خطى تائهة

الجزء 07

الام قفلت من هند وعايزه تنوم سمعت صوت بره طلعت تشوف الحاصل شنو لقتا كديسه حركت طوبه في الحيطه وهي جايه علي غرفته سمعت صوت زول بتكلم براحه قربت اكتر وفتحت الباب شهد من شافت امها اتخلعت والتلفون وقع منها

:بتتكلمي معا منو يابت انصاص الليالي

:دي دي صاحبتي ياامي

:صاحبتك صاحبتك منو وليه متوتره ومخلوعه كدا لا لو كانت صاحبتك كنتي حتكوني عاديه حتغشي علي امك

:لا انا عاديه ياامي مافي مافي حاجه امي

:جيبي التلفون طيب

:انتي مامصدقاني امي

:قلتا ليك جيبي التلفون يابت

رفعت التلفون ادتو ليها ويدها بترجف

:لقت اخر مكالمه مسجله بي نهي صاحبتي

:طيب وكت هي نهي صاحبتك ليه متوتره كدا وماعلي بعضك

:لا ياامي مافي حاجه بس اتخلعتا بي فتحه الباب بس مافي حاجه امي

:خير خلاص اخدي راحتك

:تمام امي

امها مشت منها وهي جرت نفس طويل وبينا وبين نفسها قالت

:الحمدلله المسجله رقم هشام بي نهي صاحبتي كان ماكدي كان امي الليله كتلتني

ختت التلفون جمبها ورقدت نامت

تاني يوم قامت من الصباح ماشه علي المدرسه لاقاها هشام وهشام هو قريبها لكن من بعيد هو برضو ممتحن السنه دي كان بحبها شديد وهي برضو بتحبو جدا بس داسين الحاجه دي عشان اهلم صعبين شديد

:امس مانمت خالص والله. اول ماسمعتا صوت امك قفلت الخط طوالي وبسأل نفسي الحصل عليك شنو كنتا خايف عليك شديد اها الحصل شنو

:انا اتخلعت شدييد والله لما امي جات داخله علي ولما سالتني قلتا ليها ي صاحبتي والحمدلله كنتا مسجله الرقم بي نهي صاحبتي امي شافت اخر مكالمه ولقت فعلا الاسم صاح كما كده كانت امي حتعمل مشكله كبيره بس لازم نعمل حسابنا شديد

:الحمدلله والله خفت عليك شديد حبيبتي انا كان ظروفي بتسمح كان جيت عديل البيت ولاقيت الوالده والخال لكن لو جيت اسي بقولو نحنا شفع ساي وعايزين نلعب لانو انا لسه في الثانوي وقدامي كتيير

:مامشكله حبيبي بس نعمل حسابنا شديد

:تمام حبيبتي يالا عشان تلحقي المدرسه ونشد حيلنا عشان نجيب نتيجه كويسه ونخش كليات كويسه ونحقق حلمنا ونكون معا بعض

:حااضر حبي يالاسلام

اي واحد فيهم مشي علي مدرستو وهم ماخدين دفعه معنويه جميله جدا

هناك في البيت امهم قاعده معا اخوها قام قال ليها

:احمد ود عبدالله المهندس لاقني الليله واتقدم لي هند وقال اذا ربنا هون وهي وافقت حيجي هو وابوهو يتقدمو رسمي ويحدد زمن قريب للعرس عشان اجازتو ماكبيره وهو راجع شغلو في السعوديه قريب وهو شاب محترم وودناس ومن اسره وضعهم كويس وسمعتم حلوه جدا وهو شغال في شركه هندسيه في السعوديه ووضعو ممتاز

:والله كان علي انا موافقه يااخوي لانو انا بعرف امو ماشاءالله لكن نشوف راي هند

:خلاص اتصلي عليها وشوفي راي شنو

:تمام اخوي

هدي شالت التلفون واتصلت علي هند

:الو هند بتي كيفك

:اهليين امي كييفك وكيف خالي واخواتي تمام

:تمااام والله بخيير انا عايزاك في موضوع مهم يابتي

:اتفضلي امي تحت امرك انا