بك غفراني 🥀

بك غفراني 🥀
بقلمي : ميساء إبراهيم 💜
                            {22}والاخيرة 🔥

"اليوم التاني فارس مشى جامعة نفيسة وانتظرها لحدي ما خلصت وطلعت هي وإيمان.. لمن فارس شافهم وهم جايين عليهو ما قدر يصدق عيونو! .. إيمان كانت زي الملاك متحجبة بالطرحة 💜.. وبعد ما سلموا على فارس فارس عاين ل إيمان وقال بدون ما يشعر".. فارس : ما شاء الله 💜.. نفيسة وهي بتعاين ل عصافير الحب ديل وبتضحك : الله لا ضراك ي اخوي 😂.. إيمان بهدوء وخجل : الله لا ضراك.. اها الخطوة الجاية المفروض اعملها شنو.." نفيسة عاينت ليهم وحست انو مفروض تخليهم براحتهم 😂.. وقالت "نفيسة : أنا حانتظرك ف العربية ي فارس عشان رجلي واجعاني 😉.. فارس : كويس 😂.. "نفيسة مشت وخلتهم واقفين".. فارس : الخطوة الجاية ي ستي تغيري رقمك.. أيمان وهي مبتسمة : غيرتو من امس.. اها وتاني.. فارس : في زول ضايقك بالتعليقات على الحجاب الليلة؟.. إيمان : ااي.. بس عادي اتعودت على التنمر دا.. فارس بزعل : يعني ضايقوك؟!!.. إيمان : ااي بس والله ما اشتغلت بيهم.. فارس : وريني ديل منو ديل!!.. إيمان : خلاص ي فارس انساهم بس زي ما عملت انا.. فارس : انتي خط أحمر يا إيمان والبعدي حدودو معاك والله ما حأخليهو!!.. "إيمان عاينت ل فارس مسافة وغلبها التعبير.. قالت ليهو" إيمان : يا فارس.. فارس : جمبك.. إيمان : انت نعمة والله 💜.. فارس وهو مبتسم : انتي النعمة والله وبدعي ربنا يديمك لي 💜
إيمان : امشي عشان نفيسة ما تنتظر اكتر من كدا.. فارس : وانتي؟.. إيمان : أنا مالي؟.. فارس : حترجعي البيت براك؟.. إيمان وهي مبتسمة : ااي طبعا.. فارس : لالا انا حأوصلك.. إيمان : لمن تبقى راجلي وصلني.. حسي بمش براي😂.. فارس : خلي بالك من نفسك طيب وأول ما تصلي اتصلي علي.. إيمان : حاضر.. بتصل ل نفيسة لمن اصل.. فارس وهو بضحك : طيب تمام.. "فارس فجأة عاين كدا لقى ملاذ واقفة مع واحد من الأولاد.. ما اشتغل بيها بس استغرب الجابها الجامعة دي شنو!! وحسى انها ناوية على مصيبة تانية!"..

ملاذ : بتعرف بت اسمها إيمان صلاح؟.. الولد : في زول في الجامعة دي ما بعرف إيمان صلاح.. ملاذ : بس تمام.. دي الزولة الدايراك تنفذ معاها موضوعنا.. الولد : قداام.. بس انا ما بعمل شي بدون مقابل ي مزة .. ملاذ : بعمل ليك ااي شي عايزو بس انت تنفذ.. الولد : ااي شي ااي شي عايزو؟.. ملاذ : اااي اي شي.. الولد : انت قدر كلامك دا 😉.. ملاذ : قدرو ونص كمان.. الولد : نشوف ي مزة😉
"بعد كم يوم كدا.. إيمان طلعت من الجامعة وركبت المواصلات ولاحظت انو ف ولد ركب معاها ولاحقها.. بعد نزلت وبقت ماشة ب رجلينها لاحظت انو نفس الولد لسسة لاحقها قامت اتلفتت عليهو وقالت ليهو : عايز شنو انت؟؟.. الولد كان لابس شال ومغطي وشو.. ما رد عليها ووقف في مكانو وانتظرها لحدي ما دخلت بيتها.. بعد إيمان وصلت اتصلت على نفيسة وحكت ليها الحصل معاها
"اليوم البعيدهو لمن إيمان رجعت البيت اتصدمت شديد بالشافتو!!!!!.. لقت الدنيا مقلوبة والناس كلها متلمية وبيتهم اتحرق!!.. فتشت أخواتها بس الحمد لله لقتهم عند الجيران وماف وحدة اتأذت.. بس قاعدين يبكوا وحاضنين إيمان.. إيمان : الحصل شنو ي إيثار؟.. إيثار وهي بتبكي : والله ما عارفين حاجة يا ماما.. والله ما نحن الحرقنا بيتنا والله.. إيمان : عارفة والله ي إيثار بس ما قادرة استوعب الحصل دا!!.. إبتهال : يعني كدا بقا ما عندنا بيت يا ماما.. إبتهاج : حنعيش في الشارع يا ماما؟؟ "إيثار وإبتهال وإبتهاج ديل اخوات إيمان".. إيمان ما عرفت ترد عليهم وفجأة نفيسة اتصلت عليها وردت وبقت بتبكي وحكت ليها الحاصل.. فارس ونفيسة مشوا ليها.. نفيسة : ربنا يعينكم أن شاء الله.. معليش تعالي برا شوية فارس عايزك.. إيمان : طيب.... فارس : كنت متأكد انو حتحصل معاك مصيبة!!..إيمان : كيف؟!!؟.. فارس : ماف زول غير ملاذ حيكون عمل العملة دي!!.. إيمان : استغفر الله يا فارس. ما تظن في البت بدون دليل.. فارس : والله انتي طيبة بالجد.. المهم لملموا حاجاتكم كلها عشان تمشوا معانا.. إيمان : نمشي معاكم؟!!.. وين؟؟.. فارس : بيتنا.. إيمان : لالا طبعا.. كيف يعني.. أمورنا بتتدبر أن شاء الله.. فارس : يا ايمان خلي العناد حقك دا. ماف ااي حل غير الحل دا.. وانا اصلا ما حأقعد في البيت وانتي واخواتك ونفيسة بس الحتكونو ف البيت.. إيمان : لالا مستحيل أقبل بالحل دا.. ان شاء الله بتتحلى انت ما تشيل هم بس.. فارس : طيب لو بقيت راجلك حتقبلي؟؟.. إيمان بإستغراب : كيف؟؟.. فارس : رأيك شنو نعرس الليلة قبل بكرة.. إيمان وهي بتضحك : انت مجنون يا ولد؟؟؟.. خلص جامعتك كدي وبعداك فكر في موضوع العرس دا.. فارس : كنت عاقل بس من شفتك بقيت مجنون 💜.. انا جادي والله يا إيمان وعشان اكون متطمن وانتي جمبي ومعاي 💜.. إيمان بخجل : ربنا يسهل.. فارس : اعتبر دي موافقة؟؟؟.. إيمان : اممم.. لالا بعد تتخرج نشوف البحصل شنو.. فارس : شهرين بس واتخرج.. انتي بس قولي خير وكلو بتسهل بإذن الله.. إيمان وهي مبتسمة : خير 💜

