بك غفراني 🥀

 بك غفراني 🥀
بقلمي : ميساء إبراهيم 💜
                                   {9}

"وفجأة جات عربية وقفت قدامهم والجزاز اتنزل".. ملاذ : سلام فارس الليلة الخميس واحتمال بسيط  تلقوا مواصلات فاضية.. اتفضلوا امشوا معانا مش ماشين المستشفى؟؟.. "عاينت ل نفيسة بنظرة غريبة وقالت".. ارح اركب انت والمعاك دي.. "نفيسة اتغاظت شديد من طريقة كلامها بس ما اتكلمت معاها"..فارس : تسلمي ما بتقصري بس ما مشكلة بننتظر لمن نلقى مواصلات ☺️.. ملاذ : حركات عزة النفس الشديدة دي خليها واركبوا.. نفيسة : يا ملاذ نحن محترمنك شديد لحدي حسي ولو سمحتي كملي طريقك بعيد عننا لوو سمحتي ☺️. ملاذ : غلطانة انا الدايرة اساعدكم.. نفيسة : سبحان الله طلعتي بتعرفي الغلط!! " طوالي ملاذ قالت للسواق يمشي واتغاظت اكتر من نفيسة".. فارس وهو بضحك : عجبتيني عديل 😂.. نفيسة : شفت كيف 😌..
"في المستشفى.. مجاهد كان قاعد جوة الغرفة مع عمو.. طلع عشان يجيب العجلة ولقى ملاذ قدامو ما سلم عليها ومشى طوالي لمن سمع زول بنده ليهو".. فارس : مجاهد.. مجاهد" مجاهد ساق العجلة ومشى عليهم"..فارس : كيف حالكم.. وعمك كيف.. "مجاهد كان بعاين في نفيسة وسرح فيها مسافة ".. نفيسة :  أن شاء الله يكونو دايرين يمرقو عمك الليلة.." مجاهد ابتسم".. مجاهد : شكلك دعيتي ل عمي من قلبك.. ااي الليلة حيمرق.. فارس : الحمد لله على السلامة ياخ.. نفيسة : ربنا يشفيهو الشفاء التام أن شاء الله.. مجاهد : إن شااااء الله" مجاهد قال جواتو : بس ان شاء الله قلبي ما يتشفي من حبك نهائي وأفضل مريضك وانتي الطبيبة 💜.. " لمن مجاهد رجع الغرفة لقى ملاذ قاعدة في الواطة وماسكة يد ابوها وبتبكي.. وابوها المشلول دموعو جرت.. مشى اتكلم مع ملاذ براحة عشان تمرق من جمبو لانو المفروض عمو ما ينفعل نهائي.. ملاذ ما سمعت الكلام وفضلت تبكي لممن الله غفر ليها وبعد ما دموعها كملت قامت طلعت من الغرفة ومجاهد طلع وراها ".. مجاهد : اسمعيني هنا ابوك دا ما بقدر يستحمل ااي انفعال فاا شنو لململي دموعك دي ونزليها في حتة تانية" نفيسة كانت واقفة وبتعاين ليهم وهم بتناقشو.. حست بغيرة شديدة مع انو علامات الكره كانت ظاهرة في وش مجاهد وهو بتكلم مع ملاذ.. بس الغيرة ما فيها منطقية🔥!! ".. ملاذ : انت دا الاسمعني هنا.. دا ابوي انت فاهم؟!؟.. وانت ما عندك الحق عشان تمنعني ادخل واشوفو وابكي معاهو.." مجاهد رفع يدو عشان يضرب ملاذ كف بس فراس جا وهداهو شوية".. فراس : أهدى يا مجاهد دا ما وقت انفعال.. مجاهد وهو بكورك : ياخ عليك الله زح المخلوقة دي من قدامي عشان ما ارتكب فيها جريمة.. يا زفتة انتي السبب في الحصل ل ابوك دا انتي السبب!!.. نسيتي كضبك القلتيهو ل فراس!!.. ملاذ : الحصل قضاء وقدر وانا ما عندي دخل فيهو.. وبعدين انت منو عشان تحاسبني.. انت الله؟؟ "مجاهد عصب زيادة وفراس واقف ليهو قدامو وبهدي فيهو.. فراس : عليك الله يا ملاذ خلي المشاكل وامشي من هنا.. ملاذ : امشي وين يعني!!.. فراس : كان ما مشيتي من هنا حأخلي مجاهد يعمل فيك العايزو.."ملاذ الخوافة طوالي مشت.. بعد شوية نفيسة جابت موية ل فراس ومجاهد ".. نفيسة : استهدي بالله يا مجاهد ما تفور دمك مع ناس ما بتستاهل.. مجاهد : حاضر هديت خلاص 💜.. فراس : أنا من قبيل بقول ليك اهدي اهدي وانت ما راضي اشمعنا حسي رضيت طوالي كدا 😂..نفيسة : نسيت اني دكتورة نفسية 😌.. "مجاهد دخل ل عمو وشالو وختاهو في العجلة وطلعو من المستشفى.. نفيسة وفراس ركبو معاهم عشان بيتهم في الطريق.. مجاهد نزلهم جمب البيت" اتلاقت النظرات والقلوب رجفت والنبضات اتسرعت 💜"..
" الساعة 11 بالليل مجاهد اتصل على نفيسة لكن ما ردت عليهو وفي اليوم التاني لمن مشت الجامعة مجاهد جاها" تذكير هم بقروا في نفس الجامعة جامعة النيلين".. مجاهد : سلام نفيسة كيفك.. نفيسة : بخير الحمد لله والله وانت.. مجاهد : بخير مادامك بخير 💜.. نفيسة : معليش ما رديت عليك امبارح عشان الوقت كان متأخر .. مجاهد : يعني شفتي الاتصال 🙂.. نفيسة : ااي بس زي ما قلت ليك ما ممكن اتكلم مع ولد بعد الساعة 10.."طبعا مجاهد اتكيف شديد منها وكبرت في عينو زياااادة💜".. مجاهد : ليه كل البنات ما يكونو زيك كدا!؟.. نفيسة ضحكت بخجل وقالت :  تربية فراس وتمنة 😌.. مجاهد : ونعم التربية والله 😂💜.. يتبع