سجينة القصر (مكتملة)

سجينة القصر

الجزء الثاني عشر ولاخير

كان يجلس في مكتبه ينتظر قدوم مجد نظرات الكره والحقد ترسم على محياه، طرقات ليدلف مجد اليه

مجد: كيفك تيم

تيم: عال العال

مجد: اي شوفي هات لشوف

تيم:  انت بتعرف انو نتلي كانت حامل

مجد: حامل!

تيم: اي، بس اليوم بح ما عادت حامل

مجد: فهمني شو بتقصد

تيم: كانت حامل وبإيدي خليتها تخسر الجنين، طول ما انا عايش ما رح خلي يجي وريث لعيلة القاضي، انا بدي اتخلص من زين بأسرع وقت، وتنتقل كل الاملاك لألي كونو ما في وريث غيري

مجد: تيم الي عملتو رح يخلي زين يحطك بدماغو واكيد هو هلا عارف انو نحنا ورا القصة كلا

تيم: ما انا بدي ياه يعرف

مجد: انا ما بعرف شو يلي براسك، وبشو عم تخطط بس انا شو الي بكل هالقصة انا يا عمي ما عاد بدي لا انتقم ولا شي، انا بدي اطلع من كل هالقصة

تيم: شو شايفتك خفت

مجد:لا ما خفت، بس كنت ظالمها للبنت وهي خبرتني بكل شي صار معها وانا سامحتها، بلاساس انا كم يومين ورح سافر

تيم: لوين ?

مجد: على فرنسا، إجاني شغل هنيك وبدي روح استقر وشوف حياتي هنيك وبدي اترك كل شي ماضي وراي وبلش حياتي من جديد وافتح صفحة جديدة بحياتي

تيم: اي الله يوفقك مو غلط

مجد: يلا بدك شي انا لازم امشي هلا

تيم: سلامات، الله معك

غادر مجد يجلس الاخر يفكر بطريقة لتخلص من عائلة القاضي بأكملها

*******
بعد شهر من الحادثة

كان يجلس بالقرب منها ينتظرها حتى تستيقظ من نومها لحظات ليست بكثيرة حتى بدأت تتململ بفراشها، فتحت عيناها لتراه بالقرب منها ينظر اليها

نتلي: صباح الخير

زين: يا صباح الورد، بتعرفي انك كتير حلوة وانتي نايمة

نتلي: يعني بفهم منك اني مو حلوة وانا فايقة

زين: هههههه لك لا مو هيك قصدي، اكيد من دون شك انتي بتجنني وست الستات، وبحبك كتير ومستحيل فكر حب غيرك الا وحدة رح تكون حياتي ودنيتي

نتلي: امك صح

زين: لا، بنتي، بنتي الي رح تجبيلي ياها وتخليها تنور حياتي

نتلي:وليش ما قلت بدي صبي ينور حياتي

زين:انا بحب كتير البنات، ومين خبرك اني بدي بس بنت انا بدي ولاد كتير بدي القصر يصير متل الحضانة 😅😂 يعني بدي شي 5 بنات و5 صبيان