بك غفراني 🥀

بك غفراني 🥀
بقلمي : ميساء إبراهيم 💜
                                   {10}

"في جامعة فارس..فارس حكى قصة ملاذ كلها للمدير وقرارو كان انو فارس ما حيتفصل من الجامعة بس حيمتحن الملحق"
" فارس ارتاح نفسيا واتصل على نفيسة ووراها الخبر وأثناء ما هو بتكلم مع نفيسة شاف إيمان في جامعتهم ماشة مع واحد بعرفو وطلعو سوا.. فارس سأل نفيسة".. فارس : يا نفيسة صحبتك إيمان جمبك؟.. نفيسة : إيمان؟!.. لالا طلعت قبل شوية وقالت لي ماشة ل صحبتها في جامعة تانية عشان تشرح ليها حاجات.. فارس : اهاا تمام.. نفيسة : وليه بتسأل؟ أن شاء الله خير.. فارس : كلو خير ان شاء الله يلا انا طالع وجاي عليك.. نفيسة : طيب.. "فارس لمن طلع من الجامعة شاف إيمان ركبت في عربية الولد البعرفو داك.. مع انو شايف ااي شي واضح قدامو بس ابدا ما ظن ظن سيء في إيمان وكان مصر انو يقابلها ويسالها عديل عشان هو واثق انو في شي غلط وما طبيعي"
"بعد فارس ونفيسة وصلوا البيت"
فارس : يا نفيسة داير استفسر عن صحبتك إيمان.. نفيسة : كيف يعني تستفسر؟؟.. فارس : حصل مرة شفتي منها شي غلط كدا ولا كدا؟.. نفيسة : ابدا والله.. بس.. فارس : بس شنو؟؟" نفيسة حكت ل فارس الحصل لمن هي ومجاهد مشوا محل الايسكريم".. فارس : دا كلو حصل وما حكيتي لي يا نفيسة!!..نفيسة : والله العظيم كنت دايرة احكي ليك في نفس اليوم بس لقيتك تعبان ومشغول وتاني نسيت.. فارس : طيب ما مشكلة.. اها في شي تاني بتعرفيهو عنها عيلتها مثلا او ساكنة وين؟.. نفيسة :لالا ما حصل حكت لي عن أهلها بس يا فارس والله ما عارفة ليه كل الجامعة بتكرهها وبتتكلم عنها مع اني ما شفت منها إلا الخير.. فارس : مادام قلتي كل الجامعة معناها في شي ما طبيعي لكن ما عارف ليه انا واثق انو البت دي بريئة وطيبة شديد ياخ.. نفيسة : احم احم يا دكتور خاتي عينك فيها ولا شنو 😉.. فارس وهو بضحك : لالا ياخ😂.. يلا انا ماشي الشغل.. نفيسة : اول مرة اشوف الخجل في عيونك يا فارس 😂.. فارس : خجل من وراء النظارة 😂.. نفيسة : حسي دا اسمو حب من اول نظرة؟ ولا كيف يعني انت ما بتعرف إيمان كويس كيف تحبها؟ .. فارس : يا بتي الجاب سيرة الحب شنو حسي..نفيسة : عيونك العسلية دي!.. "فارس قلع نظارتو وقال ل نفيسة" فارس : اها عايني كويس 😂.. نفيسة : يهندا الحب ظاااهر والله لممن عيونك بتلمع 😂.. فارس : دا حبي ليك انتي يا بتي 💜.. نفيسة : omg 🙈.. فارس : خجلك دا وفريهو ل هناي داك 😉.. نفيسة : وحبك دا وفروا ل هناية ديك 😉.. "فارس ونفيسة قعدوا يضحكوا 😂.. وبعد شوية فارس طلع ونفيسة مسكت التلفون كالعادة.. دخلت حساب مجاهد وقعدت تقلب في صورو وقلبها بتقلب معاها!!..وفي الجهة التانية مجاهد عندو صورة ل فارس ونفيسة وسرح فيها وغاص في بحر خيالو 🙈".. نفيسة جواتها : إن شاء الله تبقى حلالي🤲🏼!!.. مجاهد جواتو : إن شاء الله تبقي حلالي🤲🏻!! 💜".. " اها وانتو يا البتقرو ما عايزين تدعوا 😉😂؟!"

*وقفة*
مرات بنثق في ناس من دون ما نعرفهم..بنرتاح ليهم كتير و قلوبنا بتعشقهم..بنحس معاهم بالأمان وارواحنا نسلمهم.. ويبقوا لينا باب استكانة في بيت الهموم... و بنعزهم وبنحترمهم 💜

" بعد فارسرجع البيت وقرأ شوية لقى نفسو ولأول مرة ما قادر يركز في المذاكرة بتاعتو وبالو مشغول مع إيمان"
فارس مع نفسو : يا ربي قصتها شنو!.. انا ليه واثق كدا انها عفيفة وبريئة مع انو كل الدلائل بتنفي الكلام دا!!.. انا لازم انهي شكوكي دي كلها واريح عقلي وارتاح! "فارس اتزكر كلام نفيسة القبيل وقعد يتبسم براهو".. فارس : هوي يا فارس ركز مع الطب دا حاليا.. يا ربي كلام نفيسة صح؟.. يا ربي هل انا بحبها؟
"في اليوم التاني بعد فارس مشى جامعة نفيسة قال ليها".. فارس: معليش يا نفيسة ما حأمشي معاكم الليلة.. انتي ومجاهد اسبقوني انا عندي مشوار كدا لازم امشيهو حسي.. نفيسة : ياتو مشوار يا فارس ؟.."فارس عاين كدا لقى إيمان ماشة في اتجاه باب الجامعة وعايزة تطلع".. فارس : بحكي ليك بعدين يلا مع السلامة
" نفيسة ركبت قدام مع مجاهد.. أثناء ما هو بسوق فجأة كدا وقف العربية.." بركن العربية"
نفيسة : مالك وقفت العربية يا مجاهد؟.." مجاهد اخد نفس عميييييق وقال ليها.. يتبع 😜😂