المغرورة و القروي

إقتباس

الإقتباس بعد تعديل السرد:

نور لما دخلت الأوضة عيونها جات على الطلبة إللى موجودين فيها وده لإن عددهم كان كبير وبعدها عيونها السوداء جات فى عيون عسلية بتبصلها بعدم إستيعاب بس يحيى إنتبه لنفسه بسرعة وبص فى الأرض .. إتنهدت تنهيدة بسيطة لإن ده يحيى إللى ضرب جاسر ده غير إنه الشخص إللى خبطت فيه الصبح ومش هتقدر تنساه بسبب هيئته الغريبة دى ... رسمت إبتسامة كبيرة وقربت من يحيى ....

نور:" لو سمحت؟"

رفع عيونه من على الأرض وبصلها .. حاولت تتحكم فى إبتسامتها لإنها حست بإشمئزاز لمجرد إنها قريبة منه ده غير إنها بتتكلم معاه .. وبالفعل نجحت فى كده ..

نور بإبتسامة:"أنا فى الفرقة الأولى وكنت حابه أحضر معاكم، وطبعًا خلينا معترفين إن دى مش أول سنة ليا فى الفرقة الأولى بس أنا معرفش حاجة."

يحيى بهدوء:"ده مكان لكل الطلبة مش مهم هما أخدوا السنة على كام مرة، المهم إنهم جايين يتعلموا عشان ينجحوا ويقدروا يستفيدوا ويفيدوا غيرهم، إتفضلى."

إتعجبت من فصاحته بلهجة أهالى القاهرة ..بس إبتسمت وراحت قعدت على كرسى فارغ فى الأوضة ويحيى كمل إللى كان بيقوله ...

يحيى بهدوء وهو بيبص للكل:"نرجع نعيد كل إللى كنا بنقوله تانى ... كنا بنتكلم عن المحاضرات إللى أخدتوها إللى بتديكم تمهيد للعملى إللى موجود فى المنهج ... حابب أوضحلكم المحاسبة ماشيه إزاى بشكل مبسط عشان نقدر نحل أى حاجة فيها مسألة .. بس أول وأهم حاجة عندى هى الفهم عشان ده مفتاح كل حاجة فى الحياة ..."

بدأ يشرح الأسس المحاسبية بشكل عام وبعد ما الكل فهم يحيى عمل مثال للحل ..

نور مكانتش منتبهه للشرح تمامًا .. كانت بتبصله طول الوقت ممكن تلفت إنتباهه ليها ؟؟؟ وبالفعل نجحت فى كده .. كل أما عيونهم كانوا بيتقابلوا يحيى كان بيرتبك بسبب إبتسامتها ليه وبيحاول يركز فى إللى هو بيشرحه ومش فاهم مالها؟؟؟ بتضحكله ليه؟؟؟ هى عبيطه ولا إيه؟؟ ... بعد مرور وقت قصير .. يحيى خلص شرح للطلبة وكله بدأ يخرج من الأوضة ماعدا نور إللى فضلت قاعدة فى مكانها بتبص ليحيى إللى واضح عليه الإحراج من نظراتها ليه ... يحيى شال شنطته وبص لمنعم إللى مستنيه عند الباب ولسه هيتحرك ...

نور بصوت رقيق:"ممكن ثانية؟"

بصلها بإستفسار وبيحاول إنه يتحكم فى إحراجه بسبب إبتسامتها إللى ملهاش سبب ...

يحيى:"إتفضلى."

نور بإبتسامة وهى بتقوم من مكانها:"أنا كنت محتاجة أطلب منك طلب وأنا واثقة إنك أكيد هتساعدنى."

بصلها لوقت قصير بيحاول يستفسر عن سبب إبتسامتها .. ومازال بيقنع نفسه إنها يا هبله أوعبيطة مافيش سبب تانى غير كده ..

يحيى:"أكيد إتفضلى."

نور:"أنا كنت محتاجة private lessons فى كل المواد .. "أكملت بكذب* .. إنت شرحك جميل قوى وفهمت منك وشايفة إنك هتساعدنى كتير بعد الدروس دى."

بصلها بتفكير وبعدها حمحم ..

يحيى:"أنا آسف بس أنا مواعيدى كلها زحمة ومعنديش وقت .. إنتى ممكن تحضرى هنا ولو أى حاجة وقفت معاكى هشرحهالك بدل المرة عشرة لحد ماتبقى واضحة بالنسبالك، بعد إذنك."

كان هيتحرك بس نور مسكته من دراعه بسرعة ...

نور:"إستنى."

يحيى إتنفض فى مكانه بسبب لمستها وبحركة سريعة منه بعد دراعه عنها كإن فى كهرباء لمسته وبصلها بإستفسار وعدم فهم من إللى هى عملته ده ..

نور بإبتسامة:"إنت مش شايف إن 5 ج قليله عليك قصاد كل طالب؟ يعنى الطالب بيدفع 10 ج .. السنتر بياخد خمسة وإنت خمسة ... طب ليه مش بتعمل لنفسك شغل خاص بيك؟؟ أكيد كل طالب مستعد يدفع كتير قصاد إنه ينجح ... وخاصة مع واحد زيك .. أنا شايفة إن العدد كبير معاك وإنت معروف فى الجامعة."

حاول يتحكم فى غضبه بسبب تدخلها فى حياته ..

يحيى وهو معقد حواجبه بضيق:"وإنتى مالك؟ أنا مطلبتش رأيك."

نور بإبتسامة:"إعتبرنى بفكر فى مصلحتك ... وبعدين أنا مستعدة أدفع أكتر .. *كملت بكذب* أنا بس محتاجة أنجح فمستعدة أدفع كل إللى معايا فى سبيل ده."

يحيى بملامح جامدة:"وأنا قولتلك إللى عندى."

إتجاهلت رده وإدتله ظهرها وأخدت ورقة صغيرة من شنطتها وكتبت فيها حاجة وبعدها بصتله بإبتسامة مستفزة وحطت الورقة على كرسى ..

نور:"ده رقمى، مستنياك تكلمنى ونتفق على المواعيد مع بعض، باى."

خرجتمن الأوضة بإبتسامة كلها ثقة وكل ده ويحيى واقف فى مكانه ومستغرب هى بتتكلم كدهليه؟ وجايبة الثقة دى منين؟؟ .. 

...............................