حلم حياتي (للكاتبه منى أبو العز )

البارت 20

عند يوسف وامل
يوسف : يا حبيبتي عشان خطري ارتاحي انتي حامل ولا مسمعتيش كلام الدكتور

امل : سمعت ي حبيبي والله بحضر الاكل وهاجى علي طول

يوسف : دماغك نفسه عارفه لو ابني حصله حاجه

امل : همك علي ابنك طب ومراتك ام العيال ي حبيبي

يوسف : انتي حبيبتي وكل حاجه ليا بس انتي اول واحده حامل فيهم وكنت عاوز اقولك حاجه بلاش تتكلمي في الحمل قدامهم يعني عشان .....

امل مقاطعته  : ملكش حق ي يوسف لا ده جميلة و ندي بيحبوني وفرحولي اوووي انت فاهم غلط خالص ي حبيبي

يوسف : اللي انتي شيفاه يا حبيبتي  بس انا بعرفك وانتي مقتنعه باللي في بالك مش مشكلة

امل : يلا ي حبيبي عشان ناكل

_____________________________________
في منزل سليم وجميلة الباب بيخبط
سليم : ثواني بس ي حبيبتي هفتح الباب واجيلك متتحركيش من مكانك

جميلة : حاضر بس انت خايف كده لي انا كويسة ي سمسم

سليم : تاني سمسم اسمعي الكلام ي جميلتي وقبلها من جبينها
ذهب سليم ليفتح الباب وكانت والده سليم
Flash back....
اول ما الدكتورة دخلت وسليم كان ينتظرها اخرج هاتفه
سليم : الو ايوا ي امي جميلة أغم عليها بعد ما جبتها من الكلية والدكتورة عندها في الأوضه ممكن تيجي ي امي عشان تطبخيلها حاجه تأكلها لان شكلها تعبان

نادية : بنتي مالها انا جيه حالا اقفل ي سليم
(نادية بتعبر جميلة بنتها من يوم ما عرفت الحقيقه و جميلة بتقولها ي ماما )
عوده للحاضر مرة أخري

نادية : اي ي ابني خير حصلها اي هيا فين انت مالك بتضحك كده لي مراتك تعبانه رد عليا

سليم : في الأوضه وكادت أن تدخل حتي قال سليم : مراتي حاامل هيبقي اب

ناديه : بتكلم جد ي سليم

سليم : ايوا ي امي
دخلت نادية لجميلة
نادية : مبروووك ي حبيبتي مش عاوزكي تتحركي من مكانك خالص اي حاجه في البيت هتخصني لا بيت اي انتي تيجي انتي وسليم عندي الفيلا ونقعد مع بعض ومتتحركيش من مكانك مدام الامتحانات خلصت و .....

سليم : اهدي بس ي ماما براحه مش كده

جميلة : سيبها ي سليم تتكلم من عنيا ي امي هعملك كل اللي انتي عاوزه

سليم : جابها من كتفها الا الكلام بتاع امي بس اللي يسمع وانا كلامي لا

جميلة : الحقيني ي ماما 

نادية ضربته علي كتفه : اوعه يولا متمدش ايدك عليها

سليم : بقي كده ي جميلة ماشي لينا بيت يلمنا

طلعت جميلة لسانها زي الاطفال وضحك عليها سليم

وبعد وقت طويل اخدت ناديه جميلة وكل اللي هتحتاجه وراحت الفيلا و طلعت جميلة اوضة سليم
وسألها سليم تستريح ونزل تحت

في اوضة سليم مسكت جميلة التلفون وفتحت جروب الوتس
جميلة : ي امل ي ندي انتوا ي عيال

امل : نعم ي جميلة

ندي : اي ي بت

جميلة : هيبقي مامي قمر انا حامل

امل : بجد الف مبروووك ي قلبي هتبقي أحلي مامي

ندي : مبروك ي جميلة معلش فارس اجه عامله الاكل واجي
عند ندي فضلت تعيط أن هيا محملتش وقالت إن هيا لازم تكشف هيا و فارس .

وفضلت امل وجميلة يكلموا لحد ما امل اتصلت بي جميلة
امل بتكلم جميلة  فى التلفون

امل : السلام عليكم

جميلة : وعليكم السلام

امل : عاملة اي يا جميلة والبيبي أخباره اي

جميلة : الحمد لله وانتى ي اموله

امل  باستغراب : مالك يا بت فيكي اي

جميلة بسرحان : يا ترى مفاجأة اي اي اللى هيحصل بس كان نفسي اعمل كده

( جميلة كان نفسها تعمل خبر حملها لسليم مفجاة بس ربنا ماردش و عرفوا مع بعض )

امل  باستغراب : مفاجأة اى ي بت

جميلة  بانتباه : لا ولا حاجة بس سرحت شوية ي حبيبتي

امل بمرح : سرحتى امم اللى واخد عقلك بقى ي ستي وبعدين متسرحيش عشان البيبي ي بت

جميلة ة : بس يا بت عايزة اي متصلة لي هااا  ده وقتك انتي كمان انا عاوزه انام حامل بقي وكده

امل  : يا بنتى احترمينى شوية مش كده وبعدين ما انا حامل وصحيه اهوا الله اي الدلع ده قومي ابت اطبخي

جميلة  : هتخلصى والا اقفل فى وشك اطبخ اي انا عند حماتي حبيبتي

امل  :  ي بختك ي ستي بحماتك عارفة يا بت يا جميلة اهم حاجة حب الناس والله

جميلة  بضحك : حصل وانا عن نفسى بموت فيكى  ي بت

امل بمرح : من قلبك يا فوزى

جميلة بضحك : اوماااااال ي اختشي

جميلة ة : المهم انتى عاملة اي ي بت والبيبي كويس

امل  : كويسة الحمد لله والبيبي كويس انا متصلة عشان اقولك انى مبسوطة جدا يا بت يا جميلة

جميلة : ربنا يبسطك على طول يا قلب اختك بس لي بقى ها لي

امل  : اصل حاسة أن حياتى انا ويوسف ابتدت تتحسن كتير عن الاول احنا كنا اول الجواز بنشاكل  وبس

جميلة بغمزة : يا سيدى يا سيدى شكلنا هننسى خططتنا ولا اي ابت

امل  : لا والله ولا خطة ولا حاجة انا خلاص مقدرش ازعل رفيق دربى يا بت احنا هنهزر ولا اي

جميلة  : الله يسهلوووو بس تعرفى انا كمان خلاص مش عايزة اعمل خطط تانى فى سمسم قرة عينى ده لو سمعني بسمسم هيموتني 

امل : يلا بقى اصل احنا طيبين اوى وهنديهم فرصة تانية اه

جميلة : يعنى مش عشان بنحبهم وهما بيحبونا مثلا

امل  : تؤتؤ عشان احنا طيبين ايش فهمك انتى ي بنتي يلا انا هقفل

جميلة : ماشي ي قلبي

امل : سلام

جميلة : سلام

___________________________________
عند ندي اول ما دخل فارس من الباب جريت عليه ندي و ........
هتعرف بكرا
Mona Abo Elezz