بك غفراني 🥀

بك غفراني 🥀
بقلمي : ميساء إبراهيم 💜
                                  {15}

"في جامعة فراس.. كانت في مشكلة كبيرة والناس كلها ملمومة ولمن فارس جا ولقى الجوطة دي سأل واحد من اصحابو وقال ليهو"
عمر : كالعادة البت الاسمها ملاذ عملت حنكها البيش داك مع ولد من الدفعة.. بس المرة دي ما استخارت لمن اختارت الفريسة دي. فارس : كيف؟؟.. عمر : شايف الولد البكورك دا..دا اكعب زول ممكن يلاقيك في الجامعة دي!.. معروف انو ماف زول بقدر يسألو أو يتناقش معاهو في ااي شي لانو اعصابو فالتة وعادي ممكن يقتلك في لحظة.. فارس : والزي دا خالينو في الجامعة كيف.. عمر : دا ولد العميد ي صحبي.. قبل سنتين حصلت مشكلة كبيرة في الجامعة والولد دا قتل واحد من الجامعة واتسجن سنتين بس بحكم دفاع عن نفس.. فارس : وهو بالجد دفاع عن نفس ولا كذب...عمر : انت بالجد طيب ي صحبي.. عاين للوحش القدامك دا وبتعرف الإجابة.. فارس : اها والناس دي كلها حتكون ملمومة كدا وهو بكورك في البت ولا مستنين يضربها!.. عمر : البت غلطانة والولد ما بيتفاهم نحن حنعمل شنو في الحالة دي!.. فارس : نحن رجال وبنقدر نتصرف.. عمر : ما تدخل نفسك في حتات ضيقة ي صحبي.. "فارس ما سمع كلام عمر ومشى يتكلم مع الولد البكورك وبنبذ في البت باسوء الألفاظ".. فارس : يا اخوي استهدا بالله عليك الله.. انا بعتزر ليك بالنيابة عنها.. كمال : وانت منو بالله.. ولي أمرها يعني؟؟؟ "ملاذ واقفة وبتبكي بس وماف قادرة تتحرك من مكانها بالتوتر والناس الفاكراهم أصحابها واقفين ساي وبعاينوا زيهم زي الباقين!! ".. فارس : يا بت الناس خلاص ما تبكي وامشي غسلي وشك دا وانا بتصرف.. كمال : هههههه.. تتصرف؟!.. عايز تضربني مثلا؟..تعال اوريك التصرف بكون كيف" كمال مسك فارس وضربو ضرب شديد!!.. بس فارس واصحابو رجاال وجو وجلدوا الود جلد نضيف 😼!.. بعد المشكلة كبرت كدا حتى الأستاذة اتدخلوا و فضوا الساحة..بعد فارس غسل وشو وكان ماشي على القاعة جاتو ملاذ ووقفتوا".. ملاذ : فارس ممكن تسمعني دقيقة.. فارس : اتفضلي سامعك.. ملاذ : انت كيف بتقدر تكون زول كويس للدرجة دي!!.. فارس : كيف؟؟.. ملاذ : ليه انت ما بتشبه باقي الأولاد البعرفهم.. ليه انت غير عنهم كلهم.. ليه انت ملاك والباقين جن !!..فارس : أنا ما ملاك ي ملاذ ..انا بشر زيي زيهم.. بس أمي" الله يرحمها" علمتني كيف احترم البنات واشيلهم فوق راسي 💜.. "ملاذ لمن سمعت الجملة دي بقت بتعاين في فارس مسافة.. بس المرة دي نظرتها ليهو ما كانت نظرة احتقار أو شماتة .. المرة دي كانت نظرة حب!!.. وقالت جواتها : حتكون لي ي فارس حتكون لي براي!!".. فارس : يلا انا بستأذن ماشي للمحاضرة.. بس شوفي حاولي تغيري من نفسك يا ملاذ وبطلي البتعملي فيهو دا لأنك غير بتجيبي المشاكل ل نفسك ما بتعملي شي!.. ملاذ : حاضر أن شاء الله وقالت جواها" لو تغيري حيخليك تحبني مستعدة اتغير عشانك وعشان حبك يا حقي! "
