#عَشِقُتُ جـِني#
.....
بقلمي الكاتبه الروائية أمل الملواني....مولي
.....الحلقه الثالثة
جرت سريعا لترى ما سقط بالشرفة فلم تجد شيء قد وقع ولكنها صعقت عندما وجدت باقة ورد على المقعد ومكتوب عليها كلمتين فقط أنا هنا
نرمين..... إيه الاستظراف ده وظلت تنظر من الشرفه فوق وتحت وحولها فالكل هادئ ولا يوجد احد كيف جاءت هذه الباقة الى هنا لابد أنها تخيلات تغمض عينها وتفتحها فتجد الباقة مكانها لا هذه ليست تهيؤات ولكن السؤال من اين اتت ثم تمسكها فتجدها جميله جدا ورائحتها الورد البلدي الذي تعشقه ياترى مين اللى يعرف إني بحب الورد وجابه هنا ازاي دنا في الدور الثالث يعني استحاله حد من الشارع يحطه ممكن حد من الجيران بس مين
وتدخل من الشرفة وهي تمسك بباقة الورد وتدخل غرفتها وهي مازلت تنظر لباقة الورد
ولكنها تقول هشغل دماغي ليه
موضوع الجواز وانا لغيته من حياتي
وتضع رأسها على السرير وتنام نوم عميق
لترى نفسها في نفس الحديقة فتبتسم والله المكان جميل قوى بجد لتجد نافورة على بعد فتذهب لها وتجلس على حفتها وتداعب المياه بيدها ثم ترتشف منها جرعة ماء وتشرب ما أجمل طعم هذا الماء
لتجد من يقف وينظر عليها لتنظر في الماء لترى من يقف وينظر عليها فتجده شاب وسيم
لترفع رأسها سريعا فلا تجد أحد تلتفت يمين ويسار فلا تجد أحد هو راح فين انا لسه شيفاه حالا ما علينا وتكمل شربة الماء ثم تتجول في الحديقة معقول مفيش حد في القصر ده
ولا حتى خدم طب انا فين
لتجد امها توقظها نرمين نرمين
لتفتح عينيها خير ياماما في ايه
الأم......ايه يابنتي انتي بتنامي نوم تقيل قوى
نرمين..... هو النوم بفلوس يا امي سبيني كنت بحلم حلم جميل شكلك كده مستقصدانى صح
الام.....ليه يعني قومي شوفي جالك تليفون عمال يرن وانتي ولا هنا
نرمين....تليفون ايه هو انا عندي تليفون اصلا
الأم......لا دنتي حالتك حاله قومي شوفي مين اللى مبطلش زن ده
نرمين...تنظر لامها وهي مش عارفه تصدق ولا لاء ثم قامت من علي السرير
وتجد فعلا هاتف صغير تقلبه على الجهتين جه منين ده وتلتفت تكلم أمها فلا تجدها لتجد الهاتف يرن ف يقع من يدها على الأرض فقد ارتعبت ثم التقطته وقامت بالرد عليه
الو.... السلام عليكم
ليرد الطرف الآخر.....أنسه نرمين
نرمين...تبتسم ونسيت امر الهاتف أنسه ايه الحلاوه دي
الطرف الآخر.....نعم يافندم بتقولي ايه
نرمين.....لا يافندم انا نرمين
مين حضرتك
الطرف الآخر.....احنا مكتب الاستاذ..........
وحضرتك كنتي سبتي ورقك من كم يوم والاستاذ عايز يشوفك ضروري
نرمين...... مين انا مجتش المكتب عندكم اصلا
الطرف الآخر... شكل حضرتك بتهزر حضرتك جيتي وكتبتي الطلب ورافقت ورقك كمان وانا اللى اخته منك بنفسي
لو حضرتك مش عايزها براحتك في الف وحده تتمنى تشتغل في مكتب الأستاذ......
