:هند في زول بره بسأل منك
:زول منو
:قال اسمو يوسف
قامت هند من محلها
:قلتي منو ياامي
:يوسف
قامت هند وطلعت بره
:جاي لي شنو تاني هنا بعد الحصل موش قلتا كلام عباس صاح
:اولا هل حتخليني واقف في الباب كدي انا ضيفكم برضو
:اتفضل
يوسف خشي جوه وقعد امها جابت ليهو مويه ومحتاره في الزول دا منو بس متاكده انو ليهو يد في الحاجه الحصلت لي هند بتها ودعت ربنا يجعلو خير
يوسف قال لي هند
:انا لما اول مره قلتا ليك انا عارف عنك اي حاجه كنتا علي درايه كامله انتي شنو موش في الشغل لا في كل شي وانا لما عباس جا وكلمني كنتا عارف برضو انو كل كلامو غلط وانك صاح ومافي حاجه بينكم خالص
:طيب ليه اتصرفت معاي كدا
:عباس عندو اعمال كتيره غير مشروعه ومتابع ليهو فتره هو ذكي جدا جدا عندي اخوي ضابط ووضع خطه للقبض عليهو عن طريق معامله بيني وبين عباس ووصلنا المرحله الاخيره انا اذا اتصرفت اي تصرف غير التصرف الاتصرفتو عباس كان حيلغي المعامله وتروح فرصه القبض عليهو والحمدلله اتقبض عليهو وحاليا هو في السجن وحيقعد فتره طويله جدا قبل يطلع دا الحاصل كلو ياهند مكانك في الشركه محفوظ اصلا مافي زول اخدو ولا في زول حياخدو ودا ماالسبب الجابني ليك هنا
اتلفت يوسف لي ام هند
:امي انا جيت طالب يد بتك هند
هنا هند وامها بقو يعاينو في يوسف وهم مندهشين من كلامو
الام بعد مسافه ردت ليهو
:انا والله ياولدي مافهمت حاجه من كلامك غير انك طالب يد بتي انا مابعرف غير اسمك بس اذا هند وافقت ممكن تطلب يدها من خاله
:انا مدير الشركه الشغاله فيها هند وشكلها هند ماحكت ليك الحاجه الحصلت ودي حاجه انا خلتني متمسك بي هند اكتر غير انها بت ناس واتربت تربيه كويسه برضو راعت ليك وماكلمتك بالحصل فضلت انها تتوجع براها من توجع معاها زول تاني وماتحكي ليك حاجه ممكن انتي زاتك تسبب ليك مشكله
يوسف عرف نفسو تعريف كامل وبعد خلص قال لي هند
:اها رايك شنو ياهند
هند سكتت وقعدت تبكي مااتخيلت ابدا انو دا يحصل والسواد الكانت شايفه كلو يتحول لي ضو كبير وفرحه مابعدها ويوسف يطلب يدها وتكون زوجتو
:هند
رجعته امها من تفكيره
:نعم ياامي
:رايك شنو يابتي في كلام يوسف
عاينت في يوسف ودموعه لسه نازله معا فرحه اتسللت عشان تترسم في وشها
:بعد خالي يوافق انا موافقه
يوسف طوالي طلب رقم خاله واتصل عليهو وطلبه رسمي منو وخال هند اداهو الاوكي
:خلاص ياامي انا الاسبوع الجاي حاجيب اهلي ونجي نتقدم رسمي ومبروووك لينا كلنا
امها من الفرحه غلبه البتسوي حتي ماقدرت تزغرد وشها اتملا دموع
يوسف استأذن منهم عشان راجع طوالي وسلم هند قروش
:دي شنو يامدير
:اولا حاجه ياريت تقولي لي يايوسف بدون مدير انتي حتكوني زوجتي تانيا دا مرتبك وعليهو حافز الشغل الفات ومعاهو مبلغ بسيط تجهزو بيهو لي اليوم الحنجي فيهو وماتقولي كلمه
سكتت هند مااتكلمت ودعم يوسف وطلع امها واقفه بتعاين ليها هند قالت لي امها
:معليش امي دسيت منك الحصل بس ماكنتا عايزك تتضايقي وانتي عندك الضغط كنتا خايفه من تجي لحظه وماالقي طريقه الا اكلمك اني خليت الشغل لكن ربنا كريم والحمدلله
:ليه يابتي تشيلي كل الهم دا في قلبك انا امك وبشيل معاك انا الاستحملتو معا ابوك الله يرحمو مافي زول بتحملو وقفه ابوك معاي ادتني قوه اني اواجه كل حاجه بي صبر واقول الحمدلله عليها واكون متاكده انها لي خير والحمدلله حتي موضوعك بقي لي خير ليك يابتي والحمدلله
خاله جا المسا وكانو مبسوطييين شديد
هنداتصلت علي شهد والهام وكلمتم وفرحو ليها شديد ومرت الايام وجا اليوم الموعود وكانت هند قمر ماشاءالله عليها اخوات يوسف لما شافوها رددو ماشاءالله وفرحو بي اختيار يوسف شديد طبعا يوسف جاب اخوانو واخواتو وعمو واولاد عمو وهنا خال هند كلم جيرانو طوالي عم يوسف قال ليهم احسن نعقد وهم يتمو عرسم وكت ربنا يسهل ليهم
وتم.العقد واصبحت هند زوجه يوسف علي كتاب الله وسنه رسوله صلي الله عليه وسلم وفرحته وصلت السما ربنا عوضا عن كل حزنها وعذابه بي اجمل حاجه بدل تكون موظفه في شركه يوسف بقت زوجتو وعندها نصيب في كل املاكو
خلصت هند الاجازه ورجعت لي شغلها واول مادخلت الشركه لقت كل الموظفين واقفين وبباركو ليها وفيهم الفرحان ليها وفيهم الحاقد عليها وحاسده شكرتم كتير ومشت علي يوسف وسلمت عليهو وطبعا السكرتيره عايزه تموت من الزعل كيف يوسف يعرس بت زي دي
:سلام عليكم يامدير
:تاني يامدير يابت انا حاليا زوجك
:يوسف دي في التلفون او في البيت بعدين اما هنا يامدييييير جرتا هند مسافه وقعدو يضحكو الاتنين واستاذنت منو عشان تمشي للشغل طوالي
وهي ماشه علي القسم جاها اتصال
:انتي هند محمد
:ايوه
:عندك اختك اسمها شهد
:ايووه ماله
:اختك اتقبض عليها في شقه معا مجموعه من الاولاد والبنات وهم بشربو مخدرات
هند وقعت من طوله مغمي عليها
