عَشقُتُ جِني
.........
بقلم الكاتبة مولى الملواني
الحلقة الخامسة
............
قبل صلاة العشاء تدخل الأم لتوقظ ابنتها النائمة نوم عميق ففي الفترة الأخيرة أصبحت تنام كثيرا و تنام بعمق
نرمين نرمين نرمين
تقوم مفزوعه وتنط من على السرير ايه في ايه
الأم.....يا بنتي اهدي كده هو كل ما اصحيكى ترعبني كده حرام عليكي قلبي وقف
لتجلس نرمين وتفرك بعينيها مهو انتي ياأمي اللى بتصحينى في اوقات مش مناسبة خالص
الأم.....وايه المناسب ياقلب امك العشاء على وشك وانا بنام بعدها
نرمين..... انتي مش عارفه كنت هشوفوا خلاص
الام.....هو مين ده
نرمين....ده في الحلم اسكتي تعالى بقه كده اقعدى جمبي واقلك على اللى حصل النهارده
مش انا اتعينت وتقف وتعدل ملابسها وهبقى محاميه وفين مش هتصدقي
الام..... بفرحة ووجهه يملأه الإبتسامة فين ياقلب امك
نرمين..... في مكتب أدهم الشبراوي
الأم.... ده مين يابنتي
نرمين..... محامي كبير كان قاضي وساب القضاء وفتح مكتب كبير
الأم..... ياصلاة النبي احسن
نرمين.....ورغم انه صغير في السن الكل يحترمه وله هيبه كده يا امي تحسين باشا بس في مشكله
الأم.....خير يابنتي
نرمين.....لاء هما مشكلتين
الاولى لازم اصحى بدرى والثانيه لازم طقم او طقمين جداد والميزانية لا تسمح
الأم.....الاولى محلوله هتنامي معاي من بعد العشاء والتانية كمان محلوله بصي ياستي هنزل اجيب من المحل على اول الشارع قطعتين قماش على ذوقك واعملك بلوزتين او فستان ومشي حالك لحد ما اقبض وننزل نشتري احلى طقم لكي
نرمين تحتضن أمها وتقبلها ربنا ما يحرمني منك أبدا يا أمي
الام.....ياهبله هو انا ليا في الدنيا اللى انتى ربنا يباركلي فيكي واشوفك عروسه
نرمين.....لازم نحتفل
الام.....تضع وجهها بالأرض فهم لا يملكون الا القليل من المال بضعة جنيهات
نرمين.....تعلم سبب حزن امها ولكن كالعادة هي من تستطيع اضحاكها ولهذا مش عندنا 3بيضات وكباية اللبن واكيد في دقيق هعملك احلى كيكه وشوية فشار كوبيتين شاي واحلى
سهره ومفيش نوم بدرى النهارده فاهمه ياست الكل
الأم..... تبتسم طول ما ربنا ساترها معانا واحنا راضيين أنا أسعد واحده في الدنيا كلها
