هند استلمت الشهاده وطوالي علي الشركه واستلمت تعيين رسمي رئيسه للقسم الاشتغلت فيهو مؤخرا
واتحمست للشغل اكتر وفي فتره بسيطه قدمت شغل ممتاز جدا جدا
يوسف كان مبسوط من شغله شديد والموظفين حاسدينها علي انها بي سرعه اتنقلت النقله دي وحازت علي اعجاب المدير كان في شكلها او بي شغلها
مزدلفه جابت 245وشهد نجحت وجابت92 وقدمت كليه هندسه معمار اصلها من صغيره كانت بتتمني تكون مهندسه كانت مبسوطه وفرحانه جدا
وامهم كانت سعيده وهي بتشوف بتها الكبيره شغاله كويس جدا جدا وبتها الاصغر منها نجحت بي تميز وحتخش الجامعه وبتها الصغيره حتخش الثانوي
مرت الايام وهند رتبت وجهزت لي شهد كل حاجاته عشان تخش الجامعه
طبعا الفتره الفاتت هند مامشت الحله خالص ومافي زول شافه قريب
شهد لما نزلت من البص وشافت هند
:هند ماشاءالله اختي للحظه ماعرفتك تصدقي شنو الحلاوه دي كلها
:بطلي غلاسه يابت شنو ماعرفتك دي مالي
:انتي اتغيرتي كتير شياكه ومكياج. مبالغه اختي
حضنو بعض وسلمو علي بعض ومشو الداخليه
كل الامور كانت ماشه تمام وكل يوم هند بتعجب يوسف اكتر وهي لاحظت لي اهتمامو الزايد بيها وبعدين من تعامل يوسف واحترامو ليها بدت هي تعجب بيهو اكتر واتغيرت نظرته للرجال واقتنعت انو ماكل الرجال واحد حتي يوسف معا انو عندو رقمه الا انو مابتصل عليها الا في حاجه بتخص الشغل وبس ومابزيد في كدا ولا بي كلمه
الهام وشهد بقو اصحاب برضو خصوصا انو شهد عندها الهزار والمرح وخلقت لي هند والهام جو جميل في الغرفه بس بتقعد معا الهام اكتر لانو هند ادت زمنه كلو للشغل وبتجي مرهقه وتعبانه وبتتونس معاهم شويه وبتنوم
وضعم في البيت هناك بدي يتصلح شويه شويه وهند قامت بي شغل في جميل في البيت ويوم بتتكلم معا امها
:امي انا عندي ليك خبر حلو وعايزه اعملو
:اتفضلي يابتي فرحيني
:خالي ضيع شبابو فينا وانا عايزه اعرس ليهو
:بس خالك كبر يابتي وهو ماشي علي 45 سنه
:ومالو ياامي احسن تكون عندو زوجه تسندو وهو كبير وتساعدو
:كلامك سمح يابتي بس هل هو حيرضي بي كدا
:خلي علي انتي بس وحاشوف ليهو طريقه ركشه يسوقه في الحله ويتعايش منها عشان مايحس انو عاله علينا
:الله يكبرك بي عقلك يابتي كلامك طيب تب والله
:تمام امي ونفرح زاتو حبه ياغاليه طولنا مافرحنا
:وانتي يابتي حافرح بيك بتين
:اي حاجه مكتوبه ومقسمه من ربنا ياامي في زمنه ووكتها
:تمام يابتي
شهد المكالمات بينه وبين هشام قلت شديد بقت مامهتمه بي انو تتكلم معاهو كتير هو زاتو شالوهو هندسه لكن في مدني شهد عرفت اولاد في الجامعه وخشت في حياه الجامعه وحست انو الاولاد الهنا بختلفو من هشام كتير هي كانت جميله بنفس جمال هند عشان كدا اولاد كتار في الجامعه كانو بحاولو يتقربو منها وهي مبسوطه بي كدا جدا
هند يوم وهي طالعه علي الشغل جاها تلفون من رقم غريب
:الووو منو معاي
:نقول مسحتي الرقم مامشكله لكن حتي الصوت ماعرفتي امشي الشركه عشان تستلمي خطاب الاستغناء عنك ياشاطره
وقعد يضحك وقفل الخط وخلاها في حاله مايعلم بيها الا ربنا
