#عَشِقُتُ جـِني #
.....
بقلمي الكاتبة الروائية #أمل الملواني#....مولي#
الحلقة العاشرة (10)
...........
تدخل شيرين مع نرمين لمكتب ادهم
أدهم.... يضع وجهه في ملف أمامه ولكنه يستشيط غيظا من داخله
شيرين..... احمد الاسيوطي بره يافندم
أدهم...... وماله جاي بدري ليه كده
شيرين...... مش عارفه شكل حاجه مهمه
ادهم طب سبيني دقيقتين ودخليه واتفضلي انتي
ويظل ينظر أمامه في ملف ونرمين واقفه مستغربه حتى مسلمش عليها ولا اطمن عليها أمس كان كويس إيه اللى غيره كده من بليل للصبح وهي بتفكر كده اخيرا تكلم ادهم
ادهم.......استاذة نرمين في ملفات عند استاذه شيرين خديها ورجعيها كويس واعملى عليها مرافعات بس تكون وافيه كل ده وهو لا ينظر لها
نرمين......وهي متغاظه حاضر حاجه تانيه يافندم
ادهم لاء اتفضلي انتي وخلى شريين تبعتلى احمد الاسيوطي انسه نرمين قبل ما تخرجي اتمنى تفهمي ان ده مكتب محاماة مش علاقات عامه
نرمين....تبلع ريقها عفوا هو في حاجه حصلت
ادهم......المنظر اللي شفته وانا داخل ياريت ما شفوش تاني كلامي واضح
نرمين....هو حصل ايه حضرتك معترض عليه
أدهم.....ياريت تدخلي احمد الاسيوطي
نرمين تخرج من المكتب ووجها يخرج نار تكاد تحرق من بالمكتب هو فاكر نفسه ايه ولا عشان عالجني امبارح ولا عشان شاف إن إحنا ناس فقيره وأثناء تمتمتها وهي خارجه تصطدم في احمد الاسيوطي اللى قالها كي يستفزها هو انتي قصيره وكمان عاميه
ليكون له النصيب الأكبر من الانفجار
نرمين....شوف بقه انا صبرت عليك مره واتنين لكن التلاته اكس كيوز مي...
XCuse Me.......اه مهو انا مش عشان سكت تسوق فيها
أحمد الأسيوطي.....انتي اتجننتي ولا ايه انتي عارفه انا مين
نرمين.....يعلو صوتها الطبقات اتلغت من زمان والفلوس مبتعملش بني أدم
ليسمع آدم وكل الموظفين الصوت العالي فالكل يجتمع ليرى ماذا يحدث بما فيهم ادهم
اللي خرج على كلمة نرمين في داخله اعجب اكثر بها بس لا يمكن يقبل باللى بيحصل ده
أدهم....ينظر لكل العاملين بالمكتب كله على مكتبه فورا
انسه نرمين فورا على مكتبك وتجيلي بعد ما اخلص مع مستر احمد
نرمين.....بس هو
ادهم.....ولا كلمه على مكتبك فورا سمعتي وليا كلام معاكي بعدين
نرمين.....ترحل ودموعها تنزل على خدها كده شكلها عكت وشكلي هترفد ياله بجملة المهم مسبش حقي
ادهم يدخل....مع احمد الاسيوطي مكتبه
احمد.......عجبك اللى حصل ده
ادهم....لاء طبعا وانا هتصرف فيه
بس الاول احب اعرف سببه ايه مهو مش لوحدها هتمسك فيك
أحمد....ابدا خبطت في وهي خارجه من عندك ولما نبهتها اتفتحت فيا متهيالى مش استايل المكتب يا ادهم عمر ماحد عندك كلمني كده دى ممكن بتصرفاتها الغير مدروسه ولا محسوبة تطير منك الزبائن
أدهم......عامة هشوف الموضوع ده واوعدك اتصرف فيه
ويمسك الهاتف....شريين ابعتي ليمون لمسيو احمد
احمد....والله فعلا محتاجه أصل الشبر والنص دى ضايقتني جدا
ادهم.....يعصب بس يمسك نفسه الوقت مش مناسب بس في نفسه حلال فيك اللى هى عملته
قولى بقى ايه اللى جابك بدرى كده
احمد......فاكر قضية المصنع والشراكة اللى كانت بين والدي وصديقه
