بك غفراني 🥀
بقلمي : ميساء إبراهيم 💜✨
{3}
"يوم نتائج امتحانات جامعة نفيسة.. فارس اتصل على نفيسة"
فارس : اها بشرينا.. نفيسة : والله ياهو زي كل مرة بس المرة دي مااا رسبت في ولااا مااادة.. فارس : الحمد لله ياخ طمنتيني.. عملتيها كيف دي 😉.. نفيسة : والله الفضل كلو لي إيمان بعد ربنا 💜.. فارس : إيمان منو؟؟.. نفيسة : لمن نمشي البيت بحكي ليك.. اها حتجيني متين؟؟.. فارس : والله ي نفوس الليلة ماف ااي طريقة أجيك.. فاا انتي ومجاهد اسبقوني وامشوا.. امتحاناتنا قرربت وقاعد اشرح ل اصحابي ومدرووشين كلنا والله معليش.. نفيسة : ربنا يوفقك يا اخوي.. خلاص طيب حأنتظر مجاهد.. فارس : يلا في أمانة الله 💜
"مجاهد اتصل على فارس".. مجاهد : مالك الليلة اتأخرت كدا يا صحبي.. فارس : الليلة ما حأقدر اجيكم.. انت ونفيسة ارجعوا وعليك الله خلي بالك عليها.. مجاهد : معقولة ياخ.. ما تخاف ي صحبي نفيسة جوة عيني.. فارس : تسلم والله.. ما قصرت معانا مشكور شديد والله.. مجاهد : رجعنا تاني للكلام الما ليهو لأزمة دا.. يلا يلا باي.. فارس وهو بضحك : طيب مع السلامة
"دايما فارس كان بركب قدام مع مجاهد ونفيسة بتركب ورا بس الليلة عشان الظروف نفيسة حتركب قدام مع مجاهد.. بعد مجاهد قابل نفيسة وسلم عليها ومشوا على العربية حسى انها متوترة كدا وما مرتاحة شديد.. قام بكل حسنة نية فتح ليها باب العربية الخلف وركبت.. لكن بعد ما هو ركب عاينت ليهو بالمراية وحست انو زعل شوية قامت نزلت وركبت قدام لكن لا اتكلمت معاهو لا عاينت ليهو.. مجاهد عاين ليها مسافة وابتسم وانبسط منها💜"
مجاهد : اها النتيجة كيف.. نفيسة بخجل : كويسة الحمد لله.. مجاهد بهظار : يعني نضيفة وماف رسوب هنا ولا هنا 😉.. نفيسة بإبتسامة : لالا الحمد لله.. مجاهد : ممكن أسألك سؤال.. نفيسة : اتفضل.. مجاهد : لاحظت في آخر أيام بقيتي تحومي مع البت الاسمها إيمان.. ما خايفة على سمعتك يا نفيسة؟!.. نفيسة : أنا ما من النوع البسمع كلام الناس عن زول.. وما بحكم على زول من دون ما اعرفو.. والله إيمان دي ماف اطيب منها وهي الساعدتني في المذاكرة.. مجاهد : ااي هي شاطرة وااي شي..وانا زاتي ما بحكم ساي لأني ما سمعت عنها بس بل شفت كمان ب عيني دي.. نفيسة : مرات العيون زاتها بتخدع.. ما ااي شي بنشوفو نقوم نترجمو حسب فهمنا.. لازم نتعامل حتى نحكم.. مجاهد : عين العقل والله...خلاص خلينا من إيمان و بمناسبة نجاحك لازم تاكلي اسكريم.. نفيسة بخجل : لالا يا مجاهد ماف داعي والله.. مجاهد : يعرفوك اخت فارس كيف.. نفس الكلام البايخ ماف داعي وبتاع.. انا خلاص قررت حتاكلي اسكرييييم.. نفيسة وهي بتضحك : خلاص طيب بس خليني استأذن من فراس اول.. مجاهد مع نفسو : ياريت كل البنات زيك يا زينة البنات 💜.. "نفيسة اتصلت على فارس وورتو وفارس قال ليها : تستاهلي.. بالهنا لكن ما تنسوني 😉.. نفيسة : أجيب ليك اوول حتى أجيب لي.. فارس : بالهنا 💜"
"بعد ما مجاهد وصل محل الاسكريم وكان جاي على نفيسة.. نفيسة لاحظت ليهو كان بعاين في اتجاه تاني ومركز شديد حتى بعد داك وعى ل نفسو وكمل طريقو وأدى الاسكريم ل نفيسة ".. مجاهد : اتفضلي.. نفيسة : شكرا ليك.. مالك مزاجك اتعكر فجأة كدا ولا في شنو؟!.." مجاهد سكت مسافة وأشر ليها بعيونو وقال ليها.. يتبع
أنت تقرأ
بك غفراني 🥀
Roman pour Adolescentsكلنا بنغلط.. بس ما كلنا بنعرف كيف نصلح اغلاطنا.. وعشان ربنا عارف بالفي قلوبنا برسل لينا ناس عشان تدلنا لطريق النور 💜 في أغلب القصص الولد هو البغلط بس في القصة دي إيمان هي البتغلط لحدي ما يجي فارس ويوريها الصح.. بس إيمان حتمشي وراهو ولا حتتابع طريقه...
