بك غفراني 🥀

بك غفراني 🥀
بقلمي : ميساء إبراهيم 💜
                                 {16}

"مجاهد اقترح على الباقين ينزلوا في مطعم وهو عازمهم وطبعا فارس قعد يقول لا وما لا بس ملاذ قالت ليهو".. ملاذ : مالك عنيد كدا يا فروسي.. عليك الله وافق ياخ.. مجاهد : ااي ي فروسي اسمع كلام ملوذة ياخ.. "نفيسة اتغاظت لمن مجاهد قال ملوذة و وزعلت منو".. نفيسة : لالا ماف داعي 😒.. ودونا البيت ولو داير انت وملوذة امشوا المطعم البعجبكم بعد ننزل.." آخ انا من الغيرة يا نفووووس!! 😉😂".."مجاهد فهم نظراتها وحاول يعتزر ليها بنظراتو بس هي اتحاشتو وما ادتو وش!".. مجاهد : أنا قررت خلاص حننزل يعني حننزل.." الأربعة نزلو في مطعم برشلونة وطلبوا الأكل وبعد ما طلبهم جهز وجابوا ليهم الأكل مجاهد عاين كدا لقى اتنين من اصحابو وفارس كان بعرفهم والاتنين قاموا يسلموا عليهم وكدا.. الطاولة فضل فيها الضرات نفيسة وملاذ 😂.. ملاذ استلمت نفيسة طوالي وحبت تغيظها".. ملاذ : اها انتي ومجاهد ارتبطوا رسمي ولا قاعد يكذب عليك زي ما كان بعمل معاي 😏؟.." نفيسة ماسكة تلفونها و ما ردت عليها ".. ملاذ : اصلا عمرو ما كان حيفكر فيك لو ما انا خليتو ب كيفي ومزاجي" نفيسة عاينت ل مجاهد ومجاهد لاحظ انو في شي غريب حاصل".. ملاذ : على العموم اصلا انا لقيت فارس أحلامي.. نفيسة قعدت تضحك وقالت ليها : لقيتيهو وين بالضبط.. في واحد من الروايات ولا في ياتو مسلسل😄؟.. ملاذ اتغاظت شديد وقالت ليها : ااي لقيتو في مسلسل حياتك.. نفيسة بإستغراب : كيف يعني؟.. ملاذ : فارس اخوك فارس أحلامي وحيكون لي لآخر العمر 🤩.. نفيسة ضحكت لمن الله غفر ليها.. نفيسة : يا بت انتي بتهظري ولا شنو.. فارس دا من زمان بقى حق بت تانية.. ملاذ جنت عديل وقربت تدق نفيسة.. ملاذ : ما تحاولي تغيظيني لانو كضبتك مكشوفة.. نفيسة : بتتأكدي لمن اعزمك ل عرسهم 😘.. ملاذ : ماف بت بتليق ب فارس غيري انا.. ودي منو دي الخاتة عينها فيهو دي عشان اقلعها ليها.. نفيسة : صحبتي الجميلة إيمان😌.. ملاذ : مدام صحبتك معناها شبهك وشبه الفقر زيك كدا.. نفيسة زعلت وقامت من الطاولة وطلعت.. فارس لحقها ومجاهد مشى وشاكل ملاذ.. مجاهد : انتي يا بت ما عندك شغلة للدرجة دي؟.. نفيسة دي خط أحمر فاهمة ولا ما فاهمة.. ولو عرفتك زعلتيها مرة تانية والله ما حيحصل خير يا ملاذ.. ملاذ : امشي امشي راضي حبيبة القلب 😏.. ملاذ مشت وقعدت تبكي قدام فارس : والله انا كنت بهظر معاها وما افتكرتها زعولة كدا.. فارس : نفوس حبيبتي مالك عليك الله.. نفيسة : ممكن نمشي انا وانت برانا بطني طمت من قفلة العربية دي.. فارس : بس كدا.. حاضر ي نفوس 💜.. ملاذ دايرة تنفجر من الغيرة وقالت : والله يا فارس ما.. فارس : خلاص ي ملاذ حصل خير 😑.. مجاهد انا بستأذنك حنمشي تمام؟.. "مجاهد اتجمد من التوتر وقرب يحضن نفيسة ويقول ليها : ما عاش اليزعلك يا حبيبتي💜".. مجاهد : اتفضل يا فارس وخلوا بالكم من نفسكم