ادهم....طبعا دنا اللى تبعتها من اولها
نسيت إنها كانت أول قضية بعد ترك القضاء
احمد....لا منستش انها كانت وش السعد على مكتبك بس جد فيها جديد
نتركهم سويا يتحدثون بالعمل
نرمين.....تجلس بمكتبها متغاظه ومضايقه ايه اللى عملته ده كانت ممكن تتعامل مع الموقف احسن من كده بدل الفضائح دي
ووسط مهي عماله تفكر وتزعل شويه وتنبسط انها بهدلته شويه مشاعر متضاربة
تاتيها شريين استاذ ادهم عايزك قبل ما تروحي انتي عارفه أن ده اكبر عميل بالمكتب وبصراحه مكنش يصح ابدا اللى عملتيه
نرمين.....هو اللي يضايقني بكلامه والله
شريين.....حتى إن كان هو اللى ضيقك كان في الف طريقه تردعيه بيها تخليه يحترم نفسه من غير الشوشره دي عامة لينا كلام سوى بس روحي للأستاذ لأنه متعصب وربنا يسترها أول مره أشوفه كده
نرمين.....متعصب قوى قوى يعنى
شيرين.....ضحكتيني روحي ربنا معاكي
نرمين.....ماشي وتذهب للمكتب بتقدم رجل وترجع رجل
ثم تطرق الباب ويأذن لها فتدخل فتجده يقف بجوار شرفة المكتب وكأنه يتفقد الماره
ليكلمها وهو يعطيها ظهره كانه يخاف ان يواجهها او يعنفها
اما نرمين....فقد عصبت فهو منذ الصباح يتفادى النظر إليها عكس ما حدث بالأمس تري ما هو سر هذا التغيير
نرمين.....حضرتك بعتلي يافندم
ادهم.....ايوه ممكن افهم ايه اللى حصل من شويه ده وانا لسه قبلها منبه عليكي ان ده مكتب محاماه
نرمين....حضرتك بس انا مغلطش هو اللى يتعدى حدوده وانا لا يمكن اسمح به
ادهم.....رغم انه مبسوط من كلامها بس ده مكتبه وله سمعه وإن سمح لها بتتمادي فقرر يعنفها
أدهم....في ليكي رئيس مباشر ارجعيله لكن الهمجية دي لا يمكن أسمح بها في مكتبي ابدا
نرمين......تريد الرد.لكن يلجم لسانها ظروفها واحتياجها للعمل ولكن لا تستطيع تحمل هذا التعامل القاسي
أدهم......لم تكن تعلم نرمين انه ينظر لعينيها في زجاج الشرفه ويرى كل تعابيرها التي تظن هي أنه لا يراها ولكنه لا يريد النظر لها مباشرة
اما نرمين....شعرت بغصة في صدرها لتمسح دموعها ثم تقول بصوت مخنوق حاضر يافندم اسفه وتهم لترحل
ادهم كان هاين عليه يلف ويكلمها وهو اللى يتأسف لها ولكن لا يستطيع فلابد أن يرد تلك الفرسة الجامحة بلجام
ليصبح خيالها فلابد من بعض القسوة حتى تطيعه فيما بعد
ادهم.....ياريت تنهي القضايا اللى عندك وفي قضية أحمد الأسيوطي قديمه هيتعاد فيها النقض رجعيها وشوفي نقطة الضعف في القضية والثغرات
نرمين.....ممكن يافندم ممسكش حاجة لمسيو احمد
ادهم.....بحده ده شغل يا أستاذه مفهوش اختيارات
نرمين.... حاضر وتخرج سريعا قبل ان تنهار كليا فهي مدللة امها كيف تتعامل هكذا
لتجري على دورة المياه وتظل تبكي تخرج شحنة الغضب الموجودة فيها لتجد على زجاج المرآة بالحمام مكتوب اوعي تزعلي انا موجود
احبك اكثر مما تحبيني
نرمين.....تنسي اللى هي فيه مين اللى كاتب لحببته هنا اكيد حد من المكتب يادي النيله وتغسل وجهها وتخرج وكان شيء لم يكن فهي لا تحب إظهار ضعفها لأحد أي كان
ليتعجب الجميع رغم احمرار عينيها فهي خارجة بشموخ وكان شيء لم يكن
لتدخل مكتبها لا تلتفت لأحد وتفتح ملف قضية احمد الاسيوطي وتظل هكذا أكثر من ثلاث ساعات لم تلتفت لأحد ولم تطلب كوب ماء
