Unicode
Singto ထွက်သွားသည့် ကျောပြင်ငယ်နောက်ကို အပြေးလိုက်ကာ မှီရာလက်ကို လှမ်းဆွဲလိုက်တော့ ခြေလှမ်းတွေ ခဏတန့်သွားပြီးမှ နောက်လှည့်ကြည့်လာသူ၏ မှင်သေသေမျက်နှာထားကြောင့် ဖမ်းဆုပ်ထားသည့်လက်ကို ယောင်ပြီးလွှတ်လိုက်မိသည်။
" မင် မင်း လျှောက်ပြောနေတာမလား "
" Singto.... "
" ကိုယ့်ကို နောက်..နောက်နေတာမလား "
" ဘယ်လိုထင်လို့လဲ "
ထို့နောက် ခဏစိုက်ကြည့်နေရာမှ မျက်ခုံးလေးတစ်ဖက်ပင့်ကာ မေးလာသည့် Kristကို ကြည့်ရင်း တဖြည်းဖြည်း ပြောင်းလဲလာသည့် ပြုံးစစမျက်နှာပေးကြောင့် Singto အဖြေကို သဘောပေါက်သွားရသည်။
" ဟူး... တကယ်လန့်သွားတာပဲကွာ "
" အမ်း Singtoရှိနေမှန်းသိလို့ စကြည့်တာ "
မျက်နှာချင်းဆိုင်ရပ်လာပြီး ပါးချိုင့်လေးတွေ ပေါ်သည်အထိ ရယ်ပြနေသူလေးက သူ့အား စနောက်လိုက်ရသဖြင့် သဘောကျနေပုံကြောင့် Singto ခုမှ သက်ပြင်းလေးချကာ ခေါင်းယမ်းရယ်နိုင်တော့၏။
" အဲ့ဒါ 'စ'စရာမဟုတ်ဘူးနော် "
" Singtoကကော အဲ့ဒါကို ယုံစရာလား "
" ယုံတာ မယုံတာထက် ရုတ်တရက်ကြားလိုက်ရတာကိုး "
ပြောပြောဆိုဆို စွေစောင်းကြည့်လိုက်တော့ မေးငေါ့ပြလာသူလေးက သူနိုင်သွားပြီ ဆိုသည့်အထာနှင့် ခေါင်းလေးကို လှုပ်လီလှုပ်လဲ့ လုပ်ပြနေသေးသဖြင့် ဆံပင်ဖောင်းဖောင်းလေးကို လှမ်းဆွဲဖွာလိုက်မိသည်။
" ဟေး မလုပ်နဲ့ ကေပျက်သွားလိမ့်မယ် "
" ပျက်ပျက်ကွာ လူကို 'စ'ချင်ဦး... 'စ'ချင်ဦး.. "
ရှောင်လိုက် တိမ်းလိုက်နှင့် ပြောင်ပြနေသည့် ကောင်လေး၏ ဆံပင်တွေကို လိုက်ဆွဲဖွာရင်း မိုက်ခနဲဖြစ်ကာ မျက်လုံးကို ပြန်ဖွင့်လိုက်တော့ မီးရောင်ဖျော့ဖျော့လေး ရောင်ပြန်ဟပ်နေသည့် မျက်နှာကျက်ကိုသာ မြင်ရတော့၏။
' ဟက် နောက်ဆုံးတော့... အိပ်မက်ပဲ '
ဖြစ်ပျက်ခဲ့သည့် အဖြစ်အပျက်တို့က မယုံကြည်နိုင်စရာကောင်းလွန်း၍ မှေးခနဲ အိပ်ပျော်သွားသည့်အခိုက် ပြောင်းလဲပစ်ချင်သည့် အဖြစ်အပျက်တွေကို အိပ်မက်မက်ခဲ့ပုံပင်။
YOU ARE READING
ၾကင္သူနတ္ဆိုးေလး {ကြင်သူနတ်ဆိုးလေး}
Fanfictionလက္ထပ္ခဲ့တာ မိန္းမပ်ိဳတစ္ေယာက္ေပမဲ့ မက္မက္ေမာေမာနမ္းရိႈက္မိတာက နတ္ဆိုးေလးတစ္ေယာက္ကိုရယ္~~~ လက်ထပ်ခဲ့တာ မိန်းမပျိုတစ်ယောက်ပေမဲ့ မက်မက်မောမောနမ်းရှိုက်မိတာက နတ်ဆိုးလေးတစ်ယောက်ကိုရယ်~~~ Cover Pic Credit #yu_ririki