"مرت الشهور وفارس اتخرج وامورو بدت تترتب شوية شوية".. فارس : اموري جايطة شوية يا إيمان وخايف ما تقبلي ب وضعي دا.. إيمان : ليه بتقول كدا يا فارس.. حأفضل معاك لحدي ما امورك كلها تترتب وحأنتظرك والله 💜...."جا يوم زفافهم وبالجد كان أجمل يوم بالنسبة ل فارس وإيمان.. اخيرا حيتلموا في بيت واحد ولآخر العمر 💜".. ملاذ جات العرس ووقفت برا الصالة وعاينت ليهم وهم داخلين الصالة مجاهد شافها وفجأة البت داخت ومجاهد اتضطر يخلي العرس ومشى ووداها المستشفى.. وبعد الدكتورة فحصت ليها جات وقالت ل مجاهد" الدكتورة : مبروك مرتك حامل.. "مجاهد اتصدم شديد وملاذ كانت ساكتة بس لحدي ما وصلها البيت ونزل معاها وأول ما دخل بيتها جراها من شعرها ورماها قدام ابوها.. ابوها المشلول ما فاهم الحاصل وبقى مصدوم وبعاين بس ".. مجاهد : بتك.. بتك يا عمي باعت شرفها بالرخيص وحامل..مستحيل المخلوقة دي تكون بتك وتربيتك يا عمي مستحيل!! .. و بالصدمة فجأة ابوها حررك يدينوا وبعد شوية حرك رجلينو وقدر يقوم وقام وأدى ملاذ كف وتف ليها في وشها!.. ملاذ جرت ل غرفتها وهي بتبكي.. لمن امها عرفت الحاصل قالت ليهم : بتي مااا بتعمل كدا.. مستحيل بتي تعمل كدا!!.. ولمن مشت ليها دقت باب الغرفة بس ملاذ ابت تفتح لحدي ما جا مجاهد وكسر الباب ولقوها واقعة في الواطة والدم مالي الأرض.. ملاذ انتحرت!.. ومجاهد لقى جمبها رسالة مكتوب فيها "انا بعت شرفي عشانك يا فارس.. وزي ما قلت لي انا خسرت نفسي في الحرب دي وانت الفائز"
"مرت السنين وفارس بقى دكتور أسنان كبير ومعروف ووضعو اتصلح وأول عملية عملها كانت عملية اختو نفيسة.. عالج ليها اسنانها وركب ليها التقويم...."... أيمان : كل ما اقعد مع نفسي بفكر كيف كانت حتكون حياتي لو ما لاقيتك يا فارس.. فارس : وانا كل ما اقعد مع نفسي بفكر كيف كنت حاعيش حياتي لو ما لاقيتك.. ربنا يخليك لي يا أم يوسف 💜.. إيمان : ويخليك لي يا ابو ليان ويا البيك كان غفراني 💜
.
.
.
النهاية
بك غفراني 💜✨
خلاصة القصة
من فارس استفدنا انو لازم الزول يعافر ويجتهد ويشتغل عشان يصل للعايزو وعشان يحقق احلامو 💜✨
من إيمان استفدنا انو أهم شي في البت شرفها واخلاقها ولازم تحافظ عليهم مهما تكون الظروف 💜✨
من تمنة استفدنا انو الحب الحقيقي ما ملي فراغ ولا ضياع زمن وانو الفي نصيبك بجيك بجيك 💜✨
من ملاذ استفدنا انو جملة "كل شي مباح في الحب والحرب" ما بيعني انك تصل مرحلة تخسر نفسك عشان تسيطر على زول ما حقك اساسا.. وانو الحب إرادة ما إمتلاك وحرب الحب لازم تكون شريفة 💜✨
أما مجاهد ونفيسة ديل كانو عايشين في دنيا براهم وما شغالين ب زول 😉😂

ميساء إبراهيم 💜