𝑺𝒑𝒐𝒌𝒆𝒏 𝑾𝒐𝒓𝒅 𝑷𝒐𝒆𝒕𝒓𝒚

"𝐌𝐀𝐋𝐀𝐘𝐎𝐍𝐆 𝐏𝐀𝐆-𝐈𝐁𝐈𝐆"

Sa aking pagpunta, ikaw ang nakita
Sayo lamang nakatuon ang mga mata
Nabihag sa rikit na mayroon ka
At tila nabuhay ang aking pandama

Sa unang sayaw na ikaw ang kasama
Hindi maitago ang nadaramang saya
Sa tuwing ako'y tititig sa'yong mga mata
Ay alam kong ganon rin ang iyong nadarama

Madarama ang saya sa aking pagtawa
Sa tuwing ikaw ay aking nakakasama
At makikita ang kinang sa aking mga mata
Na tiyak kong ikaw lamang ang nakakagawa

Ngunit kay bilis ng mga araw
At ngayon ay hindi kana matanaw
Tila kailan lang ng ikaw ay isayaw
Bakit ngayon ay tila uhaw na uhaw?

Sa distansyang sa atin ay namamagitan
Sa telepono na lamang ang ating usapan
Ngunit hindi ito hadlang sa ating pag-iibigan
At walang dahilan upang ikaw ay aking bitawan

Ang malayong pag-ibig na kinahuhumalingan
Sana'y muling magtagpo ang ating mga daan
Pahiwatig na tayo nga ang tanging nakalaan
Hanggang ang ating buhay ay matuldukan