هند خشت لي جدها وكان اول مره تشوفو ماحصلت شافتو ابدا عاينت فيهو كان علامه الصلاه بتزين وجهه ورغم تقدم عمرو لكن محافظ علي شكلو ومظهرو سلمت عليهو
هو عاين فيها مسافه عايز يعرف هي مين وجاتو ليه بعد سلم عليها قال ليها
:اتفضلي ممكن اخدمك بي شنو
سكتت مسافه استجمعت فيها كل قوته وقالت ليهو
:انا هند محمد يوسف
ماركز معا الاسم ورد ليها
:ايوه السكرتيره ورتني اسمك اتفضلي
:طيب انتا مالاحظت للاسم
:كيف
:انتا يوسف وولدك اسمو محمد
بعد كان قاعد مرتاح في الكرسي عدل من قعدتو
:انتي بت محمد انا ماعندي ولد اسمو محمد مات زمان عندي
:لا هو مامات زمان يادوب ابوي مات ليهو شهر وانا جيت اكلمك بالوفاه
عاينت في تعبير وشو عايزه تشوف هل اتأثر بس ملامحو بعد سمع خبر الوفاه بان ليها طبيعي جدا ومافيهو حاجه اتغيرت واصلت كلامه
:مات بعد اتعذب شديد مات وهو يوم واحد ماسمعنا كلمه شينه عنكم رغم اننا عارفين كل حاجه حصلت بس هو حفظ ليك انتا واعمامي سووري اخوانو مكانتكم عشان مانكرهكم اتظلم كتيييير جدا جدا حتي هو لما بعد منكم وحبا يشق طريقو براهو ضايقتو ومنعتو الناس تشغلو وبرضو اتحمل دا كلو ورضي بالقاسمو ليهو ربنا واشتغل حاجات كتيره جدا متعبه عشان يوفر لينا عيشه كريمه مرض ووصل مرحله الدكاتره منعو يبزل مجهود مااشتغل بي كلامم عشان مايخلينا نحتاج حاجه من زول والحمدلله لحدما وصلت الجامعه واخواتي واحده خاشه الجامعه والتانيه ماشه علي الثانوي امورنا مستوره والحمدلله
ابوي مات وكان نفسو تكونو جمبو لما مات ماعشان تساعدو لا عشان يحس انو عندو اهل يكفنو بس ويشيلو عليهو الفاتحه ربنا مابسأل الولد بس عن عصيان ابوهو برضو بسأل الاب عن ابنو البجدعو وبخلي يموت وهو حي ومابشتغل بيهو حتي لما يموت الفاتحه مايرفعا فيهو بسألو عن الايتام الخلاهم وراهو برضو
قطع ليها كلامه
:يعني انتي جايه تشحدي بي اسم ابوك
:لا ماجايه اشحد بي اسم ابوي لانو ابوي ماعلمني كدا انا جيت اوريك انو اتوفي بس مااكتر والحمدلله من قمنا مامدينا يدنا لي زول نشحدو ولا حنعمل كدا ابدا العندنا كفايه وزياده انا بت اي لكن بعمل المستحيل عشان اخواتي وامي وماعايزين منكم حاجه ابدا ابدا
بس بتمني تعملو فراش لي ولدك وتترحمو عليهو عشان روحو ترقد بي سلام هو في النهايه ولدكم
:قومي اطلعي بره اخر الزمن بت ماقامت من قعر الواطه جايه توريني انا اعمل شنو انا ماعندي ولد اسمو محمد ابدا ابدا انتي امك زمان غشتو ولعبت عليهو وسعت تتزوجو تتزوجو وتلقي القروش والعز العمرها ماشافتو ولا حتي حلمت بيهو وهو مشي وراها لكن نحنا كلنا منعنا واتمسك هو بيها زي التقول كاتبه عن شيخ وطردنا وعارضنا عشان يرجع لي صوابو ويشوف واحده من مستواهو هو اصر وفي النهايه اتبرينا منو كلنا وماعاد في العائله ولد اسمو محمد ابدا ابدا وانا لو عارفك ماكان خليتك تقربي ساي من الشركه خلي تدخلي جوه وتقعدي في كرسي وتتكلمي معا اسيادك انتي واهلك عايزين القروش عشان كدا جابوك تشحديني بس ماانا البتمشي عليهو حاجات زي دي لاقيت زيكم كتيير ومابتغشا انا وقرش مني ماحتشوفو يالا بره
قامت هند وهي مكسوره من الكلام السمعتو من جدها اتمنت في لحظه قلبو يحن وتنزل منو دمعه ساي علي ولدو لحمو وقطعه منو لكن ولا حتي اتأثر ساي بالحاجه دي وكانت ملامحو عاديه قالت ليهو قبل تطلع
:القروش ماكل حاجه ابوي قدر ايامو العاشه عيشنا في سعاده مابعدها رغم الوضع الكنا عايشنو انا طالعه لكن حنتلاقا يايوسف باشا
وطلعت منو وهي حزينه ومتالمه ومكسوره لكن الجرح الانجرحتو والكلام السمعتو ولد جواها حاجه تانيه خالص هو بتباهي بالقروش العندو وشايفم محتاجين هي حتسعي يكون عندها قروش بي اي وسيله وحتكون زيو واحسن منو وحترد ليهو كل القالو ليها وماحترتاح ابدا الا تنتقم منو عشان ابوها وعشان اخواتا وعشان امها وعشان كل الايام العاشوها من عذاب وظلم من ناحيتم وفكرت في الخطوات الحتعملا عشان تصل لي هدفا
