#عَشِقُتُ جـِني #
بقلمي الكاتبة الروائية #أمل الملواني#....مولي#
♕♕♕♕♕♕♕♕الحلقة الخامسة عشر
♕♕♕♕♕♕♕♕♕♕♕__♕
عادت نرمين الى منزلها متخبطة بين أفكارها وتلك العائلة التي يملؤها الدفء والحنان وهذا الأب الذي يحتوي ابنه وزوجته كم هم محظوظون أهل هذا البيت وكم تمنت ان يكون بيتها هكذا ولكن سرعان ما تذكرت أمها المتعبة كي تربيها وتعلمها لتستغفر ربها وتحمد الله على ماهي فيه
لنتقابل في طريقها بطفلة صغيرة تنام على الرصيف وامامها اكياس مناديل لتقف تنظر لها وتتذكر حالها فتحمد الله وتشكره وتعلم انها افضل حالا من غيرها فتذهب لتلك الصغيرة التي رق قلبه لها و توقظها من نومها
الفتاة...... تستيقظ ولكن بثقل ايوه يا ابله عايزه كم علبه
نرمين...... انتي نايمه ليه كده
الفتاة..... اكل العيش يا ابله
نرمين...... وأهلك فين
الفتاة...... موجودين ابوي في البيت وانا واخواتي وامي بنبيع كده
نرمين...... وابوكي مش بيشتغل ليه
الفتاة...... ابويا مريض ومبيقدرش يقف وعشان كده خرجنا كلنا نشتغل عشان نوفر له العلاج
نرمين.... اسمك ايه
الفتاة...... حنان
نرمين...... بتروحي مدرسه يا حنان
حنان....... مدرسة ايه بس هو احنا عندنا اكل عشان نروح مدرسه عايزه مناديل يا ابله ولا سيبيني انام
نرمين.... بكم دول كلهم
حنان...... تعتدل في مكانها بتتكلمي جد يا ابله
نرمين...... ايوه
حنان.... خمسين جنيه ولو خدتهم كلهم بجد هاتي خمسه واربعين بس
نرمين...... لاء خدى ميه اهي
حنان.... بس معيش فكة ولا باقي
نرمين.....ومين قالك عايزه حاجه هاتي حاجه حلوه وانتي مروحه لباباكي
حنان......بجد ربنا يخليكي يارب انا قاعده من الصبح مبعتش غير بعشره جنيه الله يبارك فيكي ويرزقك ويسترك دنيا واخره
لتبتسم نرمين......وتاخذ المناديل وتنتظر تنظر على الفتاه اللى خدت المئة جنيها وظلت سعيده تكاد ان ترقص من الفرح
نرمين.....قد ايه جبر الخواطر حلو الحمدلله
وتذهب لبيتها سعيدة حامدة الله على ما هي عليه ووجود أمها التي حافظت عليها ولم تهينها او تهملها قد ايه الرضا جميل
الام.....اول ما دخلت نرمين فينك ياقمر اتاخرتي
نرمين.....تدخل على امها وتقبل يدها ورأسها بحبك بحبك يا امي ربنا يباركلي فيكي
الأم....مالك فيكي حاجه حد زعلك وايه كيسة المناديل دي كلها
نرمين......اولا انا زي الفل وثانيا جبتهم من بنت صغيرة كانت وتقص عليها ما حدث
الام......ربنا يبارك فيكي يا بنتي اللي بيرحم الناس ربنا بيرحمه يابنتي جدعه انك عملتي كده تعالي في حضن امك
لترتمي نرمين....... في حضن امها وكأنها كانت تحتاج لهذا الحضن لتفر دمعة من عينها ولكن تمسحها سريعا حتى لا تشعر امها
الأم....تشعر ببنتها ولكن تتعمد ان لا تشعرها بذلك وتتركها إن كانت تقص عليها شيء أم لا ولكن تبدل الموضوع
بقلك ايه انا عملت النهارده طبق بصاره حكايه
نرمين.....الله بحبها قوى بس انا شبعانه تعالي احكيلك اللى حصل النهارده
نسبها تحكي لها ونذهب لأدهم
ادهم......يجلس في غرفته على سريره ويفكر ويحلل كلام نرمين ويستنتج منه أشياء كثيرة ولكن لا بد من الحذر والتفكير بروية
وتدخل عليه امه بكاسة شاي وبعض البسكوتات
حبيب قلبي بيفكر في ايه
ادهم......انتى اللى حبيبة قلبي وحاسه بيا كان نفسي فعلا في كاسة شاي
الام.....قلب الأم دليلها اتفضل ياحبيبي
ليأخذ ادهم منها الشاي ووضعه على طاولة صغيرة بجانب ينظر لامه اللي شكلها عايزه تقولى حاجه ولكنه يفضل الصمت الى أن تتكلم هي
الام......بعد مناوشات ولف حول ما تريد
بقلك ايه يا ادهم ما تحكيلي عن نرمين شويه البنت دي دخلت قلبي وتربعت فيه
أدهم....عايزه تعرفي ايه ياست الكل
الام.....كل حاجه كل حاجه
ادهم.....هههههههههه ماشي بس انا هحكيلك اللى اعرفه بس لان هي لسه جديده عندنا
الأم...... ياخساره طب بص متجبنه وانا اعرف منها
ادهم......وليه كل ده ياست الكل فهميني بس
الام......نونا اما تحط حاجه في دمغها يبقى هي الحاجة سيبك انت قلي اللي تعرفه بس وبعدين ربنا يسهل
أدهم.....اوكي بصي ياست الكل ويبدأ يقص عليها كل ما يعرفه عن نرمين والام تستمتع وهي تستمع له
نتركهم قليلا سويا لنرى ما يحدث
نرمين بعدما قصت لأمها ما حدث الام باستنكار