" السواق اتصل على ملاذ وقال ليها انو العربية اتعطلت والا تركب عربية من الشارع.. طبعا الدلوعة دي جاطت شديد واتصلت على امها وكلمتها.. امها اتصلت على مجاهد عشان يوصلها وطبعا مجاهد ما قدر يرفض طلب مرة عمو.. مجاهد اتصل على فارس.. "..مجاهد : يا فارس الليلة الخطة اتغيرت.. فارس : كيف؟؟.. مجاهد : ما تجينا في الجامعة انا جاي عليك.. فارس : لالا ي زول ماف داعي انا بجيكم براي.. مجاهد : ممكن تخليني اخلص كلامي؟.. ملاذ الزفتة دي حتمشي معانا عشان عربيتها معطلة.. فارس : اهاا طيب تمام.. مجاهد : ماف ااي تمام في الموضوع 😑💔.. فارس وهو بضحك : ياخ مالك مع الزولة دي.. مجاهد : انت آخر زول مفروض يسأل السؤال دا.. انا ماشي على نفيسة مع السلامة.. فارس : الليلة حتنورونا في جامعتنا.. مجاهد : بنورك انت والله.. فارس وهو بضحك : وملاذ؟ 😂.. مجاهد : ملاذ السمك 😑 "حوارات شبابية 🥴"
"ملاذ ما صدقت لمن عرفت انو فارس ماشي معاهم".. ملاذ : انت ماشي معانا يعني؟.. مجاهد : انتي الماشة معانا 😑.. فارس وهو بحمر ل مجاهد : ااي ي ملاذ.. معليش حنضايقكم شوية.. ملاذ : بالعكس والله.. انا الحأضايقكم.. مجاهد : كويس انك معترفة😑.. ملاذ : ي مجاهد مالك معاي انت.. انا قاتلة ليك زول وانا ما عارفة 😒.. مجاهد : اخيرا خليتي الاستظراف ووشك الحقيقي رجع 😑.. فارس : ي شباب ممكن نمشي؟.. ملاذ : ااي اكيد من بعدك اتفضل.. فارس : اتفضلي.. السيدات اولا ☺️.. مجاهد : من متين بقيتي سيدة يا ملاذ 😑.. ملاذ : من قبل ما يلدوك 😒.. يزيد فضلك يا فروسي 🤩.. مجاهد : فروسي كمان!!.. يا فارس ما تنسى تجيب تلج معاكم وتفك اللبانة دي منك 😑.. فارس : اقسم بالله عاملين زي توم وجيري. ارح ارح.. "نفيسة كانت قاعدة في العربية ونزلت سلمت على فارس.. ولمن شافت ملاذ.. ملاذ بقوا بتعاين ليها ب قرف!.. وقالت".. ملاذ : الزولة دي ماشة معانا؟.. فارس : دي اختي ي ملاذ ما زولة غريبة.. ملاذ : اهاا وانا اقول شفتها وين قبل كدا.. "نفيسة بقت بتعاين ب مجاهد ومتضايقة من ملاذ شديد.. مجاهد عاين ليها بنظرة أسف وقال ليها بنظراتو : معليش استحمليها عشاني 💜.. فارس فتح باب العربية ل نفيسة وانتظرها لمن ركبت.. وملاذ واقفة ومنتظرة فارس يفتح ليها الباب برضو.. فارس فهمها وفتح ليها الباب وهو مبتسم ☺️.. ".. ملاذ : شكرا ليك فروسي.. نفيسة : فروسي دا منو كمان.. مجاهد وهو بضحك : دا لقب فارس الجديد 😂.. نفيسة : ما سمح.. اخوي فارس اسمو ما محتاج لقب 🤩.. فارس وهو بضحك : احم احم 😌.. ملاذ : انتو مالكم معاي انا عايزة اقول ليهو فروسي.. فارس : صراحة الاسم بايخ شوية 😅.. مجاهد ونفيسة بقوا بضحكوا وملاذ اتغاظت شديد.. ملاذ : خلاص بعتزر 😔.. فارس : عادي عادي ي بت " فارس كان راكب قدام والضرات ديلك قاعدات ب ورا وااي وحدة مقبلة على شباكها 😂.. كل دقيقة مجاهد بعاين ل نفيسة بالمراية ولمن يلقى فارس سرحان مع الشباك بقول ليها بالمراية : بحبك 💜.. يتبع