"فارس ونفيسة  وصلوا البيت وأول ما تمنة فتح ليهم الباب اتفاجأ بالمنظر!!"..تمنة : دا منو ود الحرام العمل فيك كدا يا فارس!!.. فارس : خلينا ندخل وبحكي ليك.. تمنة : شايفك الأيام دي بقيت بتاع مشاكل زي اخوك الكبير 😉.. فارس وهو بضحك : أنا الشايفك الايام دي بقيت عاقل زي اخوك الصغير 😉.. تمنة وهو بضحك : احم احم.. ولقيت شغل كمان ولي اسبوعين ما عملت ولا مشكلة 😌.. فارس : جدع اوي اوي!!.. تمنة : اها خليك مني دا منو الرسم الخريطة الفي وشك دي عشان اوريهو الله كم!!.. فارس : اهاا نحن ما صدقنا رجعت تمنة القدييييييم.. والله يا اخوي دا زول كدا ما عندو موضوع وانا متأكد انو حاليا متأذي اكتر مني.. تمنة : كيف؟؟.. فارس : دا ولد العميد وكان عامل مشكلة كدا ولمن حاولت أحل المشكلة عمل فيني الشايفو دا.. الجروح الفي وشي دي عندها علاج.. بس الله يعينو على المحاضرة الحيديها ليهو ابوهو لانو ظاهر ماسح للولد شخصيتو كلها.. تمنة : الله يعينو والله.. نفوس مالك ساكتة كدا.. اشتقت ل صوتك الشين ياخ.. "نفيسة كانت سرحانة وما ردت".. فارس : يا بت يا نفيسة!.. تمنة قال بهمس ل فارس : شوف كيف حأخليها تتلفت لينا.. فارس : اها اها 😂.. تمنة بصوت عالي : وعليكم السلام يا مجاهد نورت والله "نفيسة طوالي اتلفتت وطيرت عيونها..تمنة وفارس قعدوا يضحكوا شديد 😂".. تمنة : شنو يا.. ألا مجاهد يجي حتى تركزي مع اخوانك 😂.. فارس : احييك يا تمنة.. عرفت ليها والله 😂.. نفيسة نست كلام ملاذ وبقت بتضحك معاهم وبعد شوية فارس قال ليها : اوعك تزعلي نفسك تاني عشان اي زول.. والله ضحكتك دي ماف أجمل منها وربنا ما يحرمنا منك. تمنة : فارس اوعى تقول لي مجاهد الزعلها عشان اقوم اوريهو الله كم حسي!!.. نفيسة : لالا والله حاشاهو مجاهد 😌.. تمنة وهو بضحك : عليك الله شوف اختك الرومانسية دي ما شاء الله والله.. فارس : أربعة وعشرين ساعة بتحضر الأتراك كيف ما دايرها تكون رومانسية " تحية لأي زول متابع الأتراك 😉💜👏🏻".. نفيسة : طيب حأحكي ليكم " نفيسة حكت ليهم كلام فارس وقعد يضحك شديد بس مسافة سكت وقال ليها ب خوف : اوعى تكوني قلت ليها اسم إيمان.. البت دي ما طبيعية وعادي ممكن تأذيهاا.. نفيسة : آسفة آسفة والله يا فارس.. للأسف قلت ليها 💔!!.. تمنة : بتقولوا في شنو انتو إيمان دي منو كمان!!.. نفيسة : إيمان الحلبية ديك صحبتي ياخ.. "تمنة طوالي قلب وش وعيونو حمرت ودخل في حالة لا يعلم بها الا الله مشى غرفتو وقفل الباب على نفسو".. فارس : تمنة بعرف إيمان ولا مالو بالضبط؟؟.. نفيسة : بري والله كل ما اجيب سيرتها بعمل كدا شكلو كان بحب بت اسمها إيمان 😉.. فارس : لالا القصة أكبر من كدا.. أنا خايف عليهو والله.. يتبع