Through The Strait Gates//过门 [Completed]

အခန်း ၅၃ ။ တဒင်္ဂ

"Burmese Translation of "GUOMEN" By Priest"

အတွဲ ၃ ။ လှီးထားသော ကြက်သွန်မြိတ်

အခန်း ၅၃ ။ တဒင်္ဂ

ရွှီရှီးလင် စိတ်နှင့်လူမကပ်သည့်ကာလအတွင်း ဝူထောင်က သူ့ကို အကြိမ်ရေတစ်ချို့ဖုန်းဆက်ရန် ကြိုးစားခဲ့သည်။ ရွှီရှီးလင် သူ့ဖုန်းများကို မကိုင်ခဲ့ဘဲ တဖြည်းဖြည်း သူတို့နှစ်ယောက်မှာ အဆက်အသွယ်များ ရပ်သွားကြတော့သည်။ ဘွဲ့ရပြီးနောက်တွင် ဝူထောင်က ကာယဆရာတစ်ယောက်ဖြစ်ရန် လမ်းပေါ် တဖြည်းဖြည်းရောက်သွားခဲ့သည်ဟု ကြားရသည်။

ကံကြမ္မာသည် လူများအပေါ် လှည့်ဖျားရတာ သဘောကျသည့်ပုံပင်။ ငယ်ငယ်တုန်းက အဝေးတစ်နေရာစီ အရဲစွန့် သွားလာချင်သူသည် အသက်ကြီးလာချိန်တွင်တော့ တူညီသည့်မြို့လေးမှာပင် နေဖြစ်သွားခဲ့သည်။ ငယ်ငယ်က အလိုလိုက်ခံရပြီး အိမ်ကိုတွယ်တာသည့်သူများမှာမူ ဝေးသထက် အဝေးဆီလျှောက်သွားခဲ့သည်။ ငယ်ငယ်က ပြဿနာရှာရာ၌ တော်သည့် သူများကျ ခိုင်မာပြီးရိုးရှင်းသည့် ဘဝတွင်နေထိုင်ဖြစ်သွားကြသည်။ ငယ်ငယ်ကစာကြိုးစားပြီး တခြားသူကို ဘယ်သောအခါမှစိုးရိမ်အောင် မလုပ်ဖူးသူများမှာမူ... အနာဂတ်တွင် ဟိုးအရင်နှစ်များဆီမှ ပြသခွင့်မရှိခဲ့သည့် ပုန်ကန်သော ခံယူချက်များကို အကြိမ်ပေါင်းမြောက်မြားစွာ ဖော်ပြနိုင်ချေရှိသည်။
 
တစ်ဖက်တွင်တော့ လောင်ချန့်ကသာ ခံစားချက်အတိုင်း လွှမ်းမိုးနေခဲ့သူဖြစ်သည်။ ကျောက်တုံးတစ်တုံးကို တစ်စတစ်စနှင့် ဖဲ့ထုတ်သကဲ့သို့ သူသည် ရွှီရှီးလင်ကိုစာများပို့ပြီး၊ ဖုန်းများ ဆက်ခေါ်နေသေးသည်။ကပ်စေးလှသော ဆေးပလာစတာကဲ့သို့ အရှက်မရှိတော့သော့အပြုအမူ အပြည့်ဖြင့်ပင်။ သူက ဘွဲ့ရပြီးတာတောင် ရွှီရှီးလင်နှင့် အဆက်အသွယ်ရှိနေခဲ့သေးသည့် တစ်ဦးတည်းသောသူငယ်ချင်းပင်။

ဒီနှစ်များအတွင်း ရွှီရှီးလင်သည် ဘယ်သောအခါမှ အထက်တန်းကျောင်းနေဖက်များနှင့် group chatများကို မဝင်သလို သူတို့ စကားပြောတာလည်းမကြည့်ဘဲ မည်သည့်တွေ့ဆုံပွဲမှုကိုလည်း မတက်ခဲ့ပေ။

သူ့အရင် ကျောင်းနေဖက်များကို မည်သို့ရင်ဆိုင်ရမည်မှန်းမသိပေ။