الام.....بس ازاي تروحي بيت حد متعرفهوش حتى لو رئيسك بالعمل انا ربيتك على كده
نرمين.....ماما انتي فاهمه غلط ده شغل وغير كده امه وابوه ناس طيبين جدا ومديرة المكتب اكدتلي إن ده عادي وبيحصل صدقيني يا أمي
الأم........ عايزة تقنعيني بإيه فهميني
نرمين........ان ده شغل وانا لولا عارفه انه انسان محترم ومع أهله كان لا يمكن اروح هناك ولا اعتب حتى
الأم.......اوعديني تحافظي على نفسك وتخلي بالك قوى من كل حاجه مهما كانت صغيره الدنيا بقت صعبه والبلاوي اللى بنسمعها تخلى الشعر يشيب انا مليش الا انتي في الدنيا دي فاهمه ولا لاء
لتبكي نرمين....... وترتمي في حضن امها اوعدك ياقلبي وعمري ما هقصر رقبتك ابدا و هفضل بنتك اللى رافعه راسك ديما بيها
الأم.....دموعها هي الأخرى تنزل وهي تحتضن بنتها وتمسح على ظهرها
نرمين.....خلاص بقى كفايه كده في فيلم النهارده تحفه
الام......اكيد بسم الله الرحمن الرحيم انا هدخل انام احسن مليش في افلام العفاريت اللى انتي وياها دي وتتركها وتدخل غرفتها لتنام اما نرمين ظلت تضحك على رعب امها
نرمين....هي الناس بتخاف من الجن والعفاريت ليه مهما اقوام زينا واحنا لو ممكن مش عمرهم ما يؤذينا وتجلس تنتظر فلم السهره ولكن تسمع صوت شئ ينكسر فتدخل ناحية الصوت لتجده من البلكونه وتذهب لترى ما يحدث
فتجد باقة ورد حمراء فتعجب وتلتفت يمينا ويسارا والى اعلى والى الشارع فلا تجد سوى بعض الأطفال يلعبون وبعض المارة في تتعجب ولكن تمسك الباقة لتجد مكتوب عليها
انتي لي وحبي الوحيد
نرمين.....نفسي اعرف مين المجنون ده وبدخل هنا ازاي يكنش بسم الله الرحمن الرحيم
وكلام أمي صح ياريت ويبني ليا قصر وخدم وحشم والله موافقه بس هو يجي
لتسمع صوت التلفاز يعلو وتذهب سريعا لهناك
فتجد الفيلم الذي تنتظره قد بدأ تجلس أمامه لتشاهده ولكن فكرها مشغول تارة بالورد وتارة بالفيلم وتارة بأدهم وعائلته فقد احبتهم وشعرت بالدفء بينهم
لتغفو عيناها وهي تشاهد التلفاز فتجد نفسها في قصر كبير رائع وجميل جدا فظلت تشاهد بعيناها كل هذا الجمال وهي تتعجب من تصميمه والوانه وديكوراته والديكور الراقي والمميز لتجد نفس الصوت يتكلم
جيتغور......عجبك 🌹الورد
نرمين......انت مين وعرفت الورد
جيتغور.....انا اللي انتي بتنادي بتتمنيه
نرمين.......مين ده اللى بناديه وبتمناه
جيتغور......مصممة تعرفي
نرمين.....طبعا
جيتغور......هسألك سؤال الاول
نرمين.....بزهق يوه بقى تاني ما تقول علطول انت مين
جيتغور.....؟انا الجني اللى بتتمنيه يعيشك في قصر زى ده
نرمين......بضحكات هستيرية اظاهر ان انا بهلوس ولا اتجننت ولا ايه هو اللى بنعمله فى الناس هيتعمل فينا ولا ايه
جيت غور.....مش دي امنيتك بردوا وانا بحققها لكي
نرمين....تصدق ياريت بس مش لما اشوفك واعرفك الاول
جيتغور.....يعني موافقه
نرمين.....على إيه
جيتغور....على المبدأ
نرمين........مش فاهمه وضحي اكتر
جيتغور.....تحمر عيناه أنها مراوغة كبيرة
جيتغور....على زواجك من جني
نرمين....فهي طفلة بريئة لم يلوثها الزمن والبشر تضحك ماشي ماشي
جيتغور........ وهو مختفي ولكنه يقف امامها يتأملها بعشق وينظر لعيناها التي تعكس لون السماء
فهو متردد هل يظهر لها على شكله ام يغير من هيئته
ولكن ليسألها ويجعلها هي من تحدد
عايزه تشفيني يا نرمين متأكده
نرمين....طبعا اكيد ياله بقى
جيتغور....عايزه بشكل الجن ولا شكل البشر
نرمين.......واو بص مش عارفه انا عايزه اشوفك وخلاص
جيتغور....لا بشكل البشر لغاية ما تطمن ليا وتحبني وبعد كده اظهر لها بشكلى احسن كده
طب لفي هتلاقينى واقف وراكي
نرمين....بفرحة الطفلة البريئة والابتسامة العريضة تدور لترى مالم تتوقعه لتذهل وتفتح عينيها وفمها في حالة من التوتر والاستغراب وعدم التصديق
تفتكروا الجني الذكي تشكل في هيئة من ولهذا
ظهرت علامات الاستغراب عليها
وماذا سيحدث بعد ذلك توقعاتكم حتى أكمل لكم الحلقة القادمة المليئة بالأحداث المثيرة
انتظروني...ولكن ارجو التفاعل حتى نشعر ان تعبنا لا يذهب هباء واتمني لكم قراءة ممتعه
بقلم الكاتبة #الروائيه أمل الملواني......#مولي
moolaalmlwany
