[ᴄᴏᴍᴘʟᴇᴛᴇᴅ] To All the Boys P.S. I Still Love You |JJK|

19-р хэсэг "Хайртай"

Материалуудаа явуулсан сургуулиудаас чинь хэзээ хариу ирэх юм?"

Жимин бараг л 100 дахь удаагаа ийн асуусаар над руу нэг, урагш машин руугаа нэг харах аж. Одоо бол би түүний миний ах гэлгүй шууд цохиод авчихмаар байна шүү! Явуулсан би санаа зовохгүй байхад, явуулж байхад минь юу ч хийгээгүй ах минь хэзээ хойно нь ингэж санаа зовох гэж. 

Би түүн рүү залхсан байртай харсаар "Гуйя, ахаа! Урагш жолоондоо анхаар. Чи наад асуултаараа биднийг осолд оруулах нь байна!" гээд, түүний өмнөөс жолоонд нь санаа зовов. 

Ах минь машин барихдаа тийм ч сайн биш. Тэр аль эрт жолооны үнэмлэхтэй болсон ч, энэ өөрийнхөө хүслээр биш юм. Зүгээр л хүн бүр түүнийг болон Намжүн убба-г жолооны үнэмлэхгүй, машин барьж чаддаггүй гээд байсан учир шарандаа авчихсан. Одоо тэгээд сайн барьж чаддаг эсэх нь ч мэдэгдэхгүй замын хөдөлгөөнд оролцоод явдаг юм. Би түүнийг аймшигтай муу гэж хэлэхгүй ч, амь насаа бол бүрэн даатгаж яав ч чадахгүй!

Жимин над руу нэг хялам хийчхээд албаар өөр эгнээнд орох гэж байгаа юм шиг хүрдээ эргүүлээд, буцан өөрийн эгнээндээ орлоо. Харин түүний энэ үйлдэлд үхтлээ айсан би дээд талын бариулаасаа барьсаар, жаахан байх үеийнх шигээ л солгой хоолойгоо ээжээ хэмээн орилох нь тэр. 

Миний үйлдэлд Жимин-д их л таалагдсан бололтой тас тас хөхөрсөөр ахин нэг удаа үйлдлээ давтлаа. Бурхан минь гэж! Гуйя, миний өмнөөс түүнийг энэ үйлдлийнх нь төлөө гэсгээнэ гэж хэлээч!!

Жимин-ий тоглоом болж орилон явсаар эцэст нь нэг юм зорьсон газраа ирж, эх дэлхий дээр газардав. Газар минь би чамд ямар их хайртайгаа үгээр илэрхийлж ч чадахгүй нь!

Өнгөрсөн долоо хоногт бид элсэлтийн ерөнхий шалгалттай өгсөн. Бас сарын өмнө байх, америк хөл бөмбөгийн өсвөрийн холбооноос дахин нэг тэмцээн зохиохоор болсон юм байна лээ. Тэгээд өнөөдөр тэр тэмцээнийх нь сүүлийн тоглолт болж байгаа юм. Харин би Жонгүг-г дэмжхээр ирсэн.