#عَشِقُتُ جـِني #
بقلمي الكاتبة الروائية #أمل الملواني#....مولي#moola
♕♕♕♕♕♕♕♕الحلقة الخامسة والعشرين قبل الاخيرة
♡♡♡&&&&&&&&&&&&
طبعا قبل اي حاجه عارفه اني دي اول روايه اتأخرت فيها كده وفي ناس مشكوره متحمله عشان الظروف اللى بمر بيها بس اوعدكم معتش هنزل رواية الا لما اكتبها وراجعها واجهزها على النشر
وبشكر بردوا الناس اللى مصبرتش كلكم لكم كل الود والاحترام بس سؤال تفتكروا التعب والمجهود بيلاقي التقدير المطلوب في التفاعل انا هرد بد ل منكم طبعا لاء
######$$$$$$$$$$$$$$$
نبتدي الحلقه عشان مطولش عليكم
♡♡♡♡♡♡♡♡♡♡♡&&♡♡♡♡♡♡
في الطائرة
.......... تنام نرمين على كتف ادهم
لتغفو عيناها وينام ادهم هو الآخر فلم ينم ولم يرتاح منذ أيام
ليروا الاثنان نفس الحلم في نفس الوقت
نرمين..... ترى من يأخذها من حضن أدهم ويلقي بها في سجن في كهف مظلم مخيف
وادهم.... يرى من يأخذ نرمين منه عنوة
ويسحبها غصب عنها
ليقوما الاثنان مفزوعين وهما ينظران لبعضهما فحالهم يدل عليهم والفزع يظهر على وجوههم
ولكن كل منهم يفضل الصمت خوفا على الطرف الآخر
لتعلن المضيفات عن هبوط الطائرة بسلام الى تركيا معلنين عن درجات الحرارة فقد وصلوا ليلا وهناك برودة في الجو
ولم تكن نرمين على درايه ولم ينتبه ادهم ليخبرها فقد كانوا يلعبون سويا ف يداهمهم الوقت فيخلع ادهم جاكت البدله ويضعه على كتف نرمين التي ترتعد من البرد
أدهم.....اسف نسيت خالص ان الجو هيكون برد كده....... انتي سلبتي عقلي مني
نرمين....بخجل وكسوف ولكنها سعيده ولا يهمك يا وتصمت
ادهم....ينظر لها سكتي ليه
نرمين......اصلي لسه مش متعوده اني اقول الكلام ده
أدهم......هو انتي لسه مكسوفه منى طب ازاي
نرمين.....ايه هو اللى ازاي
أدهم.....بمكر وابتسامة عريضة من غير ازاي ياله العربية اهي نروح على الفندق
وهناك هقولك كل حاجه باستفاضة
نرمين.....هي فيها استفاضة سترك يارب
أدهم.....طبعا ومرافعة بقى مقولكيش
نرمين.....هي المرافعة وراي ورايا ولا ايه
ايه الحظ ده يوم ما اتجوز
أتجوز محامي وشهر العسل يبقى مرافعات
أدهم........وبعدين بلاش خلينا نوصل الفندق احسن عشان مصدرش عليكي الاحكام والعقوبات
نرمين....لالا هسكت خالص هي فيها عقوبات كمان وتضع يدها على فمها
ليضحكون سويا ويركبان السياره
وتمر الاحداث سريعا
♡♡♡♡♡♡♡♡♡♡♡♡♡♡♡♡♡♡♡
في مملكة الجن بعد مرور سنتين ومرور سريع بالأحداث والتطورات في الحياة
♡♡♡&&&&&&&&
الملك....يجلس ويمسك بطفل بالنسبة للجن ليسوا كأ جسمنا ولا هيئتنا
الطفل هناك رجل عندنا في الطباع والمسؤوليات
الملك......حفيدي الغالي كيف حالك
الصبي...... مولاي الملك
الملك....مادام احنا لوحدنا ناديني جدى عارف ان انت هتمسك مكان ابوك يا شنقره
شنقرة......ألن تعفو عن أبي يا جدي
الملك......مقدرش لو عفيت عنه هيكون اخر يوم في حياته
وانا مش عايز اضحي بيه لما يكون محجوز احسن ما افقده فاهمني يا ابني
شنقره........ممكن تسمحلي ازوره
الملك.....مش وقته
شنقره......وامي مقنش الأوان اشفها
لتدخل عليهم الملكة.....امك دى تنساها خالص انا لولا الملك كنت قضيت عليها انساها احسن
شنقره...... ينحني لتحية للملكة
بس هي امي ومقدرش انساها و ملهاش ذنب في اللي حصل
الملكه........انا بكرهها هي عيشه ومتمتعه واتجوزت وبتقضي احلى ايام عمرها وابني مرمي في زنزانة تحت الأرض السابعة
ولو شفتها ممكن سخطها أو أحرقها
محدش يجيب سيرتها هنا انا بقولكم اهو
شنقره........بس ده مش عدل
الملك....لو جينا للعدل ابوك اللى اتظلم
شنقره........وهما زنبهم ايه وانا ذنبي ايه
في كل ده هما حبوا بعض وانا اتحرمت من امي وابي في نفس الوقت
الملك.....و احنا قصرنا معاك انا مش اب ليك
والملكة......مرعياك وقايمه على طلباتك
شنقره.....انا من حقي اشوف امي وأبي
كيف لي اعيش وحيدا وابي وامي على قيد الحياة
الملكه......لو قربت من امك ابنى هيموت ولو قربت من ابوك هيموت خليك بعيد
شنقره.....لازم في حل
الملك.....انا ممكن اعطيك قدرات تشوف امك وابوك دون الاقتراب منهم
شنقره......ازاي مش فاهم
الملك.....تتابعهم وتسمعهم وتشوفهم بس بشرط من غير ما تقرب منهم
شنقرة.....هو عرض حلو بس للأسف الشديد
مقدرش اقبله
الملكه......مثل أمك تريد أن تملك كل شيء لقد ورثت طباع الإنس في الانانية والتملك
