بك غفراني 🥀
بقلمي : ميساء إبراهيم 💜
{12}
فارس : والغريبة انها دخلت البيت ب مفتاح.. نفيسة : قصتها غريبة والله. نفسي افهمها ياخ.. فارس : حنفهمها يا نفيسة حنفهمها.. نفيسة : أسألها عديل مش؟.. فارس : لالا القصة دي فيها غموض ولو سألتيها اكيد حتكذب عليك.. نفيسة : اها طيب والعمل؟؟.. فارس : العمل عندي وانا داير مساعدتك.. نفيسة : عيوني ليك.. اها اساعدك كيف؟.. "فارس حكى ليها المفروض تعملو ونحن ما حنعرف الا بعدين 😉".. نفيسة : انت متأكد من الخطة دي؟؟.. فارس : ااي يا نفيسة متأكد والتنفيذ بكرة ان شاء الله.. نفيسة : إن شاء الله
"في اليوم التاني فارس قابل الولد الكانت إيمان ماشة معاهو في اليوم داك".. فارس : خالد كيفك.. خالد : والله تمام الحمد لله وانت.. فارس : والله كلو تمام ي صحبي.. بس داير أسألك.. خالد : اها قول.. فارس : البت الجاتك في الجامعة قبل كم يوم وطلعت معاك اسمها منو.. خالد : ياتو بت دي.. اهااا ااي اتزكرت دي إيمان صحبة اختي ومشت معاي البيت عشان اختي عيانة وعندها امتحانات قريب وشرحت ليها وكدا.. "فارس اتصدم شديد من كلام الولد وقال جواتو".. فارس : استغفر الله العظيم ظنيت في البت وافتكرتها كذبت على نفيسة!!.. فارس : اهاا تمام والله.. خالد : ليه بتسأل 😉.. فارس : لالا بس انا شبهتها على بت بعرفها...
"فارس مشى جامعة نفيسة عشان يقابل إيمان.. لقاها قاعدة براها تحت شجرة وسرحانة.... فارس اتصل على نفيسة عشان يبدوا تنفيذ الخطة ومشى وقف قدام إيمان..كانت لابسة اسكيرت اسود وجكت جينز لونو فاتح مع بلوزة وردية واسبورت وردي ورابطة شعرها كعكة وكان منكوش شوية وشكلها بريء وجميل زي الملاك 💜.. فارس لمن شافها نبضاتو اتسرعت "دق.. دق.. دق.. دق.. 🔥".. فارس : السلام عليكم إيمان.. إيمان : وعليكم السلام.. فارس : ممكن اقعد؟؟.. إيمان : ااي اكيد اتفضل.. فارس : مالك قاعدة براك؟؟.. إيمان : ماف سبب بس حبيت انفرد مع نفسي شوية.. فارس وهو بضحك : يعني اقوم 😂؟؟.. "إيمان ضحكت والغمازتين المحفورات في خدودها ظهروا 💜.. فارس اول مرة يشوفها بتضحك وأول مرة يشوف الغماااازات 🔥.. اتوتر شديد والكلام الجا عشان يقولو كلو طار من راسو 😂.. أما انتو ركزوا مع الرواية وما تسرحوا زي فارس 😉😂🔥".. إيمان : لالا طبعا معليش ما قصدي كدا والله 😂.. فارس : ولا يهمك ياخ.. اها القراية ماشة كيف.." فارس لاحظ علامات الحزن على وشها لمن سألها السؤال دا وإيمان ما جاوبتو وقالت ليهو".. إيمان : انت بتقرا طب مش؟.. فارس : ااي طب أسنان 💜.." فجأة إيمان بقت بتبكي وفارس ما عرف يتصرف كيف.. حاول يهديها بس ما نفع وقام جاب مناديل وموية".. فارس : مالك يا ايمان قولي بسم الله.. إيمان : من وانا صغيرة كنت بحلم اقرا طب!!.. ولمن ابوي يضرب امي كنت بمشي وبضمد ليها جروحها بعد ابوي يطلع 😭.. "فارس اتصدم شديد من كلام إيمان وما حب يكتر الأسئلة بس قعد وسمعها لحدي الآخر".. إيمان : أمي خلتنا ومشت بعيد وانا من اليوم داك مت خلاص.. فارس : ما تقولي كدا يا ايمان ما تقولي كدا ربنا يرحمها أن شاء الله.. إيمان : ابوي القتل أمي يا فراس ابوي 😭.. فارس : أنا ما فاهم شي من كلامك يا ايمان.. عليك الله استهدي بالله وقولي بسم الله.. عليك الله قولي بسم الله.. "بعد مسافة إيمان هدت وقالت" إيمان : بسم الله "إيمان بعد رجعت ل طبيعتها قامت طوالي واستأدنت من فارس ومشت.. فارس اتصل على نفيسة عشان ترجع الجامعة" طيب هي كانت ويييين؟؟.. حنعرف بعدين 😉"
" فارس ونفيسة رجعوا البيت وأول ما اتقابلوا فارس قال نفيسة " فارس : انتي عارفة انو نحن ظلمنا إيمان دي شديد.. نفيسة : كيف؟؟.. "فارس حكى ليها كلام خالد.. نفيسة زعلت من نفسها شديد وقعدت تبكي".. نفيسة : الله يلعنك يا ابليس.. فارس : أنا مصدع شديد شديد حسي حأمشي انوم وبعدين احكي لي الحصل معاك لانو حاليا ما حافهمك والله.. نفيسة : طيب تمام
.. فارس لمن رقد في سريرو قعد يتقلب وصوت إيمان ما داير يطلع من راسو لمن قالت ليهو : ابوي القتل أمي يا فارس ابوي!!.. يتبع
أنت تقرأ
بك غفراني 🥀
Teen Fictionكلنا بنغلط.. بس ما كلنا بنعرف كيف نصلح اغلاطنا.. وعشان ربنا عارف بالفي قلوبنا برسل لينا ناس عشان تدلنا لطريق النور 💜 في أغلب القصص الولد هو البغلط بس في القصة دي إيمان هي البتغلط لحدي ما يجي فارس ويوريها الصح.. بس إيمان حتمشي وراهو ولا حتتابع طريقه...