ومره واحده بعد ثلاث ساعات متواصلة والكل منهمك بعمله
تقف وتصرخ وجدتها
فيلتفت لها الجميع فلا تعيره اهتمامها وتذهب سريعا بالملف في يدها لشريين الاستاذ فاضي
شرين....طب قولى سلام عليكم حتى
نرمين.....مفيش وقت بسرعة الاستاذ فاضي
شيرين.... تشاور لها بيدها اهدي اهدي ثواني وتتركها وتذهب للأستاذ تستأذن منه
ادهم.....خير ي شرين انا مش قايلك ورايا مراجعة قضايا وأي حاجه شفيها انتي
شيرين....تمام حاضر هي بس نيرمين كانت عايزة تشوف حضرتك عشان قضيه الأسيوطي بس اشوفها انا خلاص
ادهم....يضع النظارة على المكتب هي لحقت تراجعها
شيرين....مش عارفه بس باين عليها اكتشفت حاجه
ادهم....تمام ابعتيها باين هغير راي فيها
شيرين....ممكن اقول حاجه
ادهم....اتفضلي
شيرين.....نرمين طيبه جدا وعفوية ومعندهاش خبرة في التعامل مع الناس والاسيوطي فعلا زودها وكويس انها عملت كده انا مش بشجعها بس حبيت اعرف حضرتك بس انها اتظلمت وهو اللى استفزها وعلى فكره هي ذكيه جدا ومحتاجه الفرصه بس
ادهم......متشكر للتوضيح روحي وابعتيها
شيرين.....شكرا لحضرتك جدا وتتركه وتذهب نرمين اللى واقفه على احر من الجمر
شريين....اتفضلي ياستي بس متتاخريش لان في عميل بعد ربع ساعة
نرمين....ربع ساعة بحلها هما خمس دقايق ياقمر انتي ولا اقلك ياماما
شيرين.....هههههه شرف ليا بس تكبريني قوى
وتتركها وتذهب سريعا بالملف في يدها الأستاذ أدهم اللى قبلها المره دى وهو بيبصلها وكأن شيء لم يكن لتسعد نرمين وتنطلق في الحديث
لم ينطق ادهم كلمة وظل ينتظر ما ستقوله تلك القصيرة الماكرة فقد سلبته عقله
نرمين.....انا ليا مكافأه كبيره
أدهم.....مش إما اعرف الاول تستاهلي المكافأة ولا لاء
نرمين.....تقف في وسط المكتب وكأنها تترافع وامامها القاضي ليستمتع ادهم ويظل ينظر لها وعلامات الإعجاب تبدو عليه وتلمع عيناه فرح فلم تخيب تلك الماكرة رأيه فيها
وظلت تسرد عليه ما توصلت له وما غفل عنه الدفاع في المذكرة السابقة وكيف أثبتت حق الاسيوطي في القضية وأن الشريك تلاعب بالأوراق والدليل ............... إلى أن انتهت
لتلتقط انفاسها وكأنها كانت في سباق طويل ووصلت للنهاية
ليقف ادهم ويحيها بالتصفيق وهو مذهول كيف توصلت لكل هذا في ثلاثة ساعات فقط ولم يصل له هو فقد غفل عن نقط صغيرة جدا وكانت بها طوق النجاة
نرمين.......استحق المكافأة
أدهم.... طبعا تستحقي واخرج من مكتبه ورقة وكتب عليها وسلمها لها لتخرج نرمين وهي سعيدة جدا فقد صرف لها الف جنيها أخر
وبالفعل صرفتها وعادت لمنزلها سعيدة فرحة تجد من يطرق الباب فتفتح فتجد باقة ورد كبيرة على الباب واحد يحملها لا تراه
ورد ايه ده اكيد جاي غلط لتجد من يزيح الورد فتجده
…………….
تفتكروا مين اللى جاب الورد
وايه اللى هيحصل معاها وهل الجني سيتركهم وهي هل هيتغير فكرها من ناحية الجن هذا ما سنعرفه الحلقة القادمة بإذن الله تمنياتي بقراءة ممتعة ورايكم في الحلقه بلاش نتركها كده عايزين تفاعل مش اقل من......... المهم كتير كتير بقلم الكاتبه الروائية أمل الملواني.... مولي
#moolaalmlwany #
