Nyebe

Chapter 2

[Edited]

ABALA si Nyebe sa pagbabasa ng isang komik book sa tapat ng kanilang bahay nang mapadako ang kaniyang paningin sa isang lalaki sa hindi kalayuan.

Naglalakad si Gunner na may bitbit din na isang komik book sa kamay nito. Hindi nito napansin ang babae kung kaya't si Nyebe na mismo ang tumayo at tumawag dito.

"Kuya Gunner!"

Nagpatuloy pa rin sa paglalakad si Gunner. Mas binilisan naman ni Nyebe ang paglalakad. Nilakasan din nito ang pagtawag sa pangalan ni Gunner na nakakalayo na papasok sa loob ng kakahuyan.

"Nye—" tawag sana ni Apollo sa babae nang hindi nito natapos ang sasabihin dahil nagmamadali sa paglalakad si Nyebe.

Sinundan ni Apollo kung saan patungo ang babae at naabutan niyang si Gunner ang sinusundan nito.

Nagpatuloy si Nyebe sa paglalakad hanggang maabutan nito si Gunner na huminto sa isang malaking puno. Umupo ang lalaki sa talampakan ng malaking puno at nag simula ito magbasa.

Hindi alam ni Nyebe kung ano ang pumasok sa kaniyang kokote at nilapitan niya bigla si Gunner.

Do'n lang napansin ni Gunner si Nyebe kung saan nagulat ito.

"What are you doing here?" Gunner asked. Natameme naman si Nyebe. Hindi alam ang gagawin.

Bakit nga ba niya sinundan ito? tanong niya sa kaniyang isipan.

Umiling-iling siya at binigyan ng isang ngiti ito. "I saw your komik book, kuya. I have like that din."

Tinitigan lang ito ni Gunner. Hinihintay si Nyebe kung may sasabihin pa ito. Nahiya naman na ngumiti si Nyebe rito habang nahihiya na pinaglaruan ang suot nitong bestida.

"Come here. Sit beside me," ani Gunner. Napabalik ang tingin ni Nyebe rito. Ngumiti si Gunner sa kaniya habang tinatapik nito ang katabi lupa.

Mas lalong lumawak ang ngiti ni Nyebe pagkatapos ay umupo sa tabi ni Gunner.

Habang nagbabasa ang dalawa sa dalang komik ni Gunner. Hindi mapigilan ni Gunner mawala ang pansin sa komik book at mapunta ang buong atensyon nito kay Nyebe.

Hindi pa makapaniwala si Gunner na may isang babae ang lalapit sa kaniya na hindi man lang nakakaramdam ng takot kung papansinin niya ba ito o hindi.

Ngunit iba si Nyebe. May lakas loob itong tawagin siya at lapitan. Hindi namalayan ni Gunner ay napapangiti na lamang siya habang pinagmamasdan si Nyebe.

HINDI maunawan niya maunawan kung bakit gano'n na lamang ang inis o galit ng anak ng Alpha nila sa kaniya.

Kumpara sa mga kaibigan ni Primo. Bukod tangi lamang ito na hindi siya pinapansin. Kung papansinin man lang siya ni Primo ay palagi ito masungit sa kaniya.