حلم حياتي (للكاتبه منى أبو العز )

البارت 27والاخير

بعد وقت سليم رجع من الشغل وطلع اوضته
سليم : قلب بابا عامل اي

جميلة من غير نفس : كويس

سليم باستغراب : مالك ي قلبي

جميلة : فاكر عم حسن اللي كان ساكن في نفس العمارة بتاعتي

سليم : ايوا فاكرة بس اي اللي حصل

جميلة : جالي انهارده و قالي أن ورث بابا مكتوب كله باسم مرات ابويا

سليم : وانتي عاوزه الورث ده

جميلة : يعني اي مش ده حقي

سليم : حقك بس تفتكري هترضي تدهولك

جميلة : مش عارفه بس قالي أن هيا تعبانه و كمان حاول معاها كتير ترجعلي حقي وهيا مرضتش مش عارفه ممكن لما احاول معاها توافق

سليم : اللي انتي شيفاه ي قلبي

جميلة : انا عاوزه اروحلها بكرا

سليم : من عنيا ي قلبي

عدي اليوم بسلام
في صباح يوم جديد
صحيت جميلة علي صوت عياط ريان قامت اخدته اتمشت بيه والوقت بيعدي و صحت سليم عشان ينزل شغله وقالتله إن هيا عاوزه تروح لمرات ابوها وقالها تحضر نفسها هيروحولها الاول
بعد وقت جميلة حضرت نفسها ونزلت لسليم و أحدها وراح الحي بتاعهم عشان يروح لمرات ابوها وصلوا تحت البيت ونزلت جميلة ومعاها سليم
في شقة مرات ابوها
(اللي هيا شقة ابوها يعني )
الباب خبط
بعد ثواني مرات ابوها فتحت الباب
جميلة : السلام عليكم

مرات ابوها : وعليكم السلام ازيك ي جميلة

جميلة استغربت جدا ازاي مقالتلهاش ي بنت مني زي كل مرة ومالها مكسورة كده لي : الله يسلمك انتي أخبارك اي

مرات ابوها : الحمد لله خير ي بنتي

سليم حس أن هيا فيها حاجه ومحبش أن جميلة تكلم فتدخل : مفيش بس جميلة حبت تيجي تسال عليكي وانا جبتها والحمد لله انك بخير

مرات ابوها : تسلني ي بنتي
وبعد وقت نزلت جميلة وسليم وهما علي السلم

جميلة : انت لي كلمت ومخلتنيش اكلم

سليم : شكلها تعبان اوووي نبقي نيجي مره تانيه مش من اول مرة ي قلبي

جميلة : ماشي ي حبيبي

نزلوا بس قبل ما يركبوا العربية قبلوا عم حسن
عم حسن: ازيك ي بنتي ازيك ي أستاذ سليم

سليم : الله يسلمك

جميلة : الله يسلمك ي عم حسن هيا مات ابويا مالها
عم حسن حكي ليها كل حاجه وبعدين مشيوا
بعد ما روحوا الفيلا محمد النصار سليم قرر أن يرجع الشقه بتاعته بس هل نادية هانم هتسكت لا طبعا
نادية : لا ي سليم هتقعد في البيت معانا

سليم : ي امي عاوز اقعد انا ومراتي وابني في بيتنا

محمد النصار تدخل : ي سليم هنا بيتك انت بتقول اي يلا اطلع فوق اوضتك انت ومراتك وهنعملك جناح ليكم و الشقه تتباع

بعد مجادلات سليم وافق وطلع اوضته
سليم : اي ي جميلة هتعملي اي

جميلة : معرفش ي سليم انا مكنتش اعرف ان بنتها توفت دي مكسورة اوووي
Flash back......
لما كانوا واقفين مع عم حسن
عم حسن : اي ي بنتي كلمتيها في حاجه

جميلة : لا ي عن حسن سليم مرضاش لأن شكلها تعبانه

عم حسن : احسن ي بنتي انا هيبقي اكلمها يومين كده

سليم : هيا مالها

عم حسن : بنتها توفت بعد ما رجعت من عندكم

جميلة بصدمه : بتهزر صح

عم حسن : لا هيا من يومها وهيا كده
جميلة راحت العربية وسليم فصل واتفق مع عم حسن باللي اللي هيجوا فيه
back...
سليم : عشان كده بقولك بلاش الوقتي عدي اسبوع كده ورحيلها

جميلة : ماشي ي قلبي

عدي الاسبوع في سلام و اجه اليوم اللي جميلة هتروح فيه لمرات ابوها
اخدها سليم وراحوا و طلعت جميلة البيت وهبطت بس اتفجات أن عم حسن اللي فتحلها

عم حسن : ادخلي ي بنتي

جميلة دخلت مستغربه ولقت محامي

مرات ابوها : ده حقك ي بنتي من ورث ابوكي وانا مش عاوزه حاجه بس عاوزه البيت ده اعيش فيه لبعد ما اموت يبقي بتاعك

جميلة عيطت جدا لان شافتها كده وقامت وحصنتها وعيطت
مرات ابوها : خلاص ي بنتي

جميلة : حاضر ي ماما

مرات ابوها : اي قولتي اي

جميلة : حاضر ي ماما

حضنتها مرات ابوها و كانت فرحانه لأنها لقت حد جمبها ومضت جميلة العقود و اخدتها ووعدت نفسها تزورها من كل وقت لتاني
____________________________
عند يوسف وامل حياتهم بقت كويسه جدا بعد ما جابوا ريناد وقربوا لبعض اكتر وبقوا بيخافوا علي بعض و حبهم لبعض بيكبر كل ما بنتهم بتكبر
___________________________
عند ندي وفارس عدي التسع شهور الحمل واجه يوم الولاده وجابت بنوته قمر وسمتها يارا و كانوا فرحانين جدا بعد تعبتهم وصبرهم ربنا كرمهم ببنوته و كانوا فارحنين جدا
__________________________
عند ابطالنا جميلة وسليم هيا ملهاش غيروا وهوا محسسهاش بحاجه وكان اب واخ وحبيب ليها وفعلا بدأت جميلة تروح لمرات ابوها زي ما وعدت نفسها
______________________________
والكل بقي بخير ومن غير مشاكل النهاية ........
العبرة من الرواية :
مش معني أن النهاية حلوه يبقي مفيش مشاكل لا الحياة فيها حلو ومر
وغير كده جميلة مامتها توفت و مرات ابوها كانت شديده وكانت عايشه لوحدها بس ربنا منسهاش حتي لو دي خيال بس العبرة أن ربنا مش بينسي حد من عبادة و بعتلها سليم عشان يبقي ليها كل حاجه اب واخ وحبيب وصديق

اتمني روايتي تكون عجبتكم و عاوزه تعليقات عشان اعرف حلوه ولا بال بحبكم في الله ❤️
تحبوا اكتب رواية تانيه ولا لاء
Mona Abo Elezz