خطى تائهة

الجزء 15

نزلت الهام الشغل معا هند في الشركه والشغل ماشي تمام التمام ويوسف ادي هند صلاحيات اكبر في الشركه وبقت هي الكل في الكل وكانت قدر المكانه دي بي اجتهاده ونتائج شغلها العاد علي الشركه بي ارباح كبيره جدا جدا هند اخدت ثقه في نفسها اكبر وبقت مابتهاب اي حاجه سنده يوسف وقوه شخصيته وقدرته علي اتخاذ القرار الصاح

يوسف حدد موعد الزواج بس هي طلبت انها تسافر البلد عندها كم حاجه حتعمله هناك

وصلت هند البلد ولاقت امها وخاله وقعدت امها وخاله

:امي وخالي في موضوعين عايزه اخد رايكم فيهم اولا موضوع زواجك ياخالي

:زواج شنو يابتي انا خلاص تاني ربنا يديني حسن الخاتمه بس

:ياخال انت لسه شباب والبنات بتشاكلو فيك

قعدو يضحكو

:بتضحكي علي خالك

:العفو ياخالي والله انت لسه الراجل مابكبر وعادي الواحد بصل70سنه وبتزوج بت عمرها 20 سنه ويجيب ولد والا بت كمان انت وين من العمر دا

:يابتي شوفي حياتك انا كفايه علي فرحتكم انتو بالدنيا عندي

:ونحنا فرحتنا مابتم الا احننك بي يدي ونزفك عريس

:اخوي ماتقوي راسك اسمع كلام هند وتجيب ليك وليد او بنيه يشيلوك لما تكبر

:اتفقتو علي يعني

:اي ياخالي اتفقنا عليك وانا اشتريت ليك ركشه تطلع منها مصاريفك ومصاريف بيتك وماتحتاج لي زول

:لا يابتي كدا كتير

:كتيير. انا لو خدمتك بي عيوني وقدمت ليك كل مال الدنيا دي مابكون كفيت ولو واحد في الميه من العملتو لينا ياخال ربنا يخليك لينا ويطول لينا في عمرك

:والله ماعارف اقول ليك شنو يابتي ربنا يبارك فيك ويديك قدر نيتك وحقيقه انتي بتي وبت ابوك الراجل الفاضل

امها قالت ليها

:اها خالك موضوعو انتهي خلاص الموضوع التاني شنو

:طيب ياخالي وامي انتو بتعرفو هشام قريبنا حاليا هو قرب يخلص جامعه بقري هندسه

:ايوه عرفتو هشام ود ممتاز واهلو اهلنا

:هشام حابي يتقدم لي شهد اختي

:بس هو لسه ماخلص جامعه يابتي

:اي هو ماخلص جامعه بس هو زول مسئول وجاي بالباب وبنعرفو وبنعرف اهلو

:بس يابتي

:امي مابس ولا حاجه خلي الفرح يكتمل في بيتنا وشهد حتفرح برضو

خاله اتدخل في الكلام