سجينة القصر (مكتملة)

سجينة القصر

الجزء السادس

كان ينادي باسمها والخوف قد دب في اوصال جسده

زين: نتلي نتلي بترجاكي فتحي عيونك نتلي

وضعها من يده على السرير واتجه مسرعة ناحية العطور، اخذ واحدا عشوائيا واتجه اليها بدأ باقتراب يده التي رش عليها العطر الى انفها، بدأت تتململ بروي وعندما فتحت عيناها انتفظت في جلستها بعدما دفعته عنها

زين: كيف صرتي ?

نتلي: هههههه عم تسئلني كيف صرت، ليش انت شو شايف

زين: نتلي صدقيني ما كنت بعرف انا متلك اتفاجأت

نتلي: تركني بحالي بدي ارتاح شوي

زين: لا ما فيني اتركك بهي الحالة

نتلي: لك اتركني اتركني شو ضل بدك مني بعد، انا انسانة ميتة عارف شو يعني ميتة يعني خلص ما عادت رح تفيدك بشي

زين: بعرف الي صار مو سهل عليكي ،بس انا ما رح اسكت وبس يخلص العرس رح افهم كل شي وكيف هاد كان العريس

نتلي: شو رح تستفيد، مجد اتزوج يعني خلص ما عاد لالي ولا عاد يحبني

زين: وشو بالنسبة الك ?

نتلي: بهمك تعرف ?

زين: اكيد

نتلي: انا متت ومات قلبي بالحظة الي دخلو فيها على القصر

زين: طيب ممكن تهدي هلا

كانت تبكي بانفعال قوي

نتلي بصراخ: شايفني مجنونة اطمن لسة ما انجنيت

اقترب منها حاول ان يحتضنها فكانت تدفعه كلما اقترب منها، حاول من جديد حتى سكنت بين احضانه، كان يسمع صوت بكائها

زين: حاجتك بكي

نتلي: انا تعبت تعبت من كل شي تعبت من يلي عم يصير بحياتي ،ليش مكتوب علي ضل عايشة بقهر وجع ليش

زين: انا ما بعمري طلبت من حد يسامحني، وانتي اول شخص بطلب منو يسامحني على الي عملتو فيكي

نتلي: بدك سامحك، على شو سامحك بزبط، بدك سامحك لانك خليتني افسخ خطبتي ولا بدك سامحك لانك اتزوجتني بالغصب ولا بدك سامحك لانك خليتني حبيسة هي الغرفة على شو بدك سامحك بزبط