نرمين..... لاء لاء انا جايه حالا انا اسفه اصلي لسه صاحيه بس وشكلي مش مركزه
هو العنوان ايه لو سمحتي
الطرف الآخر.....العنوان.......هو انتي لحقتي تنسيه
نرمين.....معلش بقه مش مستوعبه بس
الطرف الآخر......تمام أنسه نرمين بس اتمني متتاخريش لأن الأستاذ بيحب الدقة في المواضيع
نرمين.....لا طبعا فريره
وتغلق معها الهاتف وتجري تغسل وجهها وتسرح شعرها وتنظر لنفسها في المرآة شكل الحظ ابتسم لي ولا إيه بس انا مش فاهمه حاجه من اللى بيحصل تليفون وشغل شكلي عندي زهايمر ولا ايه لاء فوقي كده لا ثانيه كده دي بتقول شغل وقبلت وتقفز مكانها قبلت قبلت ماما ياماما وتجري تبحث عن امها بالبيت فلا تجدها ايه ده بقه هي لحقت تنزل دي لسه مصحيني أه ممكن نزلت تشتري حاجه وتجري على الدولاب اللى مفهوش غير بنطلون اسود واحد وأربع بلوزات تبدل فيهم لتختار احلى واحده فيهم بالنسبه لها ثم ترتدى ملابسها وتنظر ثانية في المرأة وهي رافعه شعرها ذيل حصان وتجد نفسها تتذكر كلام امها انتي بنت سيبي شعرك لتفرده وتتركه ثم تنظر لنفسها وتقول ايه الهبل ده انا راح أشتغل مش عرض جواز وتلم شعرها تاني
وتعتدل نفسها للذهاب لترى ما هذا العمل وتحاول أن تتذكر متى وكيف تم التقديم ثم تقول مش مهم المهم اشتغل واعوض امي عن كل اللى شافته
ويذهب نظرها لباقة الورد لتبتسم اكيد واحد مجنون وترحل عن البيت وذهبت للعنوان التي أعطته لها مديرة المكتب واول ما دخلت
المديرة....... اهلا انسه نرمين
نرمين... تمد يدها لتسلم عليها هو حضرتك تعرفيني
المديرة...... طبعا مش جيتي من يومين واعدنا نتكلم سوا وعلى فكره انا اللى رشحتك للأستاذ بعد ما لقيتك ذكية ولبقة جدا في الحديث بس اوعي تكسفيني عشر دقايق والاستاذ يستقبلك بس بلاش نظرة الاندهاش اللى فى عنيكى دي مالك يا بنتي النهارده
مش زى المره اللى فاتت خالص
نرمين...تشير لنفسها انا الكلام ده ليا انا
المديرة....أه طبعا هو في حد غيرنا لا بالله عليكي ركزي كده لنطرد أنا وإنتي من المكتب
مالك النهارده بجد مش طبيعيه خالص
ليرن الهاتف على المكتب عندى ايه الوقتي
المديرة..... مقابلة انسه نرمين
الاستاذ....دخليها وبعدها ايه
المديرة......في مقابلة مع احمد الاسيوطي
الاستاذ....تمام ويغلق معها الهاتف
لتشير نرمين اتفضلي بس خليكي واثقه من نفسك وركزي اهم حاجه التركيز الاستاذ بتاعنا الشغل عنده اهم من روحه نفسها فاهمه
نرمين....تهز رأسها وذهبت في اتجاه الذي اشارت لها فيه المديرة فهي لم تستوعب بعد ما يحدث
وتطرق الباب
الاستاذ.....اتفضلي
لتدخل نرمين وركبها بتخبط في بعض
الاستاذ..... ينظر بملف امامه
نرمين تتقدم وتقف أمام المكتب
الاستاذ.... اتفضلى اقعدى
ليرفع الاستاذ رأسه ليرى أمامه طفله
الاستاذ.....انتي مين
نرمين.....انا نرمين المحامية وده كارنيه النقابه
الاستاذ وهو يأخذ منها الكرنيه وقعت عينه في عينها للحظه
لاترتبك نرمين وتجلس مكانها ثانية
نقف هنا ياترى هيقبلها معاه ومين الاستاذ ده واللي بيحصل معاها ده اخرته ايه ده كله هنعرفه في الحلقة القادمة أتمنى الحلقة تعجبكم وياريت تفاعل اكتر من كده وايه اللى مستخبى لنرمين لسه انتظروا الجديد والمثير
بقلم الكتابة الروائية مولي الملواني
