حياة الروميساء

الفصل الاول

🔥حياة الروميساء🔥
طبعا مستغربين ايه حياة الروميساء ده...احب اعرفكم بنفسي اسمي روميساء....عندي ٢٧ سنة ...عزباء وطبعا في مصر ام الدنيا ٢٧ سنة عزباء ديه بتبقي ملقبة ب بايرة الله يحرقهم🙂
المهم كنت دايما متعودة اني اعيش واتكلم بإيتيكيت وادب.....بس من ساعة ما نقلت الحارة الجديدة ديه.....والستات مش سايبيني في حالي ...اه صح نسيت والرجالة كمان عشان هم هنا غلبو الستات في الكلام🙂
حاولت افضل كيوت وكده بس اتأكدت انه مش هينفع....معظم الحارة هنا مش متعلمين فكل حاجة في دماغهم هي الجواز واللي اتأخر يبقي معيوب وكذلك للبنت بردو بلقب بايرة او القطر فاتها...
اللهي قطر يدوسكو يا جزم🙂
استحملت كلام زي السم من ساعة ما نقلت وانا ٢٤ وفضلت فيها ٣ سنين لحد دلوقتي بس كفاية اوي بقا شغل الكيوت ده مش هينفع مع الستات اللي هنا انا لازم اتصرف
وبقالي شهر بحاول اتغابي في الكلام مع اي حد يفكر يطول لسانه معايا في سري طبعا كتدريب
يعني مثلا من المواقف اللي عدت عليا لحد دلوقتي
سمير بتاع المقلة اللي في الشارع كان دايما يقولي هتفضلي تاكلي كده لحد ما تبقي قد الفيل.....
غيرها بقاله كام يوم وبقا يقول قد الخرتيت....لحد ما جيه قالها بعد الشهر التدريب بتاعي....
سمير: مش كفاية اكل يا بت بقيتي قد الخرتيت
روميساء: علي اساس انك عامل دايت مثلا؟
سمير: بلاش خرتيت عشان بتزعلك نرجعها تاني فيل؟😂
روميساء: اكون خرتيت او فيل احسن ما اكون خنزير زيك🌚 الحمدلله اللذي عافانا بما ابتلي بيه غيرنا 😛
سمير: .....😳
روميساء* عجبتكو صح؟😂استنو ده لسه فيه تاني اكتر واحدة بكرهها ست قرشانة كده ساكنة في الدور اللي تحتينا يعني لازم اعدي علي شقتها وانا طالعة ووانا نازلة.....وبردو بسمع كلام سم...
فتحية: ايه يا بت مش هنفرح بيكي بقا ونشرب شربات ولا ايه بدل ما انتي قاعدة لأمك كده زي قرد قطع.....
روميساء: اما تبقي امي ابقي اتكلمي
فتحية: اتكلمي عدل يا بنت فوزية!!!
روميساء: عارفة هنشرب شربات امتي يا طنط؟ بعد ما نشرب قهوتك
الواحد بيعمل لأخرته دلوقتي ده الاطفال بتموت قبل ما تتولد
فتحية:😳😳
روميساء: انا ك ميس * دلعي* متفشخرة بيا ده لسه التقيلة عزيزة
مسمينها عزيزة التعيسة عشان لسانها مبرد
عزيزة: ايه يا بت لسه مش عارفة تجبيلك حد يخطبك حتي؟ اخلي بنتي تشوفلك بدل قعدتك ديه؟ القطر هيفوتك لازم تلحقي
روميساء: لا معلش مش عايزة اشقط حد من جامعة الدول زي بنتك😕
عزيزة: انتي اتهبلتي في مخك يا بت انتي!! صحيح خير تعمل شر تلقي
روميساء: هو فين الخير اللي عملتيه ده؟ ده الحارة موراهاش غير انهم يدعو عليكي انتي وبنتك وجوزك ولا هو انتي بتاخدي بالك من حاجات وحاجات لا؟
عزيزة:🙁
روميساء* اااااه متصدمش بنت اللذينة ماهي متعودة تقول كلام اسوأ من كده...سامحني يارب بس لازم اتأقلم معاهم بأسلوبهم عشان اعرف اعيش ومدخلش في اكتئاب تاني🤦🏻‍♀🤦🏻‍♀
متستغربوش....انا جالي كمية صدمات من كلامهم محدش يعدها.... المهم اني طلعت وانا طايرة من الفرحة بعد كمية الانجازات ديه ....ده انا قعدت اتدرب علي الكلام انا وماما امبارح اصلا😂
المهم بعد ما نزلت جبت الطلبات وطلعت وفطرنا نزلت لشغلي محصلش حاجة جديدة كلهم كانو خايفين يبصولي اصلا لأحسن أبخ سم في وشهم تاني😂😂♥️
المهم حصل موقف غير حياتي وانا مروحة
ماشية في الشارع عادي لاقيت راجل كبير حوالي ٧٠ سنة كده بس ماسك نفسه ما شاء الله وكمان اول مرة اشوفه هنا وفيه ناس حواليه بيتكلمو بيقولو * هو بيبرطم بأيه؟
* والله ما اعرف ادينا بنسمع وخلاص
* حد فاهم حاجة يا شباب
* لا الصراحة
_ يا الهي ما هذه المصيبة التي حدثت لي!!!
