasaktan
Mgumit walang magagawa kong iyong kagustuhan

Ama na sa kabuhayan ay maaasahan
Sa mga sakuna ay hindi kami pinapabayaan
Ang magustom ay hindi pinapahintulutan
Kapag may sakit kami’y inaalagaan

Amang tila isang kalasag na walang sawa nagproprotekta
Amang kasa-kasama at sa kalungkutan ay kasangga
Amang kapakanan ng anak ang laging  inuuna
Amang napakaresponsable sa kanyang pamilya

Nabibigay lahat ng aming pangangailangan
Maging sa pagmamahal ay hindi nakulangan
Kaya’t hindi makakaya kapag kayo’y lumisan
Sana ay tumagal pa an gating samahan

Hiling ko lang sana ang bisyo ay iwasan
Upang hindi humina ang iyong kalusugan
Hindi dahil sa ika’y aming pinagbabawalan
Bagkus ay para lamang sayong kabutihan

Kaya’t alagaan ang sarili wag pababayaan
Lalong-lalo na ang iyong pangangatawan
Isali mo narin pati ang iyong isipan
Kasabay nito ika’y aming aalagaan

Salamat sa iyong walang sawang aruga
Kahit makulit kami, hindi parin nagsasawa
Pinapakitang kami ay mayroong halaga
Kahit na alam kong kayo’y pagod na

Kaya’t sana sa pamilya ay walang sukuan
Kahit mahirap sama-sama paring lalaban
Dahil pagdating sa pamilya walang iwanan
At ang mga ito ay dahil sayong katatagan

Amang kahit mahirap kami ay maiintindihan
Amang kahit anong mangyari kami’y pro-protektahan
Amang kahit nahihirapan ay lagi paring lalaban
At kahit na anong mangyari kami ay laging aalagaan