ميس في عقلها: ده انجليزي....لحظة انا بفهم انجليزي!! ممكن يكون راجل تايه ولا حاجة
روحت دخلت في وسط العيال اللي موجودة داخلة احمد السقا كده اكمني فاهمة هو بيقول ايه
ميس: مرحبا سيدي اهلا بك في مصر....هل تحتاج مساعدة؟
_ حمدًا لله ان هناك من فهمني...انا تائه لإنها اول زيارة لي كما انني لا اجيد العربية ابدا وفوق كل شئ هاتفي فرغت بطاريته
ميس في عقلها: يا لهوي ده الراجل طلع عين امه
ميس: سأساعدك لكن المعذره كيف يمكنني التأكدت من كلامك؟
الراجل فكر الاول واتوتر شكله من كتر ماهو خايف مش مجمع اصلا🤦🏻‍♀
المهم فضلت مستنيه راح مطلعلي ورق فيه صورته وصورة ابنه وصورة سكرتيره
ميس في عقلها: ابنه جاحد.....اكيد ماهو اجنبي🤦🏻‍♀
_هذه هويتي وهذه هوية ابني وهذه هوية السكرتير
المهم روحت خدت الراجل البيت بعد ما اتأكدت وحكيت لبابا
بابا معرفش يتكلم معاه اوي عشان مكانش شاطر في الانجليزي وهو صغير وكان بيكرهه
المهم الراجل حكالي انه كان رايح الشركة بتاعته في مصر وكان السكرتير واتنين من الحراس معاه في العربية راحو ناس طلعت عليه تقريبا من اعدائه ولا ايه مفهمتش اوي فالسكرتير قاله اجري راح جري والسكرتير والحراس سدو طريقهم عشان ميجروش وراه وقعدو يضربو في بعض
وفضل ماشي لحد ما جيه هنا ومكانش حد فاهمه واللي فهموه معرفوش يساعدوه
فضلنا نتكلم لحد ما تليفونه شحن وفتحناه لاقينا ٩ مكالمات من مراته
١٦ مكالمة من السكرتير
٤٥ مكالمة من ابنه...ده شكل ابنه خاف عليه اوي يا عيني
لسه هيتصل بالسكرتير لاقي ابنه بيتصل
كلمه وبتاع واللي فهمته انه اصلا ركب طيارة وجاي علي مصر واتصل بالسكرتير لاقاه راح المستشفي عشان اتصاب جامد
وطبعا بابا مستريحلوش غير بعد ما شاف الورق اللي معاه وكده وجايه بفتح الفيس لاقيت قنابل بوستات امريكية صحابي مشيرينها ان فيه راجل اعمال امريكي اختفي في مصر ومنزلين صورته
انا خوفت اكلم صحابي اقولهم يولعو فيا
المهم بابا قاله انه يقعد معانا عشان معندوش مكان تاني والدنيا ليلت وخطر وبعد زن كتير الراجل وافق وهو مرعوب اصلا😂🤦🏻‍♀ فطبعا مش هينام بالبدلة بتاعته راح بابا جابله بيجامه من بتوعه....بابا مليان شوية والراجل جسمه مظبوط فلما لبسها وخرج كانت كأنها جلابية وكنا هنفصل ضحك بس مسكنا نفسنا عشان مشاعره وكده وهو كده كده اصلا خايف😞
المهم اليوم عدي ونام في اوضه فاضية كانت عندنا بعد ما دخلت روقتها وطلع عين اللي جابوني فيها لوحدي وانا بروق كانو بياكلو وانا ملحقتش اتعشي🙂حسبي الله🙂🙂💔
بعد ما النهار طلع عرفنا ان ابنه وصل مصر راح الراجل باعت موقعه لإبنه لحد ما جيه وسلم ولاقيناه بيتكلم عربي مكسر
زين:ازيكم..... اممم شكرا لكم علي تعبكم معنا
ميس في عقلها: يعني سكر في شكلك وفي كلامك يا عم؟!!!🙂
ادم(ابو زين) بحسن نية: اخبرهم كم يحتاجون من المال لمساعدتي اليوم؟
انا كنت هبلعه بعد الكلمة ديه وانا اصلا مش طايقه نفسي بعد ما طلع عين امي في الترويق امبارح
ميس: المعذرة؟! هل طلب احد منك المال؟
ادم: انا اسف علي وقاحتي لكن علي الاقل خذو مبلغ بسيط لبقائي هنا
ميس: لا شكرا لك نحن لسنا بحاجة لمال.....نحن نفعل هذا حتي يُرد ما فعلناه لنا علي هيئة خير او رزق....
ادم: تفكيرك جيد يا فتاة كما انكم طيبون جدا....شكرا لكم علي كل شئ
ميس: لست بحاجة لشكرنا يا سيدي المهم انك بخير
زين: كنت دائما اسمع عن طيبة المصريون لكن هذه اول مرة اراها😊
ميس: شكرا لك☺️
في عقلها: الواد طلع سكر فعلا....😂
زين: لست بحاجة لشكري يا انسة😉😄
ميس في عقلها: شكلي اتسرعت ده بيغمزلي🙂 هو جاي يشقطني هنا ابن الجزمة ولا ايه؟!! ايه الخرة ده😕
ميس لزين:😒
زين:😅
ادم: لكني عرفت انك تعملين في شركتي في مصر😁
ميس: عذرا؟!
ادم: سمعت من والدك عن عملك وكنت اشك انها شركتي لكن بعد النظر الي ملابس عملك تأكدت
ميس: اوه؟ هكذا اذن؟
ادم: نعم😁 اذن بما انك تجيدين الانجليزية بطلاقة ما رأيك بالسفر الي الولايات المتحدة الامريكية للعمل هناك معنا في الشركة الرئيسية؟
زين: انا اتفق مع والدي جدا😄
ميس في عقلها: بس انت يا نسوانجي وانت باين عليك انك بتاع بنات اصلا
علي(ابو ميس): وكيف لنا ان نرفض عرض كهذا
ميس في عقلها: ايه ده احيه انت بتسلمني تسليم اهالي يا حاج؟!!
ميس: بابا انت بتقول ايه؟!!
علي: بصي يا بنتي انتي من الاخر تعبانة وشقيانة هنا وكمان شغلك بتركبيله مواصلات كتير وطالع عينك ده غير الحارة المعفنة اللي نقلنا فيها ديه وكمان الناس مش عاتقاكي وده كلامك انتي!!! ....انتي لو روحتي هناك هتستريحي يعني هيبقو مهتمين بيكي عكس المدير المعفن اللي عندك.....وكمان هتسكني في مكان احسن....وانضف....والناس احسن....انا بتكلم علي مصلحتك يا بنتي....وبراحتك بردو
فوزية: بس انا مش عايزة البت تبعد عننا كل ده....
زين: متقلقيش...يا مدام...اممم فيه اجازات كتير عندنا وكمان تماليف السفر لزيارة بلادهم علي الشركة...
ميس: بفففففت تماليف؟!😂😂😂انا فصلت بجد😂😂
زين: تكاليف🙂هل نطقتها بشكل صحيح هذه المرة
ميس: اه صح😂😂
ادم: زين سيأخذ رقم هاتفك لنتواصل معك وسنتحدث غدا معك لأننا سنغادر بعد غد. حسنا؟
ميس: شكرا علي عرضك سأحاول التفكير بشكل جيد فيه
في عقلها: احيه لحظة هو النسوانجي هياخد نمرتي😳 يادي النيلة🤦🏻